ಸ್ಥಳೀಯಾಡಳಿತ ಚುನಾವಣೆಯಲ್ಲಿ ಮತ ಚಲಾಯಿಸಲು ಸಾಧ್ಯವಾಗದ ಮಮ್ಮುಟ್ಟಿ: ಮತದಾರರ ಪಟ್ಟಿಯಲ್ಲಿಹೆಸರಿಲ್ಲದೆ ಲಭಿಸದ ಅವಕಾಶ

ಕೊಚ್ಚಿ: ನಟ ಮಮ್ಮುಟ್ಟಿ ಈ ಬಾರಿಯೂ ಸ್ಥಳೀಯಾಡಳಿತ ಚುನಾವಣೆಯಲ್ಲಿ ಮತ ಚಲಾಯಿಸಿಲ್ಲ. ಅವರ ಹೆಸರನ್ನು ಮತದಾರರ ಪಟ್ಟಿಯಲ್ಲಿ ಸೇರಿಸಲಾಗಿಲ್ಲ.

ಮಮ್ಮುಟ್ಟಿ ಮತ್ತು ಅವರ ಕುಟುಂಬ ಇತ್ತೀಚೆಗೆ ಪಣಂಬಿಲ್ಲಿ ನಗರದಿಂದ ಎಲಂಕುಳಂಗೆ ಸ್ಥಳಾಂತರಗೊಂಡಿತ್ತು. ಮಮ್ಮುಟ್ಟಿ ಅವರ ಪತ್ನಿ ಸಲ್ಫತ್ ಅವರ ಮತ ಪಣಂಬಿಲ್ಲಿ ನಗರದ ಮತದಾರರ ಪಟ್ಟಿಯಲ್ಲಿದೆ, ಆದರೆ ಮಮ್ಮುಟ್ಟಿ ಅವರ ಹೆಸರು ಪಟ್ಟಿಯಲ್ಲಿಲ್ಲ.

ಸಾಮಾನ್ಯವಾಗಿ ಬಹುತೇಕ ಎಲ್ಲಾ ಚುನಾವಣೆಗಳಲ್ಲಿ ಮತ ಚಲಾಯಿಸುವ ಮಮ್ಮುಟ್ಟಿ ಈ ಬಾರಿ ಮತ ಚಲಾಯಿಸಲು ಅವಕಾಶ ಕಳಕೊಂಡಿರುವುದು ಖೇದಕರ. ತಿರುವನಂತಪುರದಲ್ಲಿ, ಕೇಂದ್ರ ಸಚಿವ ಮತ್ತು ನಟ ಸುರೇಶ್ ಗೋಪಿ ಶಾಸ್ತಾಮಂಗಲಂ ಎನ್‍ಎಸ್‍ಎಸ್ ಶಾಲೆಯಲ್ಲಿ ಮತ ಚಲಾಯಿಸಿದರು. ತಿರುವನಂತಪುರಂ ಕಾಪೆರ್Çರೇಷನ್‍ನಲ್ಲಿ ಬಿಜೆಪಿ ನಾಯಕ ಗೆದ್ದರೆ, ಅವರು ಅನಾಯಾಸವಾಗಿ ಬಹುಮತದೊಂದಿಗೆ ಅಧಿಕಾರಕ್ಕೆ ಬರುತ್ತಾರೆ ಎಂದು ಅವರು ಹೇಳಿಕೊಂಡರು.