ಕುಂಬಳೆ ಉಪಜಿಲ್ಲಾ ಮಟ್ಟದ ಕಲೋತ್ಸವ ಹಾಗೂ ವಿಜ್ಞಾನ ಮೇಳಗಳಲ್ಲಿ ಕಿಳಿಂಗಾರು ಶಾಲಾ ವಿದ್ಯಾರ್ಥಿಗಳಿಂದ ದಾಖಲೆಯ ಸಾಧನೆ

ಬದಿಯಡ್ಕ: ಇತ್ತೀಚಿಗೆ ನಡೆದ ಕುಂಬಳೆ ಉಪಜಿಲ್ಲಾ ವಿವಿಧ ಮೇಳಗಳಲ್ಲಿ ಕಿಳಿಂಗಾರು ಅನುದಾನಿತ ಕಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳು ಉತ್ತಮ ಸಾಧನೆಗೈದಿದ್ದಾರೆ. ವೃತ್ತಿಪರಿಚಯ ಮೇಳದಲ್ಲಿ ಮೂರನೇ ತರಗತಿಯ ವೈಷ್ಣವ್ ಭಟ್ ಬುಕ್ ಬೈಂಡಿಂಗ್ ನಲ್ಲಿ ದ್ವಿತೀಯ ಸ್ಥಾನ,ನಾಲ್ಕನೇ ತರಗತಿಯ ವಿಜೇಶ್  ಆವೆಮಣ್ಣಿನ ಆಕೃತಿ ನಿರ್ಮಾಣದಲ್ಲಿ ತೃತೀಯ ಸ್ಥಾನ, ಸಾನ್ವಿ ಎ ಒರಿಗಾಮಿ ಯಲ್ಲಿ ಎ ಗ್ರೇಡ್, ನಂದನ ಎಂ ಪೇಪರ್ ಕ್ರಾಫ್ಟ್ ನಲ್ಲಿಂ ಗ್ರೇಡ್, ಬಿನೋಯ್ ಡಿ ಸೋಜಾ ವೆಜಿಟೇಬಲ್ ಪ್ರಿಂಟಿಂಗ್ ನಲ್ಲಿ ಎ ಗ್ರೇಡ್,ಧ್ಯತಿ ಯನ್ ಆರ್ ಫ್ಯಾಬ್ರಿಕ್ ಪೇಯಿಂಟಿಂಗ್ ನಲ್ಲಿ ಎ ಗ್ರೇಡ್, ಧನ್ವಿ ಎಸ್ ಕೆ ಬೀಡ್ಸ್ ವರ್ಕ್ ನಲ್ಲಿ ಎ ಗ್ರೇಡ್, ಲಶಿತ್ ಪಿ.ಕೆ. ಪ್ರೋಟ್ರಿ ಪೇಂಟಿಂಗ್ ನಲ್ಲಿ ಎ ಗ್ರೇಡ್, ಗಣಿತ ಮೇಳದಲ್ಲಿ  ನಂಬರ್ ಚಾರ್ಟಿನಲ್ಲಿ ಸಿಂಚನ ಲಕ್ಷ್ಮಿ ಎ ಗ್ರೇಡ್ ಹಾಗೂ ಜಿಯೋಮೆಟ್ರಿಕ್ ಚಾರ್ಟಿನಲ್ಲಿ ನವ್ಯಶ್ರೀ ಎ ಗ್ರೇಡ್ ಪಡೆದಿರುತ್ತಾರೆ. ಕುಂಬಳೆ ಉಪಜಿಲ್ಲಾ ಮಟ್ಟದ ವಿಜ್ಞಾನ ಮೇಳದಲ್ಲಿ  ಚಾರ್ಟ್ ಬರೆಯುವುದರಲ್ಲಿ ನಾಲ್ಕನೇ ತರಗತಿಯ  ಅಕ್ಷಯ್ ಹಾಗೂ ವೈಭವಿ ಎ ಗ್ರೇಡ್, ಸಮಾಜ ವಿಜ್ಞಾನ ಮೇಳದಲ್ಲಿ ನಾಣ್ಯಗಳ ಸಂಗ್ರಹದಲ್ಲಿ ಮೂರನೇ ತರಗತಿಯ ವೈಶಾಲಿ ಕೆ.ಎಂ ಹಾಗೂ ಯಜ್ಞೇಶ್ ಎ ಗ್ರೇಡ್ ಪಡೆದಿರುತ್ತಾರೆ .

ಮುಳ್ಳೇರಿಯದಲ್ಲಿ ನಡೆದ ಕುಂಬಳೆ ಉಪಜಿಲ್ಲಾ ಮಟ್ಟದ ಐP ವಿಭಾಗ ಕನ್ನಡ ಭಾಷಣ ಸ್ಪರ್ಧೆಯಲ್ಲಿ ಮೂರನೇ ತರಗತಿಯ ವೈಷ್ಣವ್ ಭಟ್ ಪ್ರಥಮ ಸ್ಥಾನ ಗಳಿಸಿರುತ್ತಾನೆ.

ಒಗಟು ಸ್ಪರ್ಧೆಯಲ್ಲಿ ಹಾಗೂ ಕನ್ನಡ ಕಂಠಪಾಠ ಸ್ಪರ್ಧೆಯಲ್ಲಿ ನಾಲ್ಕನೇ ತರಗತಿಯ ಸಿಂಚನ ಲಕ್ಷ್ಮಿ ಎ ಗ್ರೇಡ್,  ಎಲ್.ಪಿ ವಿಭಾಗ ದೇಶಭಕ್ತಿಗೀತೆಯಲ್ಲಿ ಸಿಂಚನ ಲಕ್ಷ್ಮಿ ಮತ್ತು ಬಳಗ (ನವ್ಯಶ್ರೀ, ನಂದನ ಯಂ, ವೈಭವಿ ಪಿ, ತನ್ವಿಕಾ ಎ, ಪ್ರತೀಕ್ಷ ಎ , ಸಾನ್ವಿ ಎ ) ಎ ಗ್ರೇಡ್, ಇಂಗ್ಲೀಷ್ ಅಭಿನಯ ಗೀತೆಯಲ್ಲಿ ಒಂದನೇ ತರಗತಿಯ ಸ್ವಸ್ತಿಕ್ ಶರ್ಮ ಎ ಗ್ರೇಡ್, ಕನ್ನಡ ಅಭಿನಯ ಗೀತೆಯಲ್ಲಿ ಎರಡನೇ ತರಗತಿಯ ಧನ್ವಿ ಎಸ್ ಕೆ ಎ ಗ್ರೇಡ್, ಕಥೆ ಹೇಳುವ ಸ್ಪರ್ಧೆಯಲ್ಲಿ ಎರಡನೇ ತರಗತಿಯ ಲಶಿತ್ ಪಿ.ಕೆ. ಎ ಗ್ರೇಡ್, ಮಲೆಯಾಳಂ ಕಂಠಪಾಠದಲ್ಲಿ ನಮ್ಮ ಶಾಲೆಯ ನಾಲ್ಕನೇ ತರಗತಿಯ ನಂದನ ಯಂ ಎ ಗ್ರೇಡ್ ,ಲಘು ಸಂಗೀತ ಸ್ಪರ್ಧೆಯಲ್ಲಿ ನಾಲ್ಕನೇ ತರಗತಿಯ ವಿಜೇಶ್ ಎ ಗ್ರೇಡ್, ಮಲೆಯಾಳಂ ಅಭಿನಯ ಗೀತೆಯಲ್ಲಿ ಎರಡನೇ ತರಗತಿಯ ದಿಲ್ ಶಾ ಉಷಾಂತ್ ಎ ಗ್ರೇಡ್ ಪಡೆದಿದ್ದಾರೆ. ವಿಜೇತರನ್ನು ಶಾಲಾ ವ್ಯವಸ್ಥಾಪಕರು, ಶಾಲಾ ಅಧ್ಯಾಪಕ ವೃಂದ, ರಕ್ಷಕ ಶಿಕ್ಷಕ ಸಂಘ, ಮಾತೃಸಂಘ ಅಭಿನಂದಿಸಿದ್ದಾರೆ.