ಮುಂದೂಡಲ್ಪಟ್ಟಿದ್ದ ಮೂರು ವಾರ್ಡ್‍ಗಳಲ್ಲಿ ಮತದಾನ ಮುಕ್ತಾಯ; ಶೇ. 67.2 ರಷ್ಟು ಮತದಾನ, ಇಂದು ಎಣಿಕೆ

ತಿರುವನಂತಪುರಂ: ಅಭ್ಯರ್ಥಿಗಳ ಮರಣದ ಹಿನ್ನೆಲೆಯಲ್ಲಿ ಮುಂದೂಡಲ್ಪಟ್ಟಿದ್ದ ರಾಜ್ಯದ ಮೂರು ವಾರ್ಡ್‍ಗಳಲ್ಲಿ ನಿನ್ನೆ ಮತದಾನ ನಡೆಯಿತು. ಸಂಜೆ 5 ಗಂಟೆಯವರೆಗೆ ಮತದಾನದ ಪ್ರಮಾಣ 67.2% ಆಗಿತ್ತು.

ತಿರುವನಂತಪುರಂ ಮಹಾನಗರ ಪಾಲಿಕೆ ಕ್ಷೇತ್ರದಲ್ಲಿ, ಮಲಪ್ಪುರಂನ ಮುತ್ತೇಡಂ ಗ್ರಾಮ ಪಂಚಾಯತ್‍ನ ಪೈಂಪಡಿಕೆ ವಾರ್ಡ್ ಮತ್ತು ಎರ್ನಾಕುಳಂನ ಪಂಬಕ್ಕುಡ್ ಗ್ರಾಮ ಪಂಚಾಯತ್‍ನ ಓನಕ್ಕೂರು ವಾರ್ಡ್‍ನಲ್ಲಿ ಮತದಾನ ನಡೆಯಿತು. ಸಂಜೆ 6 ಗಂಟೆಗೆ ಮತದಾನ ಕೊನೆಗೊಂಡಿತು.

ಕ್ಷೇತ್ರದಲ್ಲಿ 13,307 ಮತದಾರರಿದ್ದು, ಒಂಬತ್ತು ಅಭ್ಯರ್ಥಿಗಳು ಸ್ಪರ್ಧಿಸಿದ್ದರು. ಪೈಂಪಡಿಕೆಯಲ್ಲಿ 991 ಮತ್ತು ಓನಕ್ಕೂರಲ್ಲಿ 1183 ಮತದಾರರಿದ್ದಾರೆ. ಪ್ರತಿ ಕ್ಷೇತ್ರದಲ್ಲಿ ನಾಲ್ಕು ಅಭ್ಯರ್ಥಿಗಳಿದ್ದರು. ಮತ ಎಣಿಕೆ ಇಂದು(ಮಂಗಳವಾರ) ಬೆಳಿಗ್ಗೆ 10 ಗಂಟೆಗೆ ಪ್ರಾರಂಭವಾಗಲಿದೆ.