ಪ್ರೊಫೆಶನಲ್ ಕಾಂಗ್ರೆಸ್‍ಗೆ ಸೇರ್ಪಡೆಗೊಂಡ ಮಾಜಿ ಐಎಎಸ್ ಅಧಿಕಾರಿ ಕಣ್ಣನ್ ಗೋಪಿನಾಥನ್; ಸದಸ್ಯತ್ವ ಸ್ವೀಕಾರ

ಕೋಝಿಕೋಡ್: ಮಾಜಿ ಐಎಎಸ್ ಅಧಿಕಾರಿ ಕಣ್ಣನ್ ಗೋಪಿನಾಥನ್ ಅಖಿಲ ಭಾರತ ಪ್ರೊಫೆಶನಲ್ ಕಾಂಗ್ರೆಸ್ (ಎಐಪಿಸಿ) ಸೇರಿದರು. ಎಐಪಿಸಿ ಕೇರಳ ಸ್ಪೋಟ್ರ್ಸ್ ವರ್ಟಿಕಲ್ ಮತ್ತು ಎಐಪಿಸಿ ಕೋಝಿಕೋಡ್ ಜಿಲ್ಲಾ ಸಮಿತಿ ಜಂಟಿಯಾಗಿ ಆಯೋಜಿಸಿದ್ದ ಕೋಝಿಕೋಡ್‍ನ ಡಿಸಿಸಿ ಸಭಾಂಗಣದಲ್ಲಿ ನಡೆದ ಸಮಾರಂಭದಲ್ಲಿ ಎಐಪಿಸಿ ರಾಜ್ಯ ಅಧ್ಯಕ್ಷ ರಂಜಿತ್ ಬಾಲನ್ ಅವರು ಅವರಿಗೆ ಅಧಿಕೃತವಾಗಿ ಸದಸ್ಯತ್ವ ನೀಡಿದರು. 

ಎಐಪಿಸಿ ಸ್ಪೋಟ್ರ್ಸ್ ವರ್ಟಿಕಲ್ ಆಯೋಜಿಸಿದ್ದ ರಾಜ್ಯ ಮಟ್ಟದ 'ರೀಲ್ಸ್ ಸ್ಪರ್ಧೆ'ಯ ವಿಜೇತರನ್ನು ಗೌರವಿಸುವ ಸಮಾರಂಭದ ಸಂದರ್ಭದಲ್ಲಿ ಸದಸ್ಯತ್ವ ವಿತರಣೆಯನ್ನು ಮಾಡಲಾಯಿತು. ಸದಸ್ಯತ್ವ ಸ್ವೀಕರಿಸಿದ ಕಣ್ಣನ್ ಗೋಪಿನಾಥನ್, ದೇಶದ ವೃತ್ತಿಪರರು ಮತ್ತು ಯುವಕರನ್ನು ಪ್ರಜಾಪ್ರಭುತ್ವ ಪ್ರಕ್ರಿಯೆಯ ಭಾಗವಾಗಿಸುವಲ್ಲಿ ಎಐಪಿಸಿ ಮಾಡುತ್ತಿರುವ ಕೆಲಸ ಶ್ಲಾಘನೀಯ ಎಂದು ಹೇಳಿದರು.

ಸ್ಪೋಟ್ರ್ಸ್ ವರ್ಟಿಕಲ್ ರಾಜ್ಯ ಮುಖ್ಯಸ್ಥ ಸಂಜಯ್ ಅಲೆಕ್ಸ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಅಡ್ವ. ಕೆ. ಜಯಂತ್, ಎಐಪಿಸಿ ಜಿಲ್ಲಾಧ್ಯಕ್ಷ ಕ್ರಿಸ್ಟಿ ಪೆರೈಲ್, ಜಿಲ್ಲಾ ಕಾರ್ಯದರ್ಶಿ ಸೈಫ್ ಥೈಕಂಡಿ ಮತ್ತು ಇತರರು ಸಮಾರಂಭದಲ್ಲಿ ಉಪಸ್ಥಿತರಿದ್ದರು. ಸ್ಪರ್ಧೆಯ ವಿಜೇತರಿಗೆ ಸಮಾರಂಭದಲ್ಲಿ ಪ್ರಶಸ್ತಿಗಳನ್ನು ವಿತರಿಸಲಾಯಿತು.

2012 ರ ಬ್ಯಾಚ್ ಐಎಎಸ್ ಅಧಿಕಾರಿಯಾಗಿದ್ದ ಕಣ್ಣನ್, ಕೇಂದ್ರ ಸರ್ಕಾರದ ನೀತಿಗಳನ್ನು ಟೀಕಿಸಿದ ನಂತರ ಸೇವೆಗೆ ರಾಜೀನಾಮೆ ನೀಡಿದರು. ಅವರು ಅಕ್ಟೋಬರ್ 2025 ರಲ್ಲಿ ಕಾಂಗ್ರೆಸ್ ಸೇರಿದ್ದರು. ಸಂಸ್ಥೆಯ ಉಸ್ತುವಾರಿ ವಹಿಸಿದ್ದ ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ. ವೇಣುಗೋಪಾಲ್ ಅವರಿಂದ ಸದಸ್ಯತ್ವವನ್ನು ಸ್ವೀಕರಿಸಿದ್ದರು. ಕಣ್ಣನ್ ಕೊಟ್ಟಾಯಂ ಮೂಲದವರು.