ರೈಲು ಪ್ರಯಾಣದ ವೇಳೆ ಕಾಡುವ ಶೌಚಾಲಯಗಳ ದುಸ್ಥಿತಿಗೆ ಕೊನೆಗೂ ಮುಕ್ತಿ: ಪ್ರತಿ ಎರಡು ಗಂಟೆಗಳಿಗೊಮ್ಮೆ ಸ್ವಚ್ಛಗೊಳಿಸಲು ಹೊಸ ಯೋಜನೆ

ಕೊಟ್ಟಾಯಂ: ರೈಲು ಪ್ರಯಾಣದಲ್ಲಿ ದೊಡ್ಡ ಸಮಸ್ಯೆ ಎಂದರೆ ಜನದಟ್ಟಣೆ ಅಲ್ಲ, ಬದಲಾಗಿ ರೈಲಿನಲ್ಲಿ ಶೌಚಗೃಹದ ಅನೈರ್ಮಲ್ಯವೆಂಬುದು ಹೇಳಲೇ ಬೇಕಾದ ದುಸ್ಥಿತಿ. ರೈಲಲ್ಲಿರುವ ಶೌಚಗೃಹಗಳು ಎಂದಿಗೂ ಸ್ವಚ್ಛವಾಗಿರುವುದಿಲ್ಲ.

ಆದಾಗ್ಯೂ, ಈ ಪರಿಸ್ಥಿತಿ ಬದಲಾಗುತ್ತಿದೆ. ರೈಲುಗಳಲ್ಲಿ ಸ್ವಚ್ಛತೆಯನ್ನು ಸುಧಾರಿಸಲು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಯೋಜನೆಗಳನ್ನು ಘೋಷಿಸಿದ್ದಾರೆ. ಮೊದಲ ಹಂತದಲ್ಲಿ, ಮುಂದಿನ ಆರು ತಿಂಗಳಲ್ಲಿ 80 ರೈಲುಗಳಲ್ಲಿ ಸಮಗ್ರ ನೈರ್ಮಲ್ಯ ಸುಧಾರಣೆಯನ್ನು ಜಾರಿಗೆ ತರಲಾಗುವುದು. 

ಅವುಗಳನ್ನು ಒಳಗೊಂಡಂತೆ ಸಾಮಾನ್ಯ ಬೋಗಿಗಳನ್ನು ಪ್ರತಿ ಎರಡು ಗಂಟೆಗಳಿಗೊಮ್ಮೆ ಸ್ವಚ್ಛಗೊಳಿಸಲಾಗುವುದು. ವೃತ್ತಿಪರ ಕಂಪನಿಗಳಿಗೆ ಇದರ ಜವಾಬ್ದಾರಿಯನ್ನು ವಹಿಸಲಾಗುವುದು. ಪ್ರಯಾಣಿಕರು ಇದಕ್ಕಾಗಿ ಹೆಚ್ಚುವರಿ ಹಣವನ್ನು ಪಾವತಿಸಬೇಕಾಗಿಲ್ಲ.

ಮೂರು ವರ್ಷಗಳಲ್ಲಿ ಎಲ್ಲಾ ರೈಲುಗಳಲ್ಲಿ ಈ ವ್ಯವಸ್ಥೆಯನ್ನು ಜಾರಿಗೆ ತರಲಾಗುವುದು ಎಂದು ರೈಲ್ವೆ ಸಚಿವಾಲಯ ಹೇಳುತ್ತದೆ.

ಸರಕು ಸಾಗಣೆಯನ್ನು ಬಲಪಡಿಸಲು ಮುಂದಿನ ಐದು ವರ್ಷಗಳಲ್ಲಿ ದೇಶದಲ್ಲಿ 500 ಹೊಸ ಟರ್ಮಿನಲ್‍ಗಳನ್ನು ಸ್ಥಾಪಿಸುವ ಗುರಿಯನ್ನು ರೈಲ್ವೆ ಹೊಂದಿದೆ. ಇವು ಆಹಾರ ಧಾನ್ಯಗಳು ಮತ್ತು ಸಿಮೆಂಟ್ ಕ್ಲಿಂಕರ್‍ಗಳನ್ನು ಸಂಸ್ಕರಿಸುವ ಸೌಲಭ್ಯಗಳನ್ನು ಸಹ ಹೊಂದಿರುತ್ತವೆ.