ಆಂಡ್ರಾಯ್ಡ್ ಡಿವೈಸ್‌ಗಳಲ್ಲಿ ಬ್ಯಾಟರಿ ಬೇಗನೇ ಖಾಲಿಯಾಗುತ್ತಿದೆಯೇ? ಈ ಸೆಟ್ಟಿಂಗ್​ ಟ್ರಿಕ್ಸ್ ಫಾಲೋ ಮಾಡಿ

 ನಾವು ಎಷ್ಟೇ ದುಬಾರಿಯಾಗಿರುವ ಫೋನ್ ಕೊಂಡರೂ ಅದರ ಬ್ಯಾಟರಿ ಬಾಳಿಕೆ ಉತ್ತಮ ಮಟ್ಟದ್ದಾಗಿರಬೇಕು ಎಂದು ಬಯಸುತ್ತೇವೆ. ಒಮ್ಮೊಮ್ಮೆ ಬ್ಯಾಟರಿ ಡ್ರೈನ್ ಆಗಿಬಿಡುತ್ತದೆ. ನಾವು ಹೆಚ್ಚು ಇಂಟರ್ನೆಟ್‌ ಬಳಸಿದಾಗ ಸಿನಿಮಾಗಳನ್ನು ನೋಡಿದಾಗ, ಮ್ಯೂಸಿಕ್ ಆಲಿಸಿದಾಗ ಇನ್ಯಾವುದಾದರೂ ಕೆಲಸಗಳನ್ನು ನಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಮಾಡಿದಾಗ ಬ್ಯಾಟರಿ ಬೇಗನೇ ಖಾಲಿಯಾಗಿಬಿಡುತ್ತದೆ. 

ಇನ್ನು ಕೆಲವೊಮ್ಮೆ ಬ್ಯಾಕ್‌ಗ್ರೌಂಡ್ ಡೇಟಾ ಬಳಕೆಯಿಂದ ಕೂಡ ಬ್ಯಾಟರಿ ಮುಗಿದು ಹೋಗುತ್ತಿರುತ್ತದೆ. ಬ್ಯಾಟರಿ ಮುಗಿಯುತ್ತದೆ ಎಂದಾಗ ಅದು ಡಿವೈಸ್ ಅನ್ನು ಕೂಡ ಬೆಚ್ಚಗಾಗಿಸುತ್ತದೆ. 

ನೀವು ಆಂಡ್ರಾಯ್ಡ್ ಫೋನ್ ಬಳಸುವವರಾದರೆ ಫೋನ್‌ನ ಬ್ಯಾಟರಿ  ಹೆಚ್ಚು ಸಮಯ ಬರುವಂತೆ ಮಾಡಲು ಕೆಲವೊಂದು ಸೆಟ್ಟಿಂಗ್‌ಗಳನ್ನು ಬಳಸಬಹುದಾಗಿದೆ.

ಇದರಿಂದ ಸುಧಾರಣೆಗಳನ್ನು ಕೂಡಲೇ ಕಾಣಬಹುದು. ನೀವು ಆಂಡ್ರಾಯ್ಡ್‌ನ ಯಾವುದೇ ಸೆಟ್ ಅನ್ನು ಬಳಸುತ್ತಿರಿ ಅದು ಸ್ಯಾಮ್‌ಸಂಗ್‌ನ ಇತ್ತೀಚಿನ ಮಾಡೆಲ್ ಆಗಿರಬಹುದು, ಪ್ರೀಮಿಯಮ್ ಗೂಗಲ್ ಪಿಕ್ಸೆಲ್ ಆಗಿರಬಹುದು ಯಾವುದೇ ಡಿವೈಸ್‌ಗೂ ಈ ಸೆಟ್ಟಿಂಗ್ಸ್ ಉಪಯೋಗಕಾರಿಯಾಗಿದೆ.

ಆಲ್‌ವೇಸ್-ಆನ್ ಡಿಸ್‌ಪ್ಲೇ ಅನ್ನು ಆಫ್ ಮಾಡಿ

ಫೋನ್ ಡಿಸ್‌ಪ್ಲೇ ಯಾವಾಗಲೂ ಆನ್ ಆಗಿದ್ದರೆ ಅದು ಬ್ಯಾಟರಿ ಮುಗಿಯಲು ಕಾರಣವಾಗುತ್ತದೆ. ಡಿಸ್‌ಪ್ಲೇ ಆನ್‌ನಲ್ಲಿದ್ದರೆ ಬ್ಯಾಟರಿ ಬೇಗನೇ ಮುಗಿದುಬಿಡುತ್ತದೆ ನೀವು ಇದನ್ನು ಪರಿಶೀಲಿಸಿ ಕೂಡ ನೋಡಬಹುದು.

ಇದನ್ನು ಮಾಡುವುದು ಹೇಗೆ?

ಸೆಟ್ಟಿಂಗ್‌ಗಳ ಅಪ್ಲಿಕೇಶನ್ ತೆರೆಯಿರಿ ಮತ್ತು ಲಾಕ್ ಸ್ಕ್ರೀನ್ ಭಾಗವನ್ನು ಪತ್ತೆ ಮಾಡಿ. ನೀವು ಈ ಭಾಗವನ್ನು ಮುಖ್ಯ ಸೆಟ್ಟಿಂಗ್‌ಗಳ ಪಟ್ಟಿಯಲ್ಲಿ ಅಥವಾ ಡಿಸ್‌ಪ್ಲೇ ಅಡಿಯಲ್ಲಿ ಕಾಣಬಹುದು.

ಅಲ್ಲಿಂದ, ಯಾವಾಗಲೂ ಮಾಹಿತಿಯನ್ನು ತೋರಿಸು ಆಯ್ಕೆಯನ್ನು ಅಥವಾ ಯಾವಾಗಲೂ ಪ್ರದರ್ಶನವನ್ನು ಸಕ್ರಿಯಗೊಳಿಸಲು ಸರಳ ಟಾಗಲ್ ಅನ್ನು ಪತ್ತೆ ಮಾಡಿ.

ಯಾವುದೇ ರೀತಿಯಲ್ಲಿ, ಆಯ್ಕೆಯನ್ನು ಆಫ್ ಮಾಡಿ ಮತ್ತು ನೀವು ಅದನ್ನು ಲಾಕ್ ಮಾಡಿದಾಗ ನಿಮ್ಮ ಪರದೆಯು ಸಂಪೂರ್ಣವಾಗಿ ಬ್ಲಾಂಕ್ ಆಗಿದೆ ಎಂದು ಖಚಿತಪಡಿಸಿಕೊಳ್ಳಿ.

ಅಡಾಪ್ಟೀವ್ ಬ್ಯಾಟರಿ ಸಕ್ರಿಯಗೊಳಿಸಿ

ಆಂಡ್ರಾಯ್ಡ್‌ಗಳಲ್ಲಿ ಅಡಾಪ್ಟೀವ್ ಬ್ಯಾಟರಿ ಎಂಬ ಫೀಚರ್ ಇದ್ದು ಹೆಚ್ಚಿನ ಡಿವೈಸ್‌ಗಳಲ್ಲಿ ಇದನ್ನು ಕಾಣಬಹುದು. ಫೋನ್ ಬ್ಯಾಟರಿ ಬಾಳಿಕೆ ವಿಸ್ತರಿಸಲು ವಿಶೇಷ ಪ್ರಕ್ರಿಯೆಗಳನ್ನು ಬಳಸಿಕೊಂಡು ಅಡಾಪ್ಟಿವ್ ಬ್ಯಾಟರಿಯು ಹಿನ್ನೆಲೆಯಲ್ಲಿ ನಿಮ್ಮ ಫೋನ್‌ನ ಕಾರ್ಯಕ್ಷಮತೆ ಮತ್ತು ದಕ್ಷತೆಯನ್ನು ಸ್ವಯಂಚಾಲಿತವಾಗಿ ನಿರ್ವಹಿಸಬಹುದು.

ಇದನ್ನು ಮಾಡುವುದು ಹೇಗೆ

ಸೆಟ್ಟಿಂಗ್ಸ್ > ಬ್ಯಾಟರಿ > ಅಡಾಪ್ಟೀವ್ ಬ್ಯಾಟರಿ ಪ್ರಿಫರೆನ್ಸ್ ಇದಕ್ಕೆ ಹೋಗಿ ಹಾಗೂ ಅಡಾಪ್ಟೀವ್ ಬ್ಯಾಟರಿ ಸಕ್ರಿಯಗೊಂಡಿದೆ ಎಂಬುದನ್ನು ಪರಿಶೀಲಿಸಿ. ಸಕ್ರಿಯಗೊಳ್ಳದಿದ್ದರೆ ಅದನ್ನು ಆನ್ ಮಾಡಿ.

ಆಕ್ಟೀವ್ ಬ್ಯಾಟರಿ ಸೇವರ್

ಅಡಾಪ್ಟಿವ್ ಬ್ಯಾಟರಿ ಜೊತೆಗೆ, ಬ್ಯಾಟರಿ ಸೇವರ್ ಮೋಡ್ ನಿಮ್ಮ ಸ್ಮಾರ್ಟ್‌ಫೋನ್‌ನ ಚಾರ್ಜ್‌ಗಳ ನಡುವಿನ ಕಾಲಾವಧಿಯನ್ನು ವಿಸ್ತರಿಸಲು ಸಹಾಯ ಮಾಡುತ್ತದೆ.

ಈ ವೈಶಿಷ್ಟ್ಯವು ನಿಮ್ಮ ಸಾಧನದ ಸಾಫ್ಟ್‌ವೇರ್‌ನಾದ್ಯಂತ ವಿಶುವಲ್ ಎಫೆಕ್ಟ್‌ಗಳನ್ನು ಸೀಮಿತಗೊಳಿಸುವುದು, ಹಿನ್ನೆಲೆಯಲ್ಲಿ ಅಪ್ಲಿಕೇಶನ್‌ಗಳನ್ನು ನಿರ್ಬಂಧಿಸುವುದು ಮತ್ತು ಅದು ಈಗಾಗಲೇ ಆನ್ ಆಗಿಲ್ಲದಿದ್ದರೆ ಡಾರ್ಕ್ ಮೋಡ್ ಅನ್ನು ಆನ್ ಮಾಡುವಂತಹ ವ್ಯಾಪಕ ಬದಲಾವಣೆಗಳನ್ನು ಮಾಡುತ್ತದೆ.

ಬಹುತೇಕ ಎಲ್ಲಾ ಆಂಡ್ರಾಯ್ಡ್ ಫೋನ್‌ಗಳು ಬ್ಯಾಟರಿ ಸೇವರ್ ಫಂಕ್ಶನ್‌ನೊಂದಿಗೆ ಬರುತ್ತವೆ. ಗ್ಯಾಲಕ್ಸಿ ಫೋನ್‌ಗಳಲ್ಲಿ ಇದನ್ನು ಪವರ್ ಸೇವಿಂಗ್ ಮೋಡ್ ಎಂದು ಕರೆಯಲಾಗುತ್ತದೆ.

ಮಾಡುವುದು ಹೇಗೆ

ಪಿಕ್ಸೆಲ್ ಫೋನ್‌ಗಳಲ್ಲಿ, ಸೆಟ್ಟಿಂಗ್‌ಗಳು > ಬ್ಯಾಟರಿ > ಬ್ಯಾಟರಿ ಸೇವರ್‌ಗೆ ಹೋಗಿ. ವೈಶಿಷ್ಟ್ಯವು ಯಾವಾಗ ಸ್ವಯಂಚಾಲಿತವಾಗಿ ಸಕ್ರಿಯಗೊಳ್ಳುತ್ತದೆ ಅಥವಾ ಆಫ್ ಆಗುತ್ತದೆ ಎಂಬುದಕ್ಕೆ ನೀವು ವೇಳಾಪಟ್ಟಿಯನ್ನು ಸಹ ಆಯ್ಕೆ ಮಾಡಬಹುದು.

ಗ್ಯಾಲಕ್ಸಿ ಫೋನ್‌ಗಳಲ್ಲಿ, ಸೆಟ್ಟಿಂಗ್‌ಗಳು > ಬ್ಯಾಟರಿ ಮತ್ತು ಸಾಧನ ಆರೈಕೆ > ಬ್ಯಾಟರಿಗೆ ಹೋಗಿ. ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸಲು ಪವರ್ ಸೇವಿಂಗ್ ಪಕ್ಕದಲ್ಲಿರುವ ಟಾಗಲ್ ಸ್ವಿಚ್ ಅನ್ನು ತಿರುಗಿಸಿ.

ಡಾರ್ಕ್ ಮೋಡ್‌ಗೆ ಬದಲಿಸಿ

ಕಳೆದ ಕೆಲವು ವರ್ಷಗಳಿಂದ, ಅನೇಕ ಮಧ್ಯಮ ಶ್ರೇಣಿಯ ಮತ್ತು ಬಜೆಟ್ ಆಂಡ್ರಾಯ್ಡ್ ಫೋನ್‌ಗಳು ಔಐಇಆ ಡಿಸ್ಪ್ಲೇಗಳನ್ನು ಅಳವಡಿಸಿಕೊಂಡಿವೆ.

ಈ ತಂತ್ರಜ್ಞಾನವು ಬಳಕೆಯಲ್ಲಿಲ್ಲದಿದ್ದಾಗ ಪ್ರತ್ಯೇಕ ಪಿಕ್ಸೆಲ್‌ಗಳನ್ನು ಮಬ್ಬಾಗಿಸಲು ಅಥವಾ ಸಂಪೂರ್ಣವಾಗಿ ಆಫ್ ಮಾಡಲು ಅನುಮತಿಸುತ್ತದೆ.

ಮಾಡುವುದು ಹೇಗೆ

ನಿಮ್ಮ ಆಂಡ್ರಾಯ್ಡ್ ಫೋನ್‌ನಲ್ಲಿ ಸೆಟ್ಟಿಂಗ್‌ಗಳು > ಡಿಸ್‌ಪ್ಲೇಗೆ ಹೋಗಿ. ಅಲ್ಲಿ, ಲೈಟ್ ಮತ್ತು ಡಾರ್ಕ್ ಥೀಮ್ ನಡುವೆ ಬದಲಾಯಿಸಲು ಮತ್ತು ದಿನದ ನಿರ್ದಿಷ್ಟ ಸಮಯದಲ್ಲಿ ಡಾರ್ಕ್ ಮೋಡ್ ಅನ್ನು ಸ್ವಯಂಚಾಲಿತವಾಗಿ ಆನ್ ಮಾಡುವ ಆಯ್ಕೆಯನ್ನು ನೀವು ಕಾಣಬಹುದು. ಬ್ಯಾಟರಿ ಬಾಳಿಕೆಯನ್ನು ಹೆಚ್ಚಿಸಲು ಡಾರ್ಕ್ ಮೋಡ್ ಅನ್ನು ಆನ್‌ನಲ್ಲಿ ಇರಿಸುವುದು ಉತ್ತಮ

ಡಿಸ್‌ಪ್ಲೇ ಬ್ರೈಟ್‌ನೆಸ್ ಹಾಗೂ ಸ್ಲೀಪ್ ಟೈಮ್ ಅಡ್ಜಸ್ಟ್ ಮಾಡಿ

ಡಿಸ್‌ಪ್ಲೇ ಬ್ರೈಟ್‌ನೆಸ್ ಬ್ಯಾಟರಿಯನ್ನು ಉಳಿಸುತ್ತದೆ ಹಾಗಾಗಿ ಫೋನ್ ಡಿಸ್‌ಪ್ಲೇ ಸಾಕಷ್ಟು ಬ್ರೈಟ್‌ನೆಸ್ ಅನ್ನು ಹೊಂದಿದೆ ಎಂದಾಗ ಅದನ್ನು ಕಡಿಮೆ ಮಾಡಿಕೊಳ್ಳಬಹುದು. ಫೋನ್ ಸ್ಕ್ರಾಲ್ ಮಾಡುವಾಗ ಕೂಡ ನೀವು ಡಿಸ್‌ಪ್ಲೇ ಬ್ರೈಟ್‌ನೆಸ್ ಕಡಿಮೆ ಮಾಡಿಕೊಳ್ಳಬಹುದು.

ಫೋನ್‌ನ ಡಿಸ್‌ಪ್ಲೇ ಮೇಲ್ಭಾಗದಿಂದ ಕೆಳಕ್ಕೆ ಸ್ವೈಪ್ ಡೌನ್ ಮಾಡಿ. ಇಲ್ಲಿ ಸನ್ ಅಥವಾ ಬೆಳಕಿನ ಮೂಲದ ಯಾವುದಾದರೂ ಚಿತ್ರವನ್ನು ಕಂಡುಕೊಳ್ಳಬಹುದು. ಬ್ರೈಟ್‌ನೆಸ್ ಕಡಿಮೆ ಮಾಡಲು ಸ್ಲೈಡರ್ ಅನ್ನು ಎಡಕ್ಕೆ ಡ್ರ್ಯಾಗ್ ಮಾಡಿ.

ಬಳಕೆಯಲ್ಲಿಲ್ಲದ ಅಕೌಂಟ್‌ಗಳನ್ನು ತೆಗೆದು ಹಾಕಿ

ಒಮ್ಮೊಮ್ಮೆ ನಾವು ಬಳಸದೇ ಇರುವ ಯಾವುದಾದರೂ ಖಾತೆಗಳು ಬ್ಯಾಟರಿಗೆ ಮುಳುವಾಗಬಹುದು. ಈ ಖಾತೆಗಳು ಅಧಿಕ ಬ್ಯಾಟರಿಯನ್ನು ಬಳಸುತ್ತಿರುತ್ತವೆ.

ಮಾಡುವುದು ಹೇಗೆ

ಸೆಟ್ಟಿಂಗ್‌ಗಳ ಅಪ್ಲಿಕೇಶನ್‌ಗೆ ಹೋಗಿ ಅಲ್ಲಿ ಅಕೌಂಟ್ಸ್ (ಖಾತೆ) ಸೆಕ್ಶನ್ ಹುಡುಕಿ, ಇಲ್ಲಿ ನಿಮ್ಮ ಫೋನ್‌ಗೆ ಸಿಂಕ್ ಮಾಡಲಾದ ಎಲ್ಲಾ ಅಕೌಂಟ್‌ಗಳ ಪಟ್ಟಿಯನ್ನು ಕಾಣಬಹುದು. ಯಾವುದು ಬೇಡವೋ ಆ ಖಾತೆಯನ್ನು ತೆಗೆದುಹಾಕಿ.

ಕೀಬೋರ್ಡ್ ಸೌಂಡ್ಸ್ ತೆಗೆಯಿರಿ

ಕೀಬೋರ್ಡ್ ಸೌಂಡ್ ಇಲ್ಲವೇ ಯಾವುದಾದರೂ ಅಪ್ಲಿಕೇಶನ್‌ಗಳ ಸೌಂಡ್‌ಗಳಿದ್ದರೆ ಅದನ್ನು ತೆಗೆದುಹಾಕಿ. ಇದು ಕೂಡ ಬ್ಯಾಟರಿ ಖಾಲಿಯಾಗಲು ಕಾರಣವಾಗುತ್ತದೆ.

ಮಾಡುವುದು ಹೇಗೆ

ಸೆಟ್ಟಿಂಗ್‌ಗಳ ಅಪ್ಲಿಕೇಶನ್ ತೆರೆಯಿರಿ ಮತ್ತು "ಭಾಷೆ ಮತ್ತು ಇನ್‌ಪುಟ್" ಅನ್ನು ಹುಡುಕಿ. ಈ ವಿಭಾಗವು ನಿಮ್ಮ ಕೀಬೋರ್ಡ್ ಸೆಟ್ಟಿಂಗ್‌ಗಳು ಇರುವ ಸ್ಥಳವಾಗಿದೆ. ಡೀಫಾಲ್ಟ್ ಕೀಬೋರ್ಡ್ ಅನ್ನು ಆಯ್ಕೆ ಆ ವಿಭಾಗ ಸರ್ಚ್ ಮಾಡಿ, ಸೆಟ್ಟಿಂಗ್ ನಿರ್ವಹಿಸಲು ಪಕ್ಕದ ಗೇರ್ ಐಕಾನ್ ಸ್ಪರ್ಶಿಸಿ.

ನೋಟಿಫಿಕೇಶನ್ಸ್ ಕಡಿಮೆ ಮಾಡಿ

ನೋಟಿಫಿಕೇಶನ್‌ಗಳು ಕೂಡ ಬ್ಯಾಟರಿ ಮುಗಿಸಲು ಕಾರಣವಾಗುತ್ತವೆ. ನಿಮಗೆ ಗೊತ್ತಿಲ್ಲದೆ ಹಿನ್ನಲೆಯಲ್ಲಿ ಈ ನೋಟಿಫಿಕೇಶನ್‌ಗಳು ಬರುತ್ತಿರುತ್ತವೆ.

ಇವುಗಳನ್ನು ಆಫ್ ಮಾಡಲು

ಸೆಟ್ಟಿಂಗ್ಸ್>ನೋಟಿಫಿಕೇಶನ್ಸ್>ಆಪ್ ನೋಟಿಫಿಕೇಶನ್ಸ್ ಇದಕ್ಕೆ ಹೋಗಿ ನಿಮ್ಮ ಫೋನ್‌ನಲ್ಲಿ ಇನ್‌ಸ್ಟಾಲ್ ಆಗಿರುವ ಎಲ್ಲಾ ಆಪ್‌ಗಳನ್ನು ಕಾಣಬಹುದು. ಇದರ ನೋಟಿಫಿಕೇಶನ್‌ಗಳನ್ನು ಆಫ್ ಮಾಡುತ್ತಾ ಬನ್ನಿ

ಲೋ ಪವರ್ ಮೋಡ್ ಬಳಸಿ

ಈ ಮೋಡ್ ಕೆಲವೊಂದು ನಿರ್ದಿಷ್ಟ ಫೀಚರ್‌ಗಳನ್ನು ನಿಷ್ಕ್ರಿಯಗೊಳಿಸುತ್ತದೆ. ಆಪ್ ರಿಫ್ರೆಶ್‌ಗಳನ್ನು ಮಿತಿಗೊಳಿಸುತ್ತದೆ ಹಾಗೂ ಸ್ಕ್ರೀನ್ ಬ್ರೈಟ್‌ನೆಸ್ ಅನ್ನು ಕಡಿಮೆ ಮಾಡುತ್ತದೆ.

ಆಂಡ್ರಾಯ್ಡ್ ಫೋನ್‌ನಲ್ಲಿ ಲೋ-ಪವರ್ ಮೋಡ್ ಆನ್ ಮಾಡಲು ಹಲವಾರು ವಿಧಾನಗಳಿವೆ. ತ್ವರಿತ ಸೆಟ್ಟಿಂಗ್‌ಗಳನ್ನು ಪ್ರವೇಶಿಸಲು ನಿಮ್ಮ ಪರದೆಯ ಮೇಲಿನಿಂದ ಎರಡು ಬಾರಿ ಕೆಳಕ್ಕೆ ಸ್ವೈಪ್ ಮಾಡುವುದು ಮತ್ತು ನಂತರ ಬ್ಯಾಟರಿ ಶಾರ್ಟ್‌ಕಟ್ ಅನ್ನು ಟ್ಯಾಪ್ ಮಾಡುವುದು ಅತ್ಯಂತ ಸಾಮಾನ್ಯ ವಿಧಾನವಾಗಿದೆ. ಲೋ-ಪವರ್ ಮೋಡ್ ನೋಟಿಫಿಕೇಶನ್ ಅನ್ನು ಇಲ್ಲಿ ಕಾಣುತ್ತೀರಿ. ಅದನ್ನು ಸಕ್ರಿಯಗೊಳಿಸಿ.