ಯುಡಿಎಫ್ ಪರ ಪ್ರಚಾರ ಮಾಡಲಿರುವ ನಟ ಜಾಯ್ ಮ್ಯಾಥ್ಯೂ: ಹೊಸ ಸಾಂಸ್ಕøತಿಕ ಸಂಘಟನೆ ರಚನೆ: ವಿ.ಡಿ.ಸತೀಶನ್

ಕೋಝಿಕೋಡ್: ನಟ ಮತ್ತು ಸಾಂಸ್ಕೃತಿಕ ಕಾರ್ಯಕರ್ತ ಜಾಯ್ ಮ್ಯಾಥ್ಯೂ ಮುಂಬರುವ ಚುನಾವಣೆಯಲ್ಲಿ ಯುಡಿಎಫ್ ಪರ ಪ್ರಚಾರ ಮಾಡಲಿದ್ದಾರೆ ಎಂದು ವಿರೋಧ ಪಕ್ಷದ ನಾಯಕ ವಿಡಿ ಸತೀಶನ್ ಹೇಳಿದ್ದಾರೆ. ಕೋಝಿಕೋಡ್‍ನಲ್ಲಿ ನಡೆದ ಇಬ್ಬರ ಸಭೆಯ ನಂತರ ಅವರು ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ. ಕೇರಳದ ಆಯ್ದ ಕ್ಷೇತ್ರಗಳಲ್ಲಿ ಯುಡಿಎಫ್ ಅಭ್ಯರ್ಥಿಗಳ ಪರವಾಗಿ ಜಾಯ್ ಮ್ಯಾಥ್ಯೂ ಮತ ಯಾಚಿಸಲಿದ್ದಾರೆ. 

ಏತನ್ಮಧ್ಯೆ, ಜಾಯ್ ಮ್ಯಾಥ್ಯೂ ವಿಡಿ ಸತೀಶನ್ ಅವರಿಗೆ ಚುನಾವಣೆಯಲ್ಲಿ ಸ್ಪರ್ಧಿಸುವುದಿಲ್ಲ ಎಂದು ತಿಳಿಸಿದ್ದಾರೆ. ಅವರು ಯಾವುದೇ ಅಧಿಕಾರದ ಹುದ್ದೆಗಳಲ್ಲಿ ಆಸಕ್ತಿ ಹೊಂದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಕೇರಳದಲ್ಲಿ ಹೊಸ ಸಾಂಸ್ಕೃತಿಕ ಸಂಘಟನೆಯನ್ನು ರಚಿಸಲು ನಿರ್ಧರಿಸಲಾಗಿದೆ. ಜಾಯ್ ಮ್ಯಾಥ್ಯೂ ಅದರ ಉಸ್ತುವಾರಿ ವಹಿಸಲಿದ್ದಾರೆ ಎಂದು ವಿರೋಧ ಪಕ್ಷದ ನಾಯಕರು ಹೇಳಿರುವರು.

ಈ ಹಿಂದೆ ಎಡಪಂಥೀಯ ಕಾರ್ಯಕರ್ತರಾಗಿದ್ದ ಜಾಯ್ ಮ್ಯಾಥ್ಯೂ ಪ್ರಸ್ತುತ ಯುಡಿಎಫ್‍ನ ಹಲವು ನಿಲುವುಗಳನ್ನು ಬೆಂಬಲಿಸುತ್ತಾರೆ, ಆದರೆ ತಪ್ಪುಗಳಾದಾಗ ಅವುಗಳನ್ನು ಅವರು ಎತ್ತಿ ತೋರಿಸುತ್ತಾರೆ ಎಂದು ವಿ.ಡಿ. ಸತೀಶನ್ ಹೇಳಿದರು.