ಮಾರ್ಚ್ 15 ರಿಂದ ರಾಜ್ಯ ಬೆಳೆ ವಿಮಾ ಸೇವೆಗಳು AIMS 2.0 ಪೋರ್ಟಲ್‍ಗೆ ವರ್ಗಾವಣೆ

ತಿರುವನಂತಪುರಂ: ರಾಜ್ಯದಲ್ಲಿ ಕೃಷಿ ಸೇವೆಗಳನ್ನು ಹೆಚ್ಚು ಪಾರದರ್ಶಕ ಮತ್ತು ಪರಿಣಾಮಕಾರಿಯಾಗಿಸಲು ಕೃಷಿ ಅಭಿವೃದ್ಧಿ ಮತ್ತು ರೈತರ ಕಲ್ಯಾಣ ಇಲಾಖೆಯ ಡಿಜಿಟಲ್ ರೂಪಾಂತರದ ಭಾಗವಾಗಿ, ರಾಜ್ಯ ಬೆಳೆ ವಿಮಾ ಯೋಜನೆಗೆ ಸಂಬಂಧಿಸಿದ ಸೇವೆಗಳನ್ನು ಮಾರ್ಚ್ 15, ರಿಂದ AIMS 2.0 ಪೋರ್ಟಲ್‍ಗೆ ವರ್ಗಾಯಿಸಲಾಗುವುದು ಎಂದು ಇಲಾಖೆ ತಿಳಿಸಿದೆ. ಹೊಸ ಪೋರ್ಟಲ್ aimsnew.kerala.gov.in ನಲ್ಲಿ ಲಭ್ಯವಿರುತ್ತದೆ. 

ಮಾರ್ಚ್ 15, ರಿಂದ, ಸಲ್ಲಿಸಲಾದ ಎಲ್ಲಾ ಹೊಸ ಬೆಳೆ ವಿಮಾ ಅರ್ಜಿಗಳನ್ನು AIMS 2.0 ಪೋರ್ಟಲ್ ಮೂಲಕ ಸ್ವೀಕರಿಸಲಾಗುತ್ತದೆ. ಪಾರದರ್ಶಕತೆ ಮತ್ತು ದಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು, ರೈತರು ಹೊಸ ವ್ಯವಸ್ಥೆಯಲ್ಲಿ ವಿಮಾ ಅರ್ಜಿಯನ್ನು ಸಲ್ಲಿಸುವ ಮೊದಲು ಪೋರ್ಟಲ್‍ನಲ್ಲಿ ನಾಮಿನಿಯ ವಿವರಗಳನ್ನು (ಹೆಸರು, ಸಂಬಂಧ, ಗುರುತಿನ ದಾಖಲೆಗಳು) ನಮೂದಿಸಬೇಕಾಗುತ್ತದೆ. ಇದು ಒಂದು ಬಾರಿಯ ಪ್ರಕ್ರಿಯೆಯಾಗಿರುತ್ತದೆ. ರೈತರು ಒದಗಿಸಿದ ನಾಮಿನಿ ವಿವರಗಳನ್ನು ಸಂಬಂಧಪಟ್ಟ ಕೃಷಿ ಅಧಿಕಾರಿ ಆನ್‍ಲೈನ್‍ನಲ್ಲಿ ಪರಿಶೀಲಿಸಿ ಅನುಮೋದಿಸಿದ ನಂತರವೇ ವಿಮಾ ಅರ್ಜಿಯ ಮುಂದಿನ ಹಂತಗಳನ್ನು ಪೂರ್ಣಗೊಳಿಸಬಹುದು.

ಪ್ರಸ್ತುತ ಂIಒS 1.0 ಪೋರ್ಟಲ್ ಮೂಲಕ ವಿಮಾ ಪಾಲಿಸಿಗಳನ್ನು ತೆಗೆದುಕೊಂಡಿರುವ ರೈತರು AIMS 2.0 ಪೋರ್ಟಲ್ ಮೂಲಕ ಬೆಳೆ ನಷ್ಟದ ಸಂದರ್ಭದಲ್ಲಿ ಪರಿಹಾರಕ್ಕಾಗಿ ಅರ್ಜಿಗಳನ್ನು ಸಲ್ಲಿಸಬಹುದು. ಆದಾಗ್ಯೂ, ಮಾರ್ಚ್ 14, 2026 ರವರೆಗೆ ಂIಒS 1.0 ಪೋರ್ಟಲ್‍ನಲ್ಲಿ ಪ್ರಯೋಜನಕ್ಕಾಗಿ ಸಲ್ಲಿಸಲಾದ ಅರ್ಜಿಗಳ ಮುಂದಿನ ಹಂತಗಳನ್ನು ಅದೇ ಪೋರ್ಟಲ್‍ನಲ್ಲಿ ಪೂರ್ಣಗೊಳಿಸಲಾಗುತ್ತದೆ.

ಬೆಳೆ ವಿಮಾ ಪ್ರೀಮಿಯಂ ದರಗಳು ಮತ್ತು ಅರ್ಜಿಗಳನ್ನು ಸಲ್ಲಿಸುವ ಅಂತಿಮ ದಿನಾಂಕದಲ್ಲಿ ಯಾವುದೇ ಬದಲಾವಣೆಗಳಿಲ್ಲ ಎಂದು ಕೃಷಿ ನಿರ್ದೇಶನಾಲಯ ತಿಳಿಸಿದೆ. ವಿಮಾ ರಕ್ಷಣೆಯನ್ನು ಖಚಿತಪಡಿಸಿಕೊಳ್ಳಲು, ಎಲ್ಲಾ ರೈತರು ಹೊಸ ಪೆÇೀರ್ಟಲ್‍ನಲ್ಲಿ ತಮ್ಮ ನಾಮಿನಿ ವಿವರಗಳನ್ನು ಕಡ್ಡಾಯವಾಗಿ ನವೀಕರಿಸಬೇಕು. ಹೆಚ್ಚಿನ ಮಾಹಿತಿ ಮತ್ತು ತಾಂತ್ರಿಕ ಸಹಾಯಕ್ಕಾಗಿ, ರೈತರು ತಮ್ಮ ಅಧಿಕಾರ ವ್ಯಾಪ್ತಿಯಲ್ಲಿರುವ ಕೃಷಿ ಭವನವನ್ನು ಸಂಪರ್ಕಿಸಬಹುದು.