ಅಡ್ಡ ಮತದಾನ: ಮತ್ತೊಬ್ಬ ಶಾಸಕರಿಗೆ ನೋಟಿಸ್‌

 ಚಂಡೀಗಢ: ರಾಜ್ಯಸಭೆ ಚುನಾವಣೆಯಲ್ಲಿ ಅಡ್ಡ ಮತದಾನ ಮಾಡಿದ ಆರೋಪ ಹಿನ್ನೆಲೆಯಲ್ಲಿ ಹರಿಯಾಣದ ಮತ್ತೊಬ್ಬ ಶಾಸಕರಿಗೆ ಕಾಂಗ್ರೆಸ್ ಶುಕ್ರವಾರ ಷೋಕಾಸ್ ನೋಟಿಸ್ ನೀಡಿದೆ.

ರಾಟಿಯಾ ಕ್ಷೇತ್ರದ ಶಾಸಕ ಜರ್ನೈಲ್‌ ಸಿಂಗ್‌ ಅವರಿಗೆ ಹರಿಯಾಣ ಕಾಂಗ್ರೆಸ್‌ನ ಶಿಸ್ತು ಪಾಲನಾ ಸಮಿತಿ ಅಧ್ಯಕ್ಷ ಧರಂಪಾಲ್ ಮಲಿಕ್‌ ಶಿಸ್ತು ಕ್ರಮದ ನೋಟಿಸ್ ರವಾನಿಸಿದ್ದಾರೆ.

ಏಳು ದಿನದಲ್ಲಿ ನೋಟಿಸ್‌ಗೆ ಉತ್ತರ ನೀಡುವಂತೆ ಸೂಚಿಸಲಾಗಿದೆ. ಈಗಾಗಲೇ ನಾಲ್ವರು ಶಾಸಕರಿಗೆ ನೋಟಿಸ್ ಕೊಡಲಾಗಿದೆ.