ಜಿಯೋ, ಏರ್‌ಟೆಲ್, ವಿಐ... ನಿಮ್ಮ ಏರಿಯಾದಲ್ಲಿ ಯಾವ ನೆಟ್‌ವರ್ಕ್ ಸ್ಟ್ರಾಂಗ್​? ಈ ರೀತಿ ಚೆಕ್​ ಮಾಡಿ...

ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್​ ಫೋನ್​ಗಳು ಪ್ರತಿಯೊಬ್ಬರ ಜೀವನದ ಅವಿಭಾಜ್ಯ ಅಂಗವಾಗಿವೆ. ಫೋನ್​ ಕರೆಗಳು, ಮಸೇಜ್​ಗಳು, ಇಂಟರ್ನೆಟ್, ಆನ್​ಲೈನ್​ ಶಾಪಿಂಗ್, ಪಾವತಿಗಳು, ಮನರಂಜನೆ ಎಲ್ಲವೂ ಸ್ಮಾರ್ಟ್​ ಫೋನ್​ನನ್ನೇ ಅವಲಂಬಿಸಿವೆ. ಆದರೆ, ಸ್ಮಾರ್ಟ್​ ಫೋನ್​ಗಳು ಚೆನ್ನಾಗಿ ಕೆಲಸ ಮಾಡಬೇಕೆಂದರೆ ಅದರ ನೆಟ್‌ವರ್ಕ್ ಬಲವಾಗಿರಬೇಕು.

ಇಲ್ಲದೇ ಹೋದರೆ ಆ ಫೋನ್​ ಒಂದು ನಿರ್ಜೀವ ವಸ್ತುವಾಗಿಬಿಡುತ್ತದೆ. 

ಹೌದು, ಸರಿಯಾದ ನೆಟ್​ವರ್ಕ್​ ಇಲ್ಲದಿದ್ದರೆ ಫೋನ್​ ಕರೆಗಳು ಹಾಗೂ ಇಂಟರ್ನೆಟ್ ಸಂಪರ್ಕ ಕಡಿತಗೊಳ್ಳುತ್ತದೆ. ಅನೇಕ ಜನರು ಅಗ್ಗದ ರೀಚಾರ್ಜ್ ಆಫರ್​ಗಳನ್ನು ನೋಡಿ, ಸಿಮ್ ಕಾರ್ಡ್‌ಗಳನ್ನು ಖರೀದಿಸುತ್ತಾರೆ. ಆದರೆ, ತಮ್ಮ ಪ್ರದೇಶದಲ್ಲಿ ನೆಟ್‌ವರ್ಕ್ ಉತ್ತಮವಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಪರಿಶೀಲಿಸುವ ಗೋಜಿಗೆ ಹೋಗುವುದಿಲ್ಲ. ಇದರಿಂದಾಗಿ, ಪ್ರತಿದಿನ ಮನೆಯಲ್ಲಿ ಸರಿಯಾದ ನೆಟ್‌ವರ್ಕ್ ಇಲ್ಲದೇ ಕಿರಿಕಿರಿ ಅನುಭವಿಸುತ್ತಾರೆ. 

ಎಲ್ಲಾ ಕಡೆ ನೆಟ್​ವರ್ಕ್​ ಒಂದೇ ರೀತಿ ಇರುವುದಿಲ್ಲ

ಒಂದೇ ನಗರದಲ್ಲೂ ಒಂದು ಏರಿಯಾದಲ್ಲಿ ನೆಟ್‌ವರ್ಕ್ ಬಲವಾಗಿದ್ದರೆ, ಇನ್ನೊಂದು ಸ್ಥಳದಲ್ಲಿ ದುರ್ಬಲವಾಗಿರಬಹುದು. ಹಳ್ಳಿಗಳಲ್ಲೂ ಇದೇ ಪರಿಸ್ಥಿತಿ. ಜಿಯೋ ಒಂದು ಸ್ಥಳದಲ್ಲಿ ಉತ್ತಮವಾಗಿದ್ದರೆ, ಇನ್ನೊಂದು ಸ್ಥಳದಲ್ಲಿ ಏರ್‌ಟೆಲ್ ಉತ್ತಮವಾಗಿದೆ. Vi ಕೆಲವು ಪ್ರದೇಶಗಳಲ್ಲಿ ಉತ್ತಮ ಸಿಗ್ನಲ್​ಗಳನ್ನು ನೀಡುತ್ತದೆ. ಟವರ್‌ಗಳ ಸಂಖ್ಯೆ, ಬಳಕೆದಾರರ ಲೋಡ್, ಭೌಗೋಳಿಕತೆ, ಕಟ್ಟಡಗಳು... ಇವೆಲ್ಲವೂ ನೆಟ್‌ವರ್ಕ್ ಬಲದ ಮೇಲೆ ಪರಿಣಾಮ ಬೀರುತ್ತವೆ. ಅದಕ್ಕಾಗಿಯೇ ಎಲ್ಲರಿಗೂ ಒಂದೇ ನೆಟ್‌ವರ್ಕ್ ಉತ್ತಮ ಎಂದು ಹೇಳಲಾಗುವುದಿಲ್ಲ. ನಿಮ್ಮ ಪ್ರದೇಶದಲ್ಲಿ ಯಾವುದು ಉತ್ತಮ ಎಂದು ನೀವೇ ಪರಿಶೀಲಿಸಬೇಕು.

ಚೆಕ್​ ಮಾಡುವುದು ಹೇಗೆ?

ನೆಟ್​ವರ್ಕ್​ ಚೆಕ್​ ಮಾಡಲು ಹೆಚ್ಚುವರಿ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡುವ ಅಗತ್ಯವಿಲ್ಲ. ಈ ಫೀಚರ್​ ಈಗಾಗಲೇ ನಿಮ್ಮ ಫೋನ್‌ನಲ್ಲಿದೆ. ಆಂಡ್ರಾಯ್ಡ್ ಮತ್ತು ಐಫೋನ್ ಎರಡರಲ್ಲೂ ಇದು ಕಾರ್ಯನಿರ್ವಹಿಸುತ್ತದೆ. ಅದಕ್ಕಾಗಿ ನೀವು ಏನು ಮಾಡಬೇಕೆಂದರೆ, ನಿಮ್ಮ ಮೊಬೈಲ್​ನಲ್ಲಿ ಸೆಟ್ಟಿಂಗ್‌ಗಳನ್ನು ತೆರೆಯಿರಿ. ಬಳಿಕ ಮೊಬೈಲ್ ನೆಟ್‌ವರ್ಕ್ ಆಯ್ಕೆಗೆ ಹೋಗಿ. ನೆಟ್‌ವರ್ಕ್ ಆಪರೇಟರ್ ವಿಭಾಗವನ್ನು ಟ್ಯಾಪ್ ಮಾಡಿ. ಬಳಿಕ ಆಟೋ ಸೆಲೆಕ್ಟ್ ನೆಟ್‌ವರ್ಕ್ ಅನ್ನು ಆಫ್ ಮಾಡಿ. ಈ ವೇಳೆ ಫೋನ್ ಹತ್ತಿರದ ಎಲ್ಲಾ ನೆಟ್‌ವರ್ಕ್‌ಗಳನ್ನು ಸ್ಕ್ಯಾನ್ ಮಾಡುತ್ತದೆ. ಇದರಿಂದ ನೀವು ಜಿಯೋ, ಏರ್‌ಟೆಲ್, ವಿಐ ಸಿಗ್ನಲ್ ಸಾಮರ್ಥ್ಯವನ್ನು ನೋಡಬಹುದು ಮತ್ತು ಯಾವುದು ಬಲಶಾಲಿ ಎಂದು ತಿಳಿಯುವುದು ಸುಲಭವಾಗಿದೆ. 

ಅಂದಹಾಗೆ, ಭಾರತದಲ್ಲಿ ಮೂರು ಪ್ರಮುಖ ಆಪರೇಟರ್‌ಗಳಿವೆ. ಅವುಗಳೆಂದರೆ, ಜಿಯೋ, ಏರ್‌ಟೆಲ್ ಮತ್ತು ವಿಐ. ಒಂದು ಸ್ಥಳದಲ್ಲಿ ಜಿಯೋ ವೇಗ ಉತ್ತಮವಾಗಿದ್ದರೆ, ಇನ್ನೊಂದು ಸ್ಥಳದಲ್ಲಿ ಏರ್‌ಟೆಲ್‌ನ ಸಿಗ್ನಲ್ ಬಲವಾಗಿರುತ್ತದೆ. ಕೆಲವು ಕ್ಷೇತ್ರಗಳಲ್ಲಿ ವಿಐ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. ಹೀಗಾಗಿ, ಆಫರ್​ಗಳಿಗೆ ಮಾರು ಹೋಗಿ ಸಿಮ್​ ಖರೀದಿ ಮಾಡುವ ನಿರ್ಧಾರವನ್ನು ತೆಗೆದುಕೊಳ್ಳಬೇಡಿ. 

ಸಿಮ್ ಖರೀದಿಸುವ ಮೊದಲು ಈ ಎಲ್ಲಾ ಪರೀಕ್ಷೆಗಳನ್ನು ಪರಿಶೀಲಿಸಬೇಕು. ಹೀಗೆ ಮಾಡುವುದರಿಂದ ಸಮಯ ಮತ್ತು ಹಣ ಉಳಿತಾಯವಾಗುತ್ತದೆ. ದುರ್ಬಲ ನೆಟ್‌ವರ್ಕ್ ಸಿಮ್ ಖರೀದಿಸಿ ಮತ್ತೆ ಬದಲಾಯಿಸುವ ಅಗತ್ಯ ಇರುವುದಿಲ್ಲ. ಕರೆಗಳು ಸುಗಮವಾಗಿರುತ್ತವೆ ಮತ್ತು ಇಂಟರ್ನೆಟ್ ವೇಗವಾಗಿರುತ್ತದೆ. ವಿದ್ಯಾರ್ಥಿಗಳಿಗೆ ಆನ್‌ಲೈನ್ ತರಗತಿಗಳು ಸುಲಭವಾಗುತ್ತವೆ. ವೃತ್ತಿಪರರಿಗೆ ವಿಡಿಯೋ ಮೀಟಿಂಗ್​ಗಳು ಯಾವುದೇ ಅಡ್ಡಿ ಇಲ್ಲದೆ ನಡೆಯುತ್ತವೆ.