ಇರಾನ್ ಮಾತುಕತೆ ಪ್ರಗತಿ ನಿಧಾನಕ್ಕೆ ಟ್ರಂಪ್ ಅಸಹನೆಗೊಂಡಿದ್ದರು: JD ವಾನ್ಸ್

ಬುಡಾಪೆಸ್ಟ್: ಇರಾನ್‌ ನೊಂದಿಗೆ ನಡೆಯುತ್ತಿರುವ ಯುದ್ಧ ಅಂತ್ಯಗೊಳಿಸುವ ದಿಕ್ಕಿನ ಮಾತುಕತೆಗಳಲ್ಲಿ ನಿರೀಕ್ಷಿತ ಪ್ರಗತಿ ಕಾಣಿಸದ ಹಿನ್ನೆಲೆಯಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಸಹನೆಗೊಂಡಿದ್ದರು ಎಂದು ಉಪಾಧ್ಯಕ್ಷ ಜೆ.ಡಿ. ವಾನ್ಸ್ ಹೇಳಿದ್ದಾರೆ.

ಹಂಗೇರಿಯ ರಾಜಧಾನಿ ಬುಡಾಪೆಸ್ಟ್‌ ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮಾತನಾಡಿದ ವಾನ್ಸ್, ಇರಾನ್ ಪ್ರಾಮಾಣಿಕವಾಗಿ ಸಂಧಾನ ನಡೆಸಿದರೆ ಒಪ್ಪಂದ ಸಾಧ್ಯವಿದೆ ಎಂದರು. ಆದರೆ, ಇರಾನ್ ಆಡಳಿತದ ಕೆಲವು ವಿಭಾಗಗಳು ಮಾತುಕತೆಗೆ ಸಹಕಾರ ನೀಡಿದರೆ, ಇನ್ನೂ ಕೆಲವು ವಿಭಾಗಗಳು ಸ್ಪಂದಿಸದಿರುವುದು ಒಪ್ಪಂದದ ಪ್ರಕ್ರಿಯೆಯನ್ನು ಉತ್ತಮಗೊಳಿಸಬಹುದು ಎಂದು ಹೇಳಿದರು.

ಒಪ್ಪಂದ ಸಾಧನೆಗಾಗಿ ಇರಾನ್ ಅನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳುವಂತೆ ಟ್ರಂಪ್ ತಮ್ಮ ಸಂಧಾನಕಾರರ ತಂಡಕ್ಕೆ ಸೂಚಿಸಿದ್ದರು ಎಂದು ಅವರು ತಿಳಿಸಿದರು. "ನನಗೆ, ಸಂಧಾನಕಾರರ ತಂಡಕ್ಕೆ, ಕಾರ್ಯದರ್ಶಿಗೆ ಹಾಗೂ ವಿಶೇಷ ರಾಯಭಾರಿ ವಿಟ್ಕಾಫ್ ಅವರಿಗೆ ಅಧ್ಯಕ್ಷರು ಸ್ಪಷ್ಟ ಸೂಚನೆ ನೀಡಿದ್ದರು," ಎಂದು ಹೇಳಿದರು.

"ಮಾತುಕತೆಯಲ್ಲಿ ವೇಗದ ಪ್ರಗತಿ ಆಗಬೇಕು ಎಂಬ ಕಾರಣಕ್ಕೆ ಟ್ರಂಪ್ ಅಸಹನೆಗೊಂಡಿದ್ದರು. ವಿಶ್ವಾಸದ ಆಧಾರದ ಮೇಲೆ ಮಾತುಕತೆ ನಡೆಸಿದರೆ ಮಾತ್ರ ಒಪ್ಪಂದ ಸಾಧ್ಯ. ಅಂತಿಮವಾಗಿ ಸಂಧಾನದ ದಿಕ್ಕು ಇರಾನ್ ಕೈಯಲ್ಲಿದೆ," ಎಂದು ವಾನ್ಸ್ ಅಭಿಪ್ರಾಯಪಟ್ಟರು.

"ಇದು ದೊಡ್ಡ ಹಾಗೂ ಮಹತ್ವದ ಒಪ್ಪಂದವಾಗಲಿದೆ. ಇರಾನ್ ಸರಿಯಾದ ನಿರ್ಧಾರ ಕೈಗೊಳ್ಳಲಿದೆ ಎಂಬ ವಿಶ್ವಾಸವಿದೆ," ಎಂದು ಅವರು ಹೇಳಿದರು.