ಜಸ್ಟ್‌ 2 ನಿಮಿಷದಲ್ಲಿ ನಿಮ್ಮ Smartphone ವೇಗ ಹೆಚ್ಚಿಸಲು ಈ ಸರಳ ಟಿಪ್ಸ್‌ ಅನುಸರಿಸಿ

 ಇತ್ತೀಚಿನ ದಿನಗಳಲ್ಲಿ Smartphone ಸ್ಲೋ ಆಗಿ ಕೆಲಸ ಮಾಡುವುದು ಬಹುತೇಕ ಎಲ್ಲರಿಗೂ ಸಾಮಾನ್ಯ ಸಮಸ್ಯೆ ಎನಿಸಿದೆ. ಹೊಸದಾಗಿ ಖರೀದಿಸಿದ ಸ್ಮಾರ್ಟ್‌ಫೋನ್‌ ಕೆಲ ತಿಂಗಳುಗಳ ಬಳಿಕ ಹ್ಯಾಂಗ್‌ ಆಗುವುದು, ಆಪ್‌ಗಳು ನಿಧಾನವಾಗಿ ಓಪನ್‌ ಆಗುವುದು ಹಾಗೂ ಬ್ಯಾಟರಿ ಬೇಗ ಖಾಲಿಯಾಗುವುದು ಬಳಕೆದಾರರಿಗೆ ತೊಂದರೆ ಸಮಸ್ಯೆ ಎನಿಸುತ್ತದೆ. ಆದರೆ ಸ್ಮಾರ್ಟ್‌ಫೋನ್‌ ವೇಗ ಹೆಚ್ಚಿಸಲು ಹೆಚ್ಚು ಚಿಂತಿಸುವ ಅಗತ್ಯವಿಲ್ಲ. 

ಕೆಲವು ಸರಳ ಸೆಟ್ಟಿಂಗ್‌ ಬದಲಾವಣೆಗಳು ಹಾಗೂ ಅನಗತ್ಯ ಫೈಲ್‌ಗಳನ್ನು ಕ್ಲೀನ್‌ ಮಾಡುವ ಮೂಲಕ ನಿಮ್ಮ ಮೊಬೈಲ್‌ನ ಕಾರ್ಯಕ್ಷಮತೆಯನ್ನು ಕೆಲವೇ ನಿಮಿಷಗಳಲ್ಲಿ ಸುಧಾರಿಸಬಹುದು. ಇನ್ನು ಸ್ಮಾರ್ಟ್‌ಫೋನ್‌ ಇನ್ನಷ್ಟು ಸ್ಮೂತ್‌ ಆಗಿ ಕೆಲಸ ಮಾಡಲು ಸಹಾಯ ಮಾಡುವ ಕೆಲವು ಉಪಯುಕ್ತ ಟ್ರಿಕ್ಸ್‌ಗಳನ್ನು ಇಲ್ಲಿ ತಿಳಿಸಲಾಗಿದೆ.

Smartphone ವೇಗ ಹೆಚ್ಚಿಸಲು ಉಪಯುಕ್ತ ಟ್ರಿಕ್ಸ್‌

ಸ್ಮಾರ್ಟ್‌ಫೋನಿನಲ್ಲಿ ಅನಗತ್ಯ ಆಪ್‌ಗಳನ್ನು ಪರಿಶೀಲಿಸಿ. ಹಲವಾರು ಆಪ್‌ಗಳನ್ನು ನಾವು ಬಳಸದೇ ಇದ್ದರೂ ಅವು ಬ್ಯಾಕ್‌ಗ್ರೌಂಡ್‌ನಲ್ಲಿ ಕೆಲಸ ಮಾಡುತ್ತಿರುತ್ತವೆ. ಇದರಿಂದ RAM ಮತ್ತು ಬ್ಯಾಟರಿ ಎರಡೂ ಹೆಚ್ಚು ಬಳಸಲ್ಪಡುತ್ತವೆ. ಬಳಸದ ಆಪ್‌ಗಳನ್ನು ಅನ್‌ಇನ್‌ಸ್ಟಾಲ್‌ ಮಾಡುವುದು ಅಥವಾ ಡಿಸೇಬಲ್‌ ಮಾಡುವುದು ಉತ್ತಮ.

ಮುಂದೆ ಮೊಬೈಲ್‌ನ ಸ್ಟೋರೇಜ್‌ ಕ್ಲೀನ್‌ ಮಾಡುವುದು ಮುಖ್ಯ. ಫೋಟೋ, ವಿಡಿಯೋ, ಡೌನ್‌ಲೋಡ್‌ ಫೈಲ್‌ಗಳು ಹಾಗೂ ಕ್ಯಾಶೆ ಡೇಟಾ ತುಂಬಿಕೊಂಡರೆ ಫೋನ್‌ ಸ್ಲೋ ಆಗುತ್ತದೆ. Settings > Storage ಗೆ ಹೋಗಿ ಅನಗತ್ಯ ಫೈಲ್‌ಗಳನ್ನು ಅಳಿಸಿದರೆ ಫೋನ್‌ ವೇಗ ಹೆಚ್ಚಾಗಬಹುದು. ವಿಶೇಷವಾಗಿ WhatsApp ಹಾಗೂ Instagram ಆಪ್‌ಗಳು ಹೆಚ್ಚು ಕ್ಯಾಶೆ ಸಂಗ್ರಹಿಸಿಕೊಳ್ಳುತ್ತವೆ.

ಹಾಗೆಯೇ ಬ್ಯಾಕ್‌ಗ್ರೌಂಡ್‌ನಲ್ಲಿ ನಿರಂತರವಾಗಿ ರನ್‌ ಆಗುತ್ತಿರುವ ಆಪ್‌ಗಳನ್ನು ನಿಯಂತ್ರಿಸುವುದೂ ಮುಖ್ಯ. Settings ನಲ್ಲಿ Battery ಅಥವಾ App Management ವಿಭಾಗಕ್ಕೆ ಹೋಗಿ ಬ್ಯಾಕ್‌ಗ್ರೌಂಡ್‌ ಆಕ್ಟಿವಿಟಿಯನ್ನು ಕಡಿಮೆ ಮಾಡಬಹುದು. ಇದರಿಂದ ಬ್ಯಾಟರಿ ಬ್ಯಾಕ್‌ಅಪ್‌ ಕೂಡ ಉತ್ತಮವಾಗುತ್ತದೆ. ಫೋನ್‌ ಸಾಫ್ಟ್‌ವೇರ್‌ ಅಪ್‌ಡೇಟ್‌ ಮಾಡಿರುವುದನ್ನು ಖಚಿತಪಡಿಸಿಕೊಳ್ಳಿ. ಕಂಪನಿಗಳು ಹೊಸ ಅಪ್‌ಡೇಟ್‌ಗಳಲ್ಲಿ ಬಗ್‌ ಫಿಕ್ಸ್‌ ಮತ್ತು ಪರ್ಫಾರ್ಮೆನ್ಸ್‌ ಸುಧಾರಣೆಗಳನ್ನು ನೀಡುತ್ತವೆ. ಹಳೆಯ ಸಾಫ್ಟ್‌ವೇರ್‌ ಬಳಸುವುದರಿಂದ ಫೋನ್‌ ನಿಧಾನವಾಗುವ ಸಾಧ್ಯತೆ ಇದೆ.

ಇನ್ನೊಂದು ಸರಳ ಆದರೆ ಪರಿಣಾಮಕಾರಿ ವಿಧಾನ ಎಂದರೆ ಫೋನ್‌ ರೀಸ್ಟಾರ್ಟ್‌ ಮಾಡುವುದು. ಹಲವರು ದಿನಗಳ ಕಾಲ ಫೋನ್‌ ಸ್ವಿಚ್‌ ಆಫ್‌ ಮಾಡುವುದೇ ಇಲ್ಲ. ವಾರಕ್ಕೆ ಕನಿಷ್ಠ ಒಂದು ಬಾರಿ ಫೋನ್‌ ರೀಸ್ಟಾರ್ಟ್‌ ಮಾಡಿದರೆ RAM ಕ್ಲೀನ್‌ ಆಗಿ ಕಾರ್ಯಕ್ಷಮತೆ ಸುಧಾರಿಸುತ್ತದೆ. ಈ ಸಣ್ಣ ಟ್ರಿಕ್ಸ್‌ಗಳನ್ನು ಅನುಸರಿಸಿದರೆ ಯಾವುದೇ ಹೆಚ್ಚುವರಿ ಖರ್ಚಿಲ್ಲದೆ ನಿಮ್ಮ ಫೋನ್‌ ಮತ್ತೆ ವೇಗವಾಗಿ ಕೆಲಸ ಮಾಡುವಂತೆ ಮಾಡಬಹುದು. ಕೇವಲ ಎರಡು ನಿಮಿಷದ ಸಮಯ ತೆಗೆದುಕೊಂಡರೆ ಸಾಕು, ನಿಮ್ಮ ಸ್ಮಾರ್ಟ್‌ಫೋನ್‌ ಬಳಕೆ ಅನುಭವ ಮತ್ತಷ್ಟು ಉತ್ತಮವಾಗುತ್ತದೆ.