ಶಿಗೆಲ್ಲ; ತ್ರಿಶೂರ್‍ನಲ್ಲೂ ಒಂದು ಸಾವು: 43 ವರ್ಷದ ವ್ಯಕ್ತಿ ಶಿಗೆಲ್ಲ ಸೋಂಕಿನಿಂದ ಮೃತ್ಯು

ತ್ರಿಶೂರ್: ನಿನ್ನೆ ತ್ರಿಶೂರ್‍ನಲ್ಲೂ ಶಿಗೆಲ್ಲದಿಂದ ಸಾವು ಸಂಭವಿಸಿದೆ. ಇರಿಂಞಲಕುಡದ ಮಾಪ್ರಾಣಂನ 43 ವರ್ಷದ ವ್ಯಕ್ತಿ ಶಿಗೆಲ್ಲ ಸೋಂಕಿನಿಂದ ಸಾವನ್ನಪ್ಪಿದ್ದಾರೆ. ಅವರು ಸ್ವಲ್ಪ ಸಮಯದಿಂದ ಕೊಡಕಾರದಲ್ಲಿರುವ ತಮ್ಮ ಪತ್ನಿಯ ಮನೆಯಲ್ಲಿದ್ದರು. 

ತೀವ್ರ ಅತಿಸಾರ ಮತ್ತು ಭೇದಿಯಿಂದ ಬಳಲುತ್ತಿದ್ದ ಅವರನ್ನು ಎರಡು ದಿನಗಳ ಹಿಂದೆ ಕೊಡಕಾರದ ಶಾಂತಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅವರ ಅನಾರೋಗ್ಯ ಉಲ್ಬಣಗೊಂಡ ಕಾರಣ ತ್ರಿಶೂರ್‍ನ ಆಸ್ಪತ್ರೆಗೆ ಸ್ಥಳಾಂತರಿಸುವಾಗ ಅವರು ನಿಧನರಾದರು.

ನಂತರ ಮರಣೋತ್ತರ ಪರೀಕ್ಷೆ ಪೂರ್ಣಗೊಳಿಸಿಸಲಾಯಿತು.  ಮರಣೋತ್ತರ ವರದಿಯಲ್ಲಿ ಶಿಗೆಲ್ಲ ಸೋಂಕಿನಿಂದ ಸಾವು ಸಂಭವಿಸಿದೆ ಎಂದು ಹೇಳಲಾಗಿದೆ. ಮೂಲವನ್ನು ಕಂಡುಹಿಡಿಯಲು ತನಿಖೆ ನಡೆಸಲಾಗುವುದು.

ಕಣ್ಣೂರು ಜಿಲ್ಲೆಯಲ್ಲಿ ಎರಡು ಶಿಗೆಲ್ಲ ಪ್ರಕರಣಗಳು ವರದಿಯಾಗಿವೆ. ಮೊಕೇರಿ ಪಂಚಾಯತ್‍ನಲ್ಲಿ ಸೋಂಕು ಪತ್ತೆಯಾಗಿದೆ. ನಾಲ್ಕು ಮತ್ತು ಎಂಟು ವರ್ಷ ವಯಸ್ಸಿನ ಇಬ್ಬರು ಹುಡುಗರಿಗೆ ಶಿಗೆಲ್ಲ ಇರುವುದು ಪತ್ತೆಯಾಯಿತು. ಇದರ ನಂತರ, ಕ್ಷಿಪ್ರ ಪ್ರತಿಕ್ರಿಯೆ ತಂಡವು ಪಂಚಾಯತ್‍ನಲ್ಲಿ ಪರಿಸ್ಥಿತಿಯನ್ನು ನಿರ್ಣಯಿಸಲು ಸಭೆ ಸೇರಿತು.

ನಿನ್ನೆ ಕೋಝಿಕ್ಕೋಡಿನಲ್ಲೂ ಶಿಗೆಲ್ಲ ಬಾಧಿಸಿ ಬಾಲಕಿಯೊಬ್ಬಳು ಮೃತಪಟ್ಟಿದ್ದಳು.