ಅಲಪ್ಪುಳ ತಲುಪಿದ ಬಿಸಿನೆಸ್ ಕ್ಲಾಸ್ ಬಸ್; ಮೊದಲ ಪ್ರಯಾಣದ ಎಲ್ಲಾ ಟಿಕೆಟ್‍ಗಳು ಸೋಲ್ಡ್ ಔಟ್

ಆಲಪ್ಪುಳ: ಓಣಂ ಉಡುಗೊರೆಯಾಗಿ ಸ್ವೀಕರಿಸಲಾದ ಕೆಎಸ್‍ಆರ್‍ಟಿಸಿ ಬಿಸಿನೆಸ್ ಕ್ಲಾಸ್ ಬಸ್ ಅಲಪ್ಪುಳ ತಲುಪಿದೆ. ಭಾನುವಾರದಿಂದ ಬಸ್ ಸೇವೆ ಪ್ರಾರಂಭವಾಗಿದೆ. ಬುಕಿಂಗ್ ಪ್ರಾರಂಭವಾದ ದಿನದಿಂದ ಭಾರಿ ಬುಕಿಂಗ್ ಆಗಿದೆ. ಆದ್ದರಿಂದ, ಮೊದಲ ಪ್ರಯಾಣಕ್ಕೆ ಎಲ್ಲಾ ಬುಕಿಂಗ್‍ಗಳು ಪೂರ್ಣಗೊಂಡಿವೆ.

ಆಲಪ್ಪುಳದಿಂದ ಪ್ರಯಾಣ ಸಂಜೆ 5.30 ಕ್ಕೆ. ಅದು ಮರುದಿನ ಬೆಳಿಗ್ಗೆ 5.55 ಕ್ಕೆ ಬೆಂಗಳೂರನ್ನು ತಲುಪಲಿದೆ. ಹಲವು ವರ್ಷಗಳಿಂದ ಅಲಪ್ಪುಳಕ್ಕೆ ಅಂತರರಾಜ್ಯ ಪ್ರಯಾಣಕ್ಕಾಗಿ ಬಸ್‍ನ ಅಗತ್ಯವಿತ್ತು. ಸಂಸದ ಕೆ.ಸಿ. ವೇಣುಗೋಪಾಲ್ ಮೊದಲ ಪ್ರಯಾಣಕ್ಕೆ ಚಾಲನೆ ನೀಡಿದರು.

ಓಣಂ ರಜಾದಿನಗಳಲ್ಲಿ ಊರಿಗೆ ಹಿಂತಿರುಗಬೇಕಾದವರಿಗೆ ಹೊಸ ಬಸ್ ಹೆಚ್ಚಿನ ಪ್ರಯೋಜನವನ್ನು ನೀಡುತ್ತದೆ. ಬಸ್ ಶೌಚಾಲಯ ಸೇರಿದಂತೆ ಐಷಾರಾಮಿ ಸೌಲಭ್ಯಗಳನ್ನು ಹೊಂದಿದೆ. ವೋಲ್ವೋ ಎಸಿ ಬಸ್ ಸೆಮಿ-ಸ್ಲೀಪರ್ ಆಗಿದೆ.

ಓಣಂ ಸಮಯದಲ್ಲಿ ಆಲಪ್ಪುಳ ಮೂಲಕ ವಿಶೇಷ ರೈಲು ಇದ್ದಿರಲಿಲ್ಲ. ಖಾಸಗಿ ಬಸ್‍ಗಳು ಮಾತ್ರ ಲಭ್ಯವಿರುವುದರಿಂದ, ಅನೇಕರು ಬೇರೆ ದಾರಿಯಿಲ್ಲದೆ ಹೆಚ್ಚಿನ ದರದಲ್ಲಿ ಪ್ರಯಾಣಿಸಬೇಕಾಗುತ್ತದೆ. ಜಿಲ್ಲಾ ಕೇಂದ್ರ ಡಿಪೆÇೀ ಆಗಿರುವ ಅಲಪ್ಪುಳದಿಂದ ಅಂತರರಾಜ್ಯ ಕೆಎಸ್‍ಆರ್‍ಟಿಸಿ ಬಸ್ ಸೇವೆಗಳನ್ನು ಪ್ರಾರಂಭಿಸಬೇಕೆಂಬ ಬೇಡಿಕೆ ಹಲವು ದಿನಗಳಿಂದ ಹೆಚ್ಚುತ್ತಿದೆ. ಹೊಸ ಬಸ್ ಆಗಮನದೊಂದಿಗೆ, ಪ್ರಯಾಣದ ಸಮಸ್ಯೆಗಳು ದೊಡ್ಡ ಪ್ರಮಾಣದಲ್ಲಿ ಪರಿಹಾರವಾಗುತ್ತವೆ.