ಕಾಸರಗೋಡಿನಲ್ಲಿ ಭಾರಿ ಮಳೆ, ಸಮುದ್ರ ಕೊರೆತ; ಕಾರ್ಯಂಗೋಡು ನದಿಯಲ್ಲಿ ಎಚ್ಚರಿಕೆ

ಕಾಸರಗೋಡು: ನಿರಂತರ ಭಾರೀ ಮಳೆಯಿಂದಾಗಿ ವ್ಯಾಪಕ ಹಾನಿ. ಸಮುದ್ರ ಕೊರೆತ ಮತ್ತು ಇತರ ಮಳೆ ಸಂಬಂಧಿತ ಹಾನಿ ತೀವ್ರಗೊಂಡಿದ್ದು, ಸಂತ್ರಸ್ತ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ. ಸುರಕ್ಷತಾ ಮುನ್ನೆಚ್ಚರಿಕೆಗಳ ಭಾಗವಾಗಿ, ಭಾನುವಾರ (ಆಗಸ್ಟ್ 2, 2026) ಕಾರ್ಯನಿರ್ವಹಿಸುವ ಎಲ್ಲಾ ಶಿಕ್ಷಣ ಸಂಸ್ಥೆಗಳಿಗೆ ರಜೆ ಘೋಷಿಸಲಾಗಿದೆ.

ರಜಾ ದಿನಗಳನ್ನು ಘೋಷಿಸಿರುವ ಸಂಸ್ಥೆಗಳು

ಕಾಸರಗೋಡು ಜಿಲ್ಲೆಯಲ್ಲಿ ಭಾರೀ ಮಳೆ ಮುಂದುವರಿದಿರುವುದರಿಂದ, ಭಾನುವಾರ ಕಾರ್ಯನಿರ್ವಹಿಸುವ ಸಾಧ್ಯತೆ ಇರುವ ಬೋಧನಾ ಸಂಸ್ಥೆಗಳು, ಮದರಸಾಗಳು ಸೇರಿದಂತೆ ಧಾರ್ಮಿಕ ಕೇಂದ್ರಗಳು ಮತ್ತು ಇತರ ಶಿಕ್ಷಣ ಸಂಸ್ಥೆಗಳು ಮುಚ್ಚಲ್ಪಡುತ್ತವೆ ಎಂದು ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಅಧ್ಯಕ್ಷರೂ ಆಗಿರುವ ಜಿಲ್ಲಾಧಿಕಾರಿ ಅರ್ಜುನ್ ಪಾಂಡಿಯನ್ ಘೋಷಿಸಿದ್ದಾರೆ.

ಮಳೆಗಾಳಿಯಲ್ಲಿ ವ್ಯಾಪಕ ಹಾನಿ; ಜನರಸ್ಥಳಾಂತರ

ಜಿಲ್ಲೆಯಲ್ಲಿ ಭಾರೀ ಮಳೆಯ ಕಾರಣ ಈಸ್ಟ್ ಎಳೇರಿ ಪಂಚಾಯತ್‍ನ ತಯೇನಿ ವಲಯನಂ ಮತ್ತು ಮಾಲೋತ್ ಕಟಮ್, ಉನ್ನೈ ಬಳಿ ಭೂಕುಸಿತಗಳು ಸಂಭವಿಸಿವೆ. ವಲಯನಂನಲ್ಲಿ ಭೂಕುಸಿತದ ನಂತರ, ಆರು ಕುಟುಂಬಗಳನ್ನು ಪಲವಾಯಲ್ ಗ್ರಾಮದ ತಾಯೇನಿ ಸರ್ಕಾರಿ ಪ್ರೌಢಶಾಲೆಯಲ್ಲಿ ಪ್ರಾರಂಭಿಸಲಾದ ಪರಿಹಾರ ಶಿಬಿರಕ್ಕೆ ಸ್ಥಳಾಂತರಿಸಲಾಗಿದೆ. ವೆಳ್ಳರಿಕ್ಕುಂಡ್ ತಹಶೀಲ್ದಾರ್ ಬಿ ರಾಮು ಮಾಹಿತಿ ನೀಡಿದ್ದಾರೆ, ಕಾರ್ಯಂಕೋಡ್ ನದಿ ಚಿತ್ತಾರಿಕ್ಕಲ್ ಗ್ರಾಮದಲ್ಲಿ ದಡದಲ್ಲಿ ಉಕ್ಕಿ ಹರಿಯುವ ಕಾರಣ ಕೊಲ್ಲಾಡದ ನಾಲ್ಕು ಕುಟುಂಬಗಳನ್ನು ಸಂಬಂಧಿಕರ ಮನೆಗಳಿಗೆ ಸ್ಥಳಾಂತರಿಸಲಾಗಿದೆ.

ತ್ರಿಕ್ಕರಿಪುರ ಶಾಸಕ ಸಂದೀಪ್ ವಾರಿಯರ್, ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಅಧ್ಯಕ್ಷರೂ ಆಗಿರುವ ಜಿಲ್ಲಾಧಿಕಾರಿ ಅರ್ಜುನ್ ಪಾಂಡಿಯನ್ ಮತ್ತು ಜಿಲ್ಲಾ ಪಂಚಾಯತ್ ಅಧ್ಯಕ್ಷ ಸಾಬು ಅಬ್ರಹಾಂ ವೈಕಾನಂಗೆ ಭೇಟಿ ನೀಡಿ ತಡೆಗಟ್ಟುವ ಚಟುವಟಿಕೆಗಳನ್ನು ಸಂಯೋಜಿಸಿದರು. ಜನಪ್ರತಿನಿಧಿಗಳು, ಪಂಚಾಯತ್ ಅಧಿಕಾರಿಗಳು ಮತ್ತು ಕಂದಾಯ ಇಲಾಖೆ ನೌಕರರು ಸ್ಥಳದಲ್ಲಿ ಮೊಕ್ಕಾಂ ಹೂಡಿದ್ದಾರೆ.

ಕರಾವಳಿ ಪ್ರದೇಶಗಳಲ್ಲಿ ಸಮುದ್ರ ಕೊರೆತ

ಕುಂಬಳ ಕೊಯಿಪ್ಪಾಡಿ, ಪಲ್ಲಿಕ್ಕರ ಮತ್ತು ಬೇಕಲ್ ಕರಾವಳಿಯಲ್ಲಿ ಬಲವಾದ ಸಮುದ್ರ ಕೊರೆತ ಸಂಭವಿಸಿದೆ. ಕುಂಬಳ ಕೊಯಿಪ್ಪಾಡಿ ಕರಾವಳಿಯಲ್ಲಿ ತೀವ್ರ ಸಮುದ್ರ ಕೊರೆತದ ನಂತರ, ನಾಲ್ಕು ಕುಟುಂಬಗಳ 22 ಜನರನ್ನು ಕುಂಬಳ ಸುನಾಮಿ ಆಶ್ರಯಕ್ಕೆ ಸ್ಥಳಾಂತರಿಸಲಾಗಿದೆ ಎಂದು ಮಂಜೇಶ್ವರ ತಹಶೀಲ್ದಾರ್ ಎಲ್.ಕೆ. ಸುಬೈರ್ ಮಾಹಿತಿ ನೀಡಿದರು.

ಶನಿವಾರ (ಆಗಸ್ಟ್ 1, 2026) ಬೆಳಿಗ್ಗೆ 11.30 ರಿಂದ ರಾತ್ರಿ 08.30 ರವರೆಗೆ ಕುಂಜತ್ತೂರಿನಿಂದ ಕೊಟ್ಟಕುನ್ನುವರೆಗಿನ ಜಿಲ್ಲೆಯ ಕರಾವಳಿಯಲ್ಲಿ 2.8 ರಿಂದ 3.4 ಮೀಟರ್ ಎತ್ತರದ ಅಲೆಗಳು ಎದ್ದ ಕಾರಣ ಪ್ರಕ್ಷುಬ್ದ ಸಮುದ್ರ ವಿದ್ಯಮಾನ ಮತ್ತು ಸಮುದ್ರ ಕೊರೆತದ ಸಾಧ್ಯತೆಯಿದೆ ಎಂದು ರಾಷ್ಟ್ರೀಯ ಸಾಗರಶಾಸ್ತ್ರ ಅಧ್ಯಯನ ಮತ್ತು ಸಂಶೋಧನಾ ಕೇಂದ್ರ (IಓಅಔIS) ಈ ಹಿಂದೆ ಎಚ್ಚರಿಸಿತ್ತು.

ಕಾರ್ಯಂಕೋಡ್ ನದಿಯಲ್ಲಿ ಅಪಾಯದ ಎಚ್ಚರಿಕೆ

ಪಯ್ಯನ್ನೂರು ಜಲವಿಜ್ಞಾನ ವಿಭಾಗವುಕಾಯರ್ಂಕೋಡ್ ನದಿಯ ಭೀಮನದಿ ನದಿ ಮಾಪಕದಲ್ಲಿ ಅಪಾಯದ ಎಚ್ಚರಿಕೆ ನೀಡಿದೆ. ಇದರ ನಂತರ, ಭೀಮನದಿಯಲ್ಲಿ ನದಿಯ ದಡದಲ್ಲಿ ವಾಸಿಸುವವರನ್ನು ತಕ್ಷಣ ಸ್ಥಳಾಂತರಿಸಲು ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ ಎಂದು ವೆಳ್ಳರಿಕುಡ್ ತಹಶೀಲ್ದಾರ್ ತಿಳಿಸಿದ್ದಾರೆ.