ಕುಂಬಳೆ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ರಾಜ್ಯದ ಮೊದಲ ಡಿಜಿಟಲ್ ಚೌಕ ಉದ್ಘಾಟನೆ

ಕುಂಬಳೆ: ಕೇರಳದ ಹೊಸ ಯುಗಕ್ಕಾಗಿ ಸರ್ಕಾರದ 100 ದಿನಗಳ ಕ್ರಿಯಾ ಯೋಜನೆಯ ಭಾಗವಾಗಿ ಕೈಟ್ ಜಾರಿಗೆ ತಂದಿರುವ ವಿನೂತನ ಯೋಜನೆಯಾದ ಡಿಜಿಟಲ್ ಚೌಕದ ರಾಜ್ಯದ ಮೊದಲ ಘಟಕವನ್ನು ಸಾಮಾನ್ಯ ಶಿಕ್ಷಣ ಸಚಿವ ಎನ್. ಶಂಸುದ್ದೀನ್ ಕುಂಬಳೆ ಸರ್ಕಾರಿ ಬೇಸಿಕ್ ಶಾಲೆಯಲ್ಲಿ ಸೋಮವಾರ ಉದ್ಘಾಟಿಸಿದರು. ಮಂಜೇಶ್ವರ ಶಾಸಕ ಎಕೆಎಂ ಅಶ್ರಫ್ ಅಧ್ಯಕ್ಷತೆ ವಹಿಸಿದ್ದರು. ಕಾಸರಗೋಡು ಶಾಸಕ ಕಲ್ಲಟ್ರ ಮಾಹಿನ್ ಮತ್ತು ಜಿಲ್ಲಾ ಪಂಚಾಯತಿ ಅಧ್ಯಕ್ಷ ಸಾಬು ಅಬ್ರಹಾಂ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ಐಟಿ ಕಲಿಕೆಯನ್ನು ಹೆಚ್ಚು ಪರಿಣಾಮಕಾರಿಯಾಗಿಸುವುದು, ಮಕ್ಕಳಲ್ಲಿ ಡಿಜಿಟಲ್ ಅಂತರವನ್ನು ಕಡಿಮೆ ಮಾಡುವುದು, ಡಿಜಿಟಲ್ ಸಾಧನಗಳನ್ನು ಸ್ವಯಂ ಅಧ್ಯಯನದ ಸಾಧನವನ್ನಾಗಿ ಮಾಡುವುದು ಮತ್ತು ಆರೋಗ್ಯಕರ ಡಿಜಿಟಲ್-ಬ್ರೌಸಿಂಗ್ ಸಂಸ್ಕøತಿಯನ್ನು ಹುಟ್ಟುಹಾಕುವ ಉದ್ದೇಶದಿಂದ ಕೈಟ್ ನೇತೃತ್ವದಲ್ಲಿ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳಿಗಾಗಿ ಈ ಯೋಜನೆಯನ್ನು ಜಾರಿಗೆ ತರಲಾಗುತ್ತಿದೆ. ವರ್ಣರಂಜಿತ ಭಿತ್ತಿಚಿತ್ರಗಳಿಂದ ಅಲಂಕರಿಸಲ್ಪಟ್ಟ ಮತ್ತು ಲ್ಯಾಪ್‍ಟಾಪ್‍ಗಳು ಮತ್ತು ಆಸನಗಳೊಂದಿಗೆ ಸಜ್ಜುಗೊಂಡಿರುವ Pಖಿಂ ಮತ್ತು ಶಿಕ್ಷಕರು ಈ ಮಾದರಿ ಡಿಜಿಟಲ್ ಚೌಕವನ್ನು ಸ್ಥಾಪಿಸಲಾಗಿದೆ.

ಕೈಟ್ ಅಭಿವೃದ್ಧಿಪಡಿಸಿದ ಮುಕ್ತ ಮೂಲ ಸಾಫ್ಟ್‍ವೇರ್ ವೇದಿಕೆಯ ಮೂಲಕ ಈ ಯೋಜನೆಯನ್ನು ಕಾರ್ಯಗತಗೊಳಿಸಲಾಗುತ್ತಿದೆ. ಆಟಗಳು, ಸೃಜನಶೀಲತೆ, ಸ್ವ-ಅಧ್ಯಯನ ಮತ್ತು ಡಿಜಿಟಲ್ ಸಾಕ್ಷರತೆಯ ಮೂಲಕ ಕಲಿಕೆಯನ್ನು ಬೆಳೆಸುವುದರ ಜೊತೆಗೆ, ಈ ಯೋಜನೆಯು 'ಕಲಿಪೆಟ್ಟಿ' ಮತ್ತು 'ಇ@ವಿದ್ಯಾ' ನಂತಹ ಐಸಿಟಿ ಪಠ್ಯಪುಸ್ತಕಗಳನ್ನು ಇತರ ವಿಷಯಗಳ ಅಧ್ಯಯನಕ್ಕಾಗಿ ಪರಿಣಾಮಕಾರಿಯಾಗಿ ಬಳಸಿಕೊಳ್ಳಲು ಸಹಾಯ ಮಾಡುತ್ತದೆ. ಅಂಗವಿಕಲ ಮಕ್ಕಳು ಸೇರಿದಂತೆ ಎಲ್ಲಾ ವರ್ಗದ ವಿದ್ಯಾರ್ಥಿಗಳು ಸಮಾನವಾಗಿ ಬಳಸಬಹುದಾದ ರೀತಿಯಲ್ಲಿ ಈ ವೇದಿಕೆಯನ್ನು ಜೋಡಿಸಲಾಗಿದೆ.