'ಕಾಶಿಗೆ ತೆರಳುವುದಾಗಿ ತಿಳಿಸಿ ಮನೆ ಬಿಟ್ಟು ತೆರಳಿದ ಬಾಲಕ: ತಂದೆ ಮೊಬೈಲ್ ಕೊಡದಿರುವ ಕೋಪವೆಂದು ಪತ್ರ ಟಿಪ್ಪಣಿ

ಕಣ್ಣೂರು: ತಂದೆ ಮೊಬೈಲ್ ತೆಗೆದುಕೊಂಡು ಹೋದ ನಂತರ ಪ್ಲಸ್ ಟು ವಿದ್ಯಾರ್ಥಿ ಮನೆ ಬಿಟ್ಟು ತೆರಳಿದ ಘಟನೆ ವರದಿಯಾಗಿದೆ. ಪಾನೂರು ನಗರಸಭೆಯ ಕರಿಯಾಡ್‍ನಲ್ಲಿರುವ ಚೋಕ್ಲಿ ರಾಮವಿಲಾಸಂ ಹೈಯರ್ ಸೆಕೆಂಡರಿ ಶಾಲೆಯ 17 ವರ್ಷದ ವಿದ್ಯಾರ್ಥಿ ನಾಪತ್ತೆಯಾಗಿದ್ದಾನೆ. ಇದರ ನಂತರ, ಕುಟುಂಬವು ಚೋಕ್ಲಿ ಪೋಲೀಸರಿಗೆ ದೂರು ನೀಡಿದೆ. 

ಮಗು ಆನ್‍ಲೈನ್ ಆಟಗಳನ್ನು ಆಡಲು ಪ್ರಾರಂಭಿಸಿದ ನಂತರ ತಂದೆ ಮೊಬೈಲ್ ತೆಗೆದುಕೊಂಡು ಹೋಗಿದ್ದರು. ವಿದ್ಯಾರ್ಥಿ ಕೋಪದಿಂದ ಮನೆಯಿಂದ ಹೊರಟು ಹೋಗಿದ್ದಾನೆ ಎಂದು ವರದಿಯಾಗಿದೆ. ಶನಿವಾರದಿಂದ ಅವನು ಕಾಣೆಯಾಗಿದ್ದಾನೆ.

ವಿದ್ಯಾರ್ಥಿಯದ್ದೆಂದು ನಂಬಲಾದ ಒಂದು ಟಿಪ್ಪಣಿ ಮನೆಯಲ್ಲಿ ಪತ್ತೆಯಾಗಿದೆ. ಆ ಟಿಪ್ಪಣಿಯಲ್ಲಿ ಅವನು ಕಾಶಿಗೆ ಹೋಗುತ್ತಿರುವುದಾಗಿ ಮತ್ತು ಆಧ್ಯಾತ್ಮದೆಡೆಗೆ ತಿರುಗುತ್ತಿದ್ದು ತನ್ನ ಉಳಿದ ಜೀವನವನ್ನು ಅಲ್ಲಿಯೇ ಕಳೆಯುವುದಾಗಿ ಬರೆಯಲಾಗಿದೆ. ಚೋಕ್ಲಿ ಪೋಲೀಸರು ಘಟನೆಯ ತನಿಖೆಯನ್ನು ಪ್ರಾರಂಭಿಸಿದ್ದಾರೆ.