ರಾಜ್ಯದಲ್ಲಿ ಇನ್ನು ಇರಲ್ಲ ಏಕ ಶಿಕ್ಷಕ ಶಾಲೆಗಳು: ಏಕ ಶಿಕ್ಷಕ ಶಾಲೆಗಳನ್ನು ಎಲ್‍ಪಿ ಶಾಲೆಗಳಾಗಿ ಮೇಲ್ದರ್ಜೆಗೆ-ಸರ್ಕಾರ ಆದೇಶ

ತಿರುವನಂತಪುರಂ: ರಾಜ್ಯ ಸರ್ಕಾರದ 100 ದಿನಗಳ ಕ್ರಿಯಾ ಯೋಜನೆಯ ಭಾಗವಾಗಿ, ಸಾರ್ವಜನಿಕ ಶಿಕ್ಷಣ ಸಚಿವ ಎನ್. ಶಂಸುದ್ದೀನ್ ಅವರ ಸೂಚನೆಯಂತೆ, ರಾಜ್ಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಂಟು ಏಕ ಶಿಕ್ಷಕ ಶಾಲೆಗಳನ್ನು ಎಲ್‍ಪಿ ಶಾಲೆಗಳಾಗಿ ಮೇಲ್ದರ್ಜೆಗೇರಿಸಲು ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ. 

ಮಲಪ್ಪುರಂನ ಕಿಝಿಸ್ಸೇರಿ ಉಪ ಜಿಲ್ಲೆಯ ಮೆಲ್ಮುರ್ರಿ ಎಂಜಿಎಲ್‍ಸಿ, ಅರೀಕೋಡ್ ಉಪ ಜಿಲ್ಲೆಯ ಅರಿಮಂಗಲಂ ಎಂಜಿಎಲ್‍ಸಿ, ತಾನೂರು ಉಪ ಜಿಲ್ಲೆಯ ಕಲಮತುರುತಿ ಎಂಜಿಎಲ್‍ಸಿ, ವಂಡೂರು ಉಪ ಜಿಲ್ಲೆಯ ಅರಿಮನಲ್ ಎಂಜಿಎಲ್‍ಸಿ, ಮಂಜೇರಿ ಉಪ ಜಿಲ್ಲೆಯ ತಾರಿಕುಳಂ ಎಂಜಿಎಲ್‍ಸಿ, ಕಾಸರಗೋಡು ಉಪ ಜಿಲ್ಲೆಯ ಆಲೂರು ಎಂಜಿಎಲ್‍ಸಿ, ಇಡುಕ್ಕಿಯ ಅಡಿಮಾಲಿ ಉಪ ಜಿಲ್ಲೆಯ ಕುರರಿಕುುಡಿ ಎಂಜಿಎಲ್‍ಸಿ ಮತ್ತು ಕಣ್ಣೂರಿನ ಇರಿಕೂರು ಉಪ ಜಿಲ್ಲೆಯ ಕಲಾಂಗಿ ಎಂಜಿಎಲ್‍ಸಿ ಇವು ಎಲ್‍ಪಿ ಶಾಲೆಗಳಾಗಿ ಮೇಲ್ದರ್ಜೆಗೇರಿಸಲ್ಪಡುವ ಏಕ ಶಿಕ್ಷಕ ಶಾಲೆಗಳಾಗಿವೆ.

ಅಕ್ಟೋಬರ್ 2 ರಂದು ಬೆಳಿಗ್ಗೆ 10 ಗಂಟೆಗೆ ಮಲಪ್ಪುರಂನ ಕಿಝಿಸ್ಸೇರಿ ಉಪ ಜಿಲ್ಲೆಯ ಮೆಲ್ಮುರ್ರಿ ಎಂಜಿಎಲ್‍ನಲ್ಲಿ ರಾಜ್ಯಮಟ್ಟದ ಉದ್ಘಾಟನೆಯನ್ನು ಸಾರ್ವಜನಿಕ ಶಿಕ್ಷಣ ಸಚಿವ ಎನ್. ಶಂಸುದ್ದೀನ್ ನೆರವೇರಿಸಲಿದ್ದಾರೆ. ಲೋಕೋಪಯೋಗಿ ಸಚಿವ ಪಿ.ಕೆ. ಬಶೀರ್ ಅಧ್ಯಕ್ಷತೆ ವಹಿಸಲಿದ್ದಾರೆ.

ರಾಜ್ಯ ಸರ್ಕಾರದ 100 ದಿನಗಳ ಕ್ರಿಯಾ ಯೋಜನೆಯಲ್ಲಿ ಏಕ ಶಿಕ್ಷಕ ಶಾಲೆಗಳ ನವೀಕರಣವೂ ಸೇರಿದೆ. 

ಬುಡಕಟ್ಟು ಸಮುದಾಯಗಳು ಮತ್ತು ಕರಾವಳಿ ಪ್ರದೇಶಗಳಲ್ಲಿ ಆರ್ಥಿಕವಾಗಿ ಮತ್ತು ಸಾಮಾಜಿಕವಾಗಿ ಹಿಂದುಳಿದ ವಿದ್ಯಾರ್ಥಿಗಳಿಗೆ ಶಿಕ್ಷಣವನ್ನು ಖಚಿತಪಡಿಸಿಕೊಳ್ಳಲು 1997 ರಲ್ಲಿ ಏಕ ಶಿಕ್ಷಕ ಶಾಲೆಗಳನ್ನು ಪ್ರಾರಂಭಿಸಲಾಯಿತು. ಈ ಶಾಲೆಗಳಲ್ಲಿ ಉತ್ತಮ ಮೂಲಸೌಕರ್ಯಗಳನ್ನು ಒದಗಿಸಿ ಇತರ ಶಾಲೆಗಳಂತೆ ಕಾಲಕ್ಕೆ ಅನುಗುಣವಾಗಿ ಅಭಿವೃದ್ಧಿಯನ್ನು ತರಲು ಸಾರ್ವಜನಿಕ ಶಿಕ್ಷಣ ಸಚಿವರ ನಿರ್ದೇಶನದ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ.