ಎ.ಐ ಬದಲು ಸೂಪರ್ ಇಂಟಲಿಜೆನ್ಸ್‌ ಮರುನಾಮಕರಣ: ಟ್ರಂಪ್‌

ವಿಶ್ವಸಂಸ್ಥೆ: ಅಮೆರಿಕದಲ್ಲಿ 'ಆರ್ಟಿಫಿಶಿಯಲ್ ಇಂಟಲಿಜೆನ್ಸ್' (ಎಐ) ಅನ್ನು 'ಸೂಪರ್ ಇಂಟಲಿಜೆನ್ಸ್‌'(ಸೂಪರ್ ಬುದ್ಧಿಮತ್ತೆ) ಎಂದು ಮರುನಾಮಕರಣ ಮಾಡುವುದಾಗಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಘೋಷಿಸಿದ್ದಾರೆ.

ವಿಶ್ವಸಂಸ್ಥೆಯ ಸಾಮಾನ್ಯಸಭೆಯ ಅಧಿವೇಶನದಲ್ಲಿ ಮಾತನಾಡಿದ ಅವರು, 'ಕೃತಕ ಎಂಬ ಪದವು ತಂತ್ರಜ್ಞಾನದ ಮೌಲ್ಯವನ್ನು ಕಡಿಮೆ ಮಾಡುತ್ತದೆ. 

ಸೂಪರ್ ಇಂಟಲಿಜೆನ್ಸ್‌ ಎಂಬ ಹೆಸರು ಹೆಚ್ಚು ಸೂಕ್ತವಾಗಿದೆ. ಪ್ರಪಂಚದ ಇತರ ದೇಶಗಳು ಹೊಸ ಪದ ಬಳಸುವ ಭರವಸೆ ಇದೆ' ಎಂದು ಹೇಳಿದರು.

ಟ್ರಂಪ್ ಆಡಳಿತವು ಈಗಾಗಲೇ ಹಲವು ಹೆಸರುಗಳನ್ನು ಬದಲಾಯಿಸಿದ್ದು, 'ಗಲ್ಫ್‌ ಆಫ್‌ ಮೆಕ್ಸಿಕೊ'ವನ್ನು 'ಗಲ್ಫ್‌ ಆಫ್‌ ಅಮೆರಿಕ' ಎಂದು ಮರುನಾಮಕರಣ ಮಾಡಿದೆ. ಕೆನಡಾದೊಂದಿಗಿನ ವ್ಯಾಪಾರ ಸಂಘರ್ಷದ ಕಾರಣಕ್ಕೆ 'ಲೇಕ್‌ ಒಂಟಾರಿಯೊ'ವನ್ನು 'ಲೇಕ್‌ ಅಮೆರಿಕ' ಎಂದು ಹೆಸರು ಬದಲಾಯಿಸಿದೆ.