ಸಮರಸ ಸುದ್ದಿ

                      ಕಲ್ಲಕಟ್ಟ ಶಾಲಾ ಪ್ರವೇಶೋತ್ಸವ
   ಬದಿಯಡ್ಕ: 2018-19 ನೇ ಶೈಕ್ಷಣಿಕ ವರ್ಷದ ಪ್ರವೇಶೋತ್ಸವವನ್ನು ಕಲ್ಲಕಟ್ಟ ಎಂ.ಎ.ಯು.ಪಿ. ಶಾಲೆಯಲ್ಲಿ ವಿಜೃಂಭಣೆಯಿಂದ ಆಚರಿಸಲಾಯಿತು. ವಾದ್ಯಮೇಳಗಳೊಂದಿಗೆ ಮೆರವಣಿಗೆಯಲ್ಲಿ ನವಾಗತರನ್ನು ಸ್ವಾಗತಿಸಲಾಯಿತು. ಸಭಾ ಕಾರ್ಯಕ್ರಮವನ್ನು ಗ್ರಾ.ಪಂ. ಸದಸ್ಯೆ ಸಫಿಯಾ ಉದ್ಘಾಟಿಸಿದರು. ಶಾಲಾ ವ್ಯವಸ್ಥಾಪಕ ಕೇಶವ ಪಿ.ವಿ. ಅಧ್ಯಕ್ಷತೆ ವಹಿಸಿದರು. ಶಾಲಾ ಮುಖ್ಯೋಪಾಧ್ಯಾಯ ಶ್ಯಾಮ್ ಪ್ರಸಾದ್ ಸ್ವಾಗತಿಸಿದರು. ಹಿರಿಯ ಅಧ್ಯಾಪಕರಾದ ಎನ್.ಗಣಪತಿ ಭಟ್ ವಂದಿಸಿದರು. ರಕ್ಷಕ ಶಿಕ್ಷಕ ಸಂಘ, ಮಾತೃಸಂಘಗಳ ಅಧ್ಯಕ್ಷರು, ಶಾಲಾ ಅಧ್ಯಾಪಕರು ಉಪಸ್ಥಿತರಿದ್ದರು.
   ನವಾಗತರಿಗೆ ಶಿಕ್ಷಕರು ಕಲಿಕೋಪಕರಣಗಳನ್ನು ವಿತರಿಸಿದರು. ನಿವೃತ್ತ ಅಧ್ಯಾಪಕ ಶಿವರಾಮ ಪಿ.ವಿ. ಮಕ್ಕಳಿಗೆ ಕೊಡೆ ವಿತರಿಸಿದರು. ಕೆವಿಆರ್ ಸಂಸ್ಥೆಯವರು ಪುಸ್ತಕವನ್ನು ನೀಡಿದರು. ವ್ಯವಸ್ಥಾಪಕರು ಸಹಿತಿಂಡಿ ವಿತರಿಸಿದರು. ಮಧ್ಯಾಹ್ನ ಪಾಯಸದೂಟವನ್ನು ನೀಡಲಾಯಿತು.