ಸಮರಸ ಸುದ್ದಿ

             ಪೆರ್ಲ ಶಾಲಾ ಪ್ರವೇಶೋತ್ಸವ
    ಪೆರ್ಲ: ಪೆರ್ಲದ ಶ್ರೀಸತ್ಯನಾರಾಯಣ ಪ್ರೌಢಶಾಲೆಯಲ್ಲಿ ಶುಕ್ರವಾರ ನಡೆದ ಪ್ರವೇಶೋತ್ಸವ ಕಾರ್ಯಕ್ರಮಲ್ಲಿ ನವಾಗತರಾಗಿ  ಆಗಮಿಸಿದ ಮಕ್ಕಳ ಜೊತೆಯಲ್ಲಿ ಪ್ರವೇಶೋತ್ಸವ ಮೆರವಣಿಗೆ ಅದ್ದೂರಿಯಾಗಿ ನಡೆಯಿತು.
  ಬಳಿಕ ಶ್ರೀಸತ್ಯನಾರಾಯಣ ಮಂದಿರದಲ್ಲಿ ನಡೆದ ಸಭಾ ಕಾರ್ಯಕ್ರಮದಲ್ಲಿ ಶಾಲಾ ವ್ಯವಸ್ಥಾಪಕ ಶ್ರೀಕೃಷ್ಣ ವಿಶ್ವಾಮಿತ್ರ  ಅಧ್ಯಕ್ಷತೆ ವಹಿಸಿದದರು. ಮುಖ್ಯ ಅತಿಥಿಯಾಗಿ ಭಾಗವಹಿಸಿದ ಎಣ್ಮಕಜೆ ಗ್ರಾಮ ಪಂಚಾಯತಿ ಸ್ಥಾಯಿ ಸಮಿತಿ ಅಧ್ಯಕ್ಷೆ ಆಯಿಷಾ ಎ.ಎ ಮಾತನಾಡಿ ಶಾಲಾ ಮಕ್ಕಳಿಗೆ ಹಿತ ನುಡಿಗಳನ್ನಾಡಿ ಹಾರೈಸಿದರು.ಎಣ್ಮಕಜೆ ಗ್ರಾಮ  ಪಂಚಾಯತಿ ಸದಸ್ಯ  ಅಬೂಬಕ್ಕರ್ ಸಿದ್ದೀಕ್, ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷರುಗಳಾದ ಗುರುವಪ್ಪ ಪೆಲ್ತಾಜೆ ,  ಅಶ್ರಫ್ ಕುರೆಡ್ಕ ,  ಶಾಲಾ ಮುಖ್ಯೋಪಾಧ್ಯಾಯರುಗಳಾದ ಬಿ .ರಾಜೇಂದ್ರ, ಎನ್ ಮಹಾಲಿಂಗೇಶ್ವರ ಭಟ್ ಉಪಸ್ಥಿತರಿದ್ದು ಶುಭ ಹಾರೈಸಿದರು. ಶಾಲಾ ಶಿಕ್ಷಕಿ ಸುಗುಣ ಸ್ವಾಗತಿಸಿ, ಸತೀಶ್ ಪುಣಿಂಚತ್ತಾಯ ವಂದಿಸಿದರು. ಎ.ಉದಯಶಂಕರ ಭಟ್ ಕಾರ್ಯಕ್ರಮ ನಿರೂಪಿಸಿದರು.