ಪ್ರವೀಣ್ ಪುಣಿಂಚಿತ್ತಾಯರಿಗೆ `ಕರುನಾಡ ರತ್ನ' ಪ್ರಶಸ್ತಿ

 
      ಸಮರಸ ಚಿತ್ರ ಸುದ್ದಿ: ಮುಳ್ಳೇರಿಯ: ಶಿಲ್ಪಕಲಾ ಕ್ಷೇತ್ರದಲ್ಲಿ ಕೈಗೊಂಡ ಸಾಧನೆಗೆ ಪ್ರವೀಣ್ ಪುಣಿಂಚಿತ್ತಾಯ ಪುಂಡೂರು ಇವರಿಗೆ ಕರುನಾಡ ರತ್ನ ಪ್ರಶಸ್ತಿ ಒಲಿದುಬಂದಿದೆ. ಪ್ರತಿಷ್ಠಿತ ಕರ್ನಾಟಕ ಕಲಾ ಸಾಂಸ್ಕøತಿಕ ಪ್ರತಿಷ್ಠಾನ ಮೈಸೂರು ಇವರು ಸಾಧಕರಿಗೆ ನೀಡುವ 2019ನೇ ಸಾಲಿನ ಪ್ರಶಸ್ತಿಯನ್ನು ಮೈಸೂರಿನ ರಾಜೇಂದ್ರ ಭವನದಲ್ಲಿ ಜರಗಿದ ಸಮಾರಂಭದಲ್ಲಿ ನೀಡಲಾಯಿತು. ಅಂತರಾಷ್ಟ್ರೀಯ ಖ್ಯಾತಿಯ ಚಿತ್ರಕಲಾವಿದ ಪಿ.ಎಸ್.ಪುಣಿಂಚಿತ್ತಾಯರ ಪುತ್ರನಾದ ಪ್ರವೀಣ್ ಪುಣಿಂಚಿತ್ತಾಯ ಅವರು ಶಿಲ್ಪಕಲೆ ಅಲ್ಲದೆ ವಿವಿಧ ಕಲಾ ಪ್ರಾಕಾರಗಳಲ್ಲಿ ಪ್ರಾವೀಣ್ಯವನ್ನು ಹೊಂದಿರುತ್ತಾರೆ.