ಆತಂಕಕಾರಿ ವರದಿ: ಕೊರೋನಾ ವೈರಸ್ ನ ಒಂದು ಹನಿ ಅರ್ಧ ಆಸ್ಪತ್ರೆಗೆ ಸೋಂಕು ಹರಡಿಸುತ್ತೆ!

   
          ನವದೆಹಲಿ: ಮಹಾಮಾರಿ ಕೊರೋನಾ ವೈರಸ್ ಕೇವಲ 10 ಗಂಟೆ ಅವಧಿಯಲ್ಲಿ ಒಂದು ಸ್ಥಳದಿಂದ ಇಡೀ ಅರ್ಧ ಆಸ್ಪತ್ರೆಗೆ ಹರಡಬಹುದು ಎಂಬ ಆಘಾತಕಾರಿ ವಿಷಯ ಅಧ್ಯಯನದ ಮೂಲಕ ತಿಳಿದುಬಂದಿದೆ.
           ಜರ್ನಲ್ ಆಫ್ ಹಾಸ್ಪಿಟಲ್ ಸೋಂಕಿನಲ್ಲಿ ಪ್ರಕಟವಾದ ಈ ಅಧ್ಯಯನದಲ್ಲಿ COVID-19 ಗೆ ಕಾರಣವಾಗುವ SARS-CoV-2  ಎಂಬ ವೈರಸ್ ಆಸ್ಪತ್ರೆಯ ಮೇಲ್ಮೈಗಳಲ್ಲಿ ಹೇಗೆ ಹರಡಬಹುದು ಎಂಬುದನ್ನು ವರದಿ ಮಾಡಿದೆ.
          ಯೂನಿವರ್ಸಿಟಿ ಕಾಲೇಜ್ ಹಾಸ್ಪಿಟಲ್ (ಯುಸಿಎಲ್) ಮತ್ತು ಯುಕೆ ಯ ಗ್ರೇಟ್ ಒಮರ್ಂಡ್ ಸ್ಟ್ರೀಟ್ ಆಸ್ಪತ್ರೆಯ ಸಂಶೋಧಕರು ಆಸ್ಪತ್ರೆಯ ಬೆಡ್ ರೈಲ್‍ನಲ್ಲಿ ಉಳಿದಿರುವ ವೈರಸ್ ಡಿಎನ್‍ಎ 10 ಗಂಟೆಗಳ ಒಳಗೆ ಒಂದು ವಾರ್ಡಿನಿಂದ ಕೆಲ ವಾರ್ಡ್ ಗಳಿಗೆ ಅರ್ಧದಷ್ಟು ಪತ್ತೆಯಾಗಿದೆ ಮತ್ತು ಕನಿಷ್ಠ ಐದು ದಿನಗಳವರೆಗೆ ಮುಂದುವರೆದಿದೆ ಎಂಬುದನ್ನು ಗಮನಿಸಿದ್ದಾರೆ.
         SARS-CoV-2  ವೈರಸ್ ಬದಲಿಗೆ, ಸಂಶೋಧಕರು ಸಸ್ಯ-ಸೋಂಕಿತ ವೈರಸ್‍ನಿಂದ ಡಿಎನ್‍ಎದ ಒಂದು ಭಾಗವನ್ನು ಕೃತಕವಾಗಿ ಸೃಷ್ಟಿಸಿ, ಇದು ಮನುಷ್ಯರಿಗೆ ಸೋಂಕು ಹರಡಲ್ಲ. ಸೋಂಕಿತ ರೋಗಿಗಳ ಉಸಿರಾಟದ ಮಾದರಿಗಳಲ್ಲಿ ಕಂಡುಬರುವ SARS-CoV-2  ಪ್ರತಿಗಳಿಗೆ ಹೋಲುವ ಸಾಂದ್ರತೆಯಲ್ಲಿ ಅವರು ವೈರಸ್ ಅನ್ನು ಮಿಲಿಲೀಟರ್ ನೀರಿಗೆ ಸೇರಿಸಿದರು. ಸಂಶೋಧಕರು ಈ ಡಿಎನ್‍ಎ ಹೊಂದಿರುವ ನೀರನ್ನು ಆಸ್ಪತ್ರೆಯ ಪ್ರತ್ಯೇಕ ಕೋಣೆಯಲ್ಲಿ ಇರಿಸಿದರು. ಇದು ಕೇವಲ 10 ಗಂಟೆಯಲ್ಲೇ ಇತರ ಕೋಣೆಗಳಿಗೂ ಹಬ್ಬಿದೆ. ಹಾಗೂ ಇದು 5 ದಿನಗಳವರೆಗೂ ಜೀವಂತವಾಗಿತ್ತು ಎಂಬುದನ್ನು ಗಮನಿಸಿದ್ದಾರೆ.