ಆಘಾತ ನೀಡಿದ ಕೋವಿಡ್ ಅಂಕಿಅಂಶಗಳು; ಸಂಪರ್ಕ ಕಾರಣ 481 ಸೋಂಕಿತರು- 271 ಹಾಟ್‍ಸ್ಪಾಟ್‍ಗಳು

   
      ತಿರುವನಂತಪುರ: ರಾಜ್ಯದ ಗುರುವಾರದ ಕೋವಿಡ್ ಬಾಧಿತರ ಸಂಖ್ಯೆ ತೀತ್ರ ಆತಂಕ ಮೂಡಿಸಿದೆ. ನಿನ್ನೆ ರಾಜ್ಯದಲ್ಲಿ 722 ಜನರಿಗೆ ಕೋವಿಡ್ ರೋಗನಿರ್ಣಯ ಮಾಡಲಾಗಿದೆ. ಈವರೆಗೆ ದಾಖಲಾದ ಅತಿದೊಡ್ಡ ಸಂಖ್ಯೆ ಇದಾಗಿದೆ. ಸಂಪರ್ಕ ಮತ್ತು ರೋಗನಿರ್ಣಯ ಮಾಡದ ಸೋಂಕುಗಳ ಮೂಲಕ ಕೋವಿಡ್ ಪ್ರಕರಣಗಳು ಇನ್ನೂ ಹೆಚ್ಚುತ್ತಿರುವ ಸಾಧ್ಯತೆ ಎದುರಿದೆ. ರೋಗಿಗಳ ಸಂಖ್ಯೆ ಹೆಚ್ಚಾದಂತೆ, ಆಸ್ಪತ್ರೆಗಳಲ್ಲಿ ಮತ್ತು ಮನೆಯಲ್ಲಿ ಚಿಕಿತ್ಸೆ ಪಡೆಯುವ ಮತ್ತು ಕ್ವಾರಂಟೈನ್ ನಲ್ಲಿರುವವರ ಸಂಖ್ಯೆಯೂ ಹೆಚ್ಚುತ್ತಿದೆ. ಸಂಪರ್ಕ ಕಾರಣ ರೋಗ ವಿಸ್ತರಿಸುತ್ತಿರುವುದು ಮತ್ತಷ್ಟು ಭೀತಿಗೆ ಕಾರಣವಾಗುತ್ತಿದೆ.
                  ಸಂಪರ್ಕದ ಮೂಲಕ 481 ಕೋವಿಡ್ ಸೋಂಕು:
     ಗುರುವಾರದ ವರದಿಯಂತೆ ರಾಜ್ಯದಲ್ಲಿ ದೃಢೀಕರಿಸಲ್ಪಟ್ಟ 722 ಪ್ರಕರಣಗಳಲ್ಲಿ 481 ಮಂದಿಗೆ ಸಂಪರ್ಕ ಕಾರಣದಿಂದ ಎನ್ನುವುದು ಭವಿಷ್ಯದ ಕರಾಳತೆಗೆ ಕಾರಣವಾಗುವ ಸೂಚನೆಯೆಂದೇ ಹೇಳಲಾಗಿದೆ. ಈ ಪೈಕಿ 34 ಜನರಲ್ಲಿ ರೋಗದ ಮೂಲ ಸ್ಪಷ್ಟವಾಗಿಲ್ಲ. ನಿನ್ನೆ 228 ಸೋಂಕಿತರು ಗುಣಮುಖರಾಗಿರುವರು. ಜೊತೆಗೆ ಎರಡು ಸಾವುಗಳು ವರದಿಯಾಗಿವೆ. ತ್ರಿಶೂರ್ ಜಿಲ್ಲೆಯ ತಂಪುರಾನ್ ಪಾಡಿ ಮೂಲದ ಅನೀಶ್ ಮತ್ತು ಕಣ್ಣೂರಿನ ಪುಲಿಯನಂಬ್ರಾದ ಮೊಹಮ್ಮದ್ ಸಲೇಹ್ ಕೋವಿಡ್ ಬಲಿಯಾದ ನತದೃಷ್ಟರು. ಗುರುವಾರ ಸೋಂಕು ದೃಢಪಟ್ಟವರಲ್ಲಿ 12 ಆರೋಗ್ಯ ಕಾರ್ಯಕರ್ತರು, 5 ಬಿ ಎಸ್ ಎಫ್ ಸಿಬ್ಬಂದಿ ಮತ್ತು 3 ಐಟಿಬಿಪಿ ಸಿಬ್ಬಂದಿ ಇದ್ದಾರೆ ಎಂದು ವರದಿಗಳು ತಿಳಿಸಿವೆ.
             ಹಾಟ್‍ಸ್ಪಾಟ್‍ಗಳ ಸಂಖ್ಯೆ ಹೆಚ್ಚಳ:
      ಸೋಂಕಿತರ ಸಂಖ್ಯೆ ಹೆಚ್ಚಾದಂತೆ ರಾಜ್ಯದ ಹಾಟ್‍ಸ್ಪಾಟ್‍ಗಳೂ ಹೆಚ್ಚಿವೆ. ರಾಜ್ಯದಲ್ಲಿ 271 ಹಾಟ್‍ಸ್ಪಾಟ್‍ಗಳಿವೆ. ರಾಜ್ಯದಲ್ಲಿ ಪ್ರಸ್ತುತ 10 ಕಂಟೋನ್ ಮೆಂಟ್ ಗಳೂ ಇವೆ. ಒಟ್ಟು 84 ಕ್ಲಸ್ಟರ್‍ಗಳಿವೆ. ಮುಂಬರುವ ದಿನಗಳಲ್ಲಿಯೂ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತದೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಸುಳಿವು ನೀಡಿದ್ದಾರೆ. ಕೋವಿಡ್ ಪರಿಶೀಲನಾ ಸಭೆಯ ನಂತರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುತ್ತಿದ್ದರು.

          ರಾಜ್ಯಕ್ಕೆ ಬಂದವರ ವಿವರಗಳು
      ರಾಜ್ಯದಲ್ಲಿ ವರದಿಯಾದ 722 ಕೋವಿಡ್ ಪ್ರಕರಣಗಳ ಪೈಕಿ 157 ಪ್ರಕರಣಗಳು ವಿದೇಶಗಳಿಂದ ಬಂದವರು. 62 ಜನರು ಇತರ ರಾಜ್ಯಗಳಿಂದ ಬಂದವರು. ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ 1,83,900 ಜನರು ಕ್ವಾರಂಟೈನ್ ನಲ್ಲಿದ್ದಾರೆ. ಕಳೆದ 24 ಗಂಟೆಗಳಲ್ಲಿ 16,052 ಮಾದರಿಗಳನ್ನು ಪರೀಕ್ಷಿಸಲಾಯಿತು. ಆಸ್ಪತ್ರೆಗಳಲ್ಲಿ 5432 ಜನರನ್ನು ಕ್ವಾರಂಟೈನ್ ಮಾಡಲಾಗುತ್ತಿದೆ. ಒಟ್ಟು 804 ಜನರನ್ನು ನಿನ್ನೆ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪ್ರಸ್ತುತ ಚಿಕಿತ್ಸೆಯಲ್ಲಿ 5372 ಜನರಿದ್ದಾರೆ. 2,68,128 ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ, ಅದರಲ್ಲಿ 7797 ಮಾದರಿಗಳು ಇನ್ನೂ ಫಲಪ್ರದವಾಗಿಲ್ಲ ಎಂದು ಸಿಎಂ ಹೇಳಿದರು.
           ಕೋವಿಡ್ ಅಂಕಿಅಂಶಗಳು:
     ಗುರುವಾರ ರಾಜ್ಯದಲ್ಲಿ 722 ಜನರಿಗೆ ಕೋವಿಡ್ ರೋಗನಿರ್ಣಯ ಮಾಡಲಾಗಿದೆ. ರಾಜಧಾನಿ ತಿರುವನಂತಪುರವೊಂದರಲ್ಲೇ  339 ಜನರಿಗೆ ಸೋಂಕು ಪತ್ತೆಯಾಗಿದೆ. ಎರ್ನಾಕುಳಂ 57, ಕೊಲ್ಲಂ 42, ಮಲಪ್ಪುರಂ 42, ಪತ್ತನಂತಿಟ್ಟು 39, ಕೋಝಿಕ್ಕೋಡ್ 33, ತ್ರಿಶೂರ್ 42, ಪಾಲಕ್ಕಾಡ್ 25, ಇಡುಕ್ಕಿ 26, ಕಣ್ಣೂರು 23, ಆಲಪ್ಪುಳ 20, ಕಾಸರಗೋಡು 18, ವಯನಾಡ್ 13 ಮತ್ತು ಕೊಟ್ಟಾಯಂ 13. ಪಾಲಕ್ಕಾಡ್‍ನಲ್ಲಿ 72 ಜಿಲ್ಲೆಗಳಲ್ಲಿ ಅತಿ ಹೆಚ್ಚು ಸೋಂಕಿತರು ಪತ್ತೆಯಾಗಿರುವರು. ಇತರ ಜಿಲ್ಲೆಗಳಾದ ತಿರುವನಂತಪುರಂ ಒಂದು, ಕೊಲ್ಲಂ 17, ಪತ್ತನಂತಿಟ್ಟು 18, ಆಲಪ್ಪುಳ 13, ಕೊಟ್ಟಾಯಂ ಏಳು, ಇಡಕ್ಕಿ ಆರು, ಎರ್ನಾಕುಳಂ ಏಳು, ತ್ರಿಶೂರ್ ಏಳು, ಪಾಲಕ್ಕಾಡ್ 72, ಮಲಪ್ಪುರಂ 37, ಕೊಝಿಕ್ಕೋಡ್ 10, ವಯನಾಡ್ ಒಂದು, ಕಣ್ಣೂರು ಎಂಟು ಸೋಂಕು ಬಾಧಿತ ಮಂದಿ ಗುಣಮುಖರಾಗಿದ್ದಾರೆ.