ಮುಂದುವರಿದ ಭಾಗ-07
ಗಜಕರ್ಣ ಒಂದು ಚರ್ಮ ರೋಗವೇ ಹೊರತು ಲೈಂಗಿಕ ರೋಗವಲ್ಲ. ಆದರೆ ಮದುವೆಯಾದ ಹೊಸತರಲ್ಲಿ ಹೊಸ ಬಟ್ಟೆ ಧರಿಸುವುದರಿಂದ ಈ ಖಾಯಿಲೆ ಬಂದರೆ ಕೆಲವು ಮನೆಗಳಲ್ಲಿ ಹೆಣ್ಣಿನ ನಡತೆಯನ್ನೂ ಸಂಶಯಿಸಿದ ಉದಾಹರಣೆಗಳಿವೆ. ಮದುವೆಯಾದ ಮೊದಲಿಗೆ ಹೆಣ್ಣಿನ ನಡತೆ ಸರಿಯಾಗಿದೆ ಎಂದು ಮನವರಿಕೆ ಮಾಡಿಕೊಡಲು ವೈದ್ಯರಿಗೆ ಸಾಕು ಬೇಕಾಗುತ್ತದೆ!
ಗಜಕರ್ಣ ಸಂಪೂರ್ಣವಾಗಿ ಗುಣಮುಖವಾಗುವ ಖಾಯಿಲೆ. ಪ್ರಾಥಮಿಕ ಹಂತದಲ್ಲಿ ಚಿಕಿತ್ಸೆ ತೆಗೆದುಕೊಂಡರೆ ಒಳ್ಳೆಯದು. ಹಿಂದೆ ಗ್ರೀಸಿಯೋ ಫೆಲ್ವನ್ ಎಂಬ ಔಷಧಿಯನ್ನು ರೋಗಿಯ ದೇಹದ ತೂಕಕ್ಕೆ ಅನುಸಾರವಾಗಿ ನಿರಂತರ 45 ದಿನಗಳ ಕಾಲ ಒಂದು ದಿನವೂ ತಪ್ಪದೆ ತೆಗೆದುಕೊಂಡರೆ ಈ ಖಾಯಿಲೆ ಸಂಪೂರ್ಣ ಗುಣಮುಖವಾಗುತ್ತದೆ. ಈ ಮಾತ್ರೆಗಳು ಅತಿ ಕಡಿಮೆ ದರದಲ್ಲಿ ಲಭ್ಯವಿರುತ್ತದೆ. 45 ದಿವಸಗಳ ಔಷಧಿಗೆ ಪ್ರಸ್ತುತ 140 ಆಗಿರುತ್ತದೆ. ಔಷಧಿಗಳು ಸತತ 45 ದಿನಗಳ ಕಾಲ ತೆಗೆದುಕೊಳ್ಳದಿದ್ದರೆ ಕೆಲವೊಂದು ಬಾರಿ ರೋಗ ಮರುಕಳಿಸಬಹುದು(ಮರುಕಳಿಸುತ್ತದೆ).ಯಾಕೆಂದರೆ ಈ ಕ್ರಿಮಿ ಚರ್ಮದ ಅಡಿ ಪದರುಗಳಲ್ಲಿರುವ ಕೂದಲಿನ ಬೇರಿನಲ್ಲಿ ಸೇರಿಕೊಂಡಿರಬಹುದು. ಚರ್ಮದ ಮೇಲ್ಪದರದಲ್ಲಿ ನಾಲ್ಕು ಅತಿ ಸೂಕ್ಷ್ಮ ಪದರಗಳಿವೆ. ಈ ಕೆಳಗಿನ ಪದರದಿಂದ ಚರ್ಮದ ಮೇಲ್ಬಾಗಕ್ಕೆ ತಲಪಲು 40 ರಿಂದ 56 ದಿವಸಗಳ ಸಮಯ ತಗಲುತ್ತದೆ.ಆದ್ದರಿಂದ ಕೆಳಗಿನ ಪದರದಲ್ಲಿದ್ದ ಫಂಗಸ್ ರೋಗ 40 ದಿವಸಗಳಾಗುವುದರೊಳಗೆ ಕೆಳಗಿನ ಮೇಲ್ಪದರ ತಲಪಿ ಪುನಃ ತುರಿಕೆ ಆರಂಭವಾಗುತ್ತದೆ. ರೋಗಿ 45 ದಿವಸಗಳ ಕಾಲ ಮಾತ್ರೆಗಳನ್ನು ತೆಗೆದುಕೊಂಡರೆ ಒಳರೋಮದ ಬುಡದಿಂದ ಹೊರಬಂದ ಫಂಗಸ್ ನಶಿಸಿ ಹೋಗುತ್ತದೆ. ಇಲ್ಲವಾದಲ್ಲಿ ಹೊರಬಂದ ಫಂಗಸ್ ಪುನಃ ಹರಡುತ್ತದೆ.
ಬರಹ: ಡಾ.ಪ್ರಸನ್ನಾ ನರಹರಿ.ಕಾಸರಗೋಡು. ಖ್ಯಾತ ಚರ್ಮ-ಲೈಂಗಿಕ ರೋಗ ತಜ್ಞರು.
ನಿರ್ದೇಶಕಿ ಐಎಡಿ ಕಾಸರಗೋಡು.
ನಾಳೆಗೂ ಮುಂದುವರಿಯುವುದು.........................
DOCTYPE html>
