ಸಮಾಜ ಪರಿವರ್ತಕ ಅಯ್ಯಂಕಾಳಿಯನ್ನು ಸ್ಮರಿಸಿದ ಸರ್ಕಾರ

 

       ತಿರುವನಂತಪುರ: ಸಮಾಜ ಸುಧಾರಕರು ದಲಿತರಿಗೆ ನ್ಯಾಯ ಒದಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಮಹಾತ್ಮ ಅಯ್ಯಂಗಾಳಿ ಅವರು ಕೇರಳದ ಸಾಮಾಜಿಕ ಸುಧಾರಣಾ ಆಂದೋಲನಕ್ಕೆ ಹೊಸ ದಿಕ್ಕನ್ನು ಒದಗಿಸಿ ಜಾತಿವಾದಿ ತಾರತಮ್ಯ ಮತ್ತು ಶೋಷಣೆಯ ಸಂಕೋಲೆಗಳಿಂದ ದೀನ ದಲಿತ ವರ್ಗಗಳನ್ನು ಮುಕ್ತಗೊಳಿಸಲು ಸಹಾಯ ಮಾಡಿದ್ದಾರೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ.

      ಕೇರಳವನ್ನು ಕರಾಳ ಯುಗದಿಂದ ಆಧುನಿಕ ಸುಸಂಸ್ಕøತ ಸಮಾಜಕ್ಕೆ ಕೊಂಡೊಯ್ಯಲು ಮತ್ತು ದಲಿತರಿಗೆ ಸಾಮಾಜಿಕ ನ್ಯಾಯವನ್ನು ಖಾತ್ರಿಪಡಿಸುವಲ್ಲಿ ಸಮಾಜ ಸುಧಾರಕರು ಪ್ರಮುಖ ಪಾತ್ರ ವಹಿಸಿದ್ದಾರೆ ಎಂದು ಅವರು ನಿನ್ನೆ ತಿರುವನಂತಪುರದಲ್ಲಿ ಅಯ್ಯಂಕಾಳಿ ಜಯಂತಿ ಸಂದರ್ಭದಲ್ಲಿ ಶುಕ್ರವಾರ ಬಿಡುಗಡೆ ಮಾಡಿದ ಸಂದೇಶದಲ್ಲಿ ತಿಳಿಸಿದ್ದಾರೆ.

      ಅವರು ತುಳಿತಕ್ಕೊಳಗಾದ ವರ್ಗಗಳಿಗೆ ಅವರ ಹಕ್ಕುಗಳ ಬಗ್ಗೆ ಅರಿವು ಮೂಡಿಸಿದರು ಮತ್ತು ಕೃಷಿ ಕಾರ್ಮಿಕರಿಗೆ ಶೋಷಣೆಯ ವಿರುದ್ಧದ ಹೋರಾಟದಲ್ಲಿ ಮಾರ್ಗದರ್ಶನ ನೀಡಿದರು. ಜಾತಿವಾದದ ವಿರುದ್ಧದ ಹೋರಾಟವು ವರ್ಗ ಶೋಷಣೆಯ ವಿರುದ್ಧದ ಹೋರಾಟವಾಗಿದೆ ಎಂದು ಅವರು ಸಾಬೀತುಪಡಿಸಿದರು ಎಂದು ಮುಖ್ಯಮಂತ್ರಿ ತಿಳಿಸಿದರು. 

       ಸಾಮಾಜಿಕ ದುಷ್ಕೃತ್ಯಗಳನ್ನು ಅಳಿಸಲು ಅಯ್ಯಂಕಾಳಿಯ ನಿರಂತರ ಪ್ರಯತ್ನಗಳು ರಾಜ್ಯದ ಪ್ರಗತಿಪರ ಚಳುವಳಿಗಳಿಗೆ ದಾರಿದೀಪವಾಗಿ ಕಾರ್ಯನಿರ್ವಹಿಸುತ್ತವೆ. ಮತ್ತು ತಾರತಮ್ಯ ಮತ್ತು ಅನ್ಯಾಯದ ವಿರುದ್ಧ ಹೋರಾಡುವ ಅವರ ಸಂಕಲ್ಪವನ್ನು ಬಲಪಡಿಸುತ್ತವೆ ಎಂದು ಅವರು ಹೇಳಿದರು.

         ಜಯಂತಿ ಸಂಭ್ರಮಾಚರಣೆಯ ಅಂಗವಾಗಿ ಎಸ್‍ಸಿ / ಎಸ್‍ಟಿ ಅಭಿವೃದ್ಧಿ ಸಚಿವ ಎ.ಕೆ.ಬಾಲನ್ ಅವರು ಇಲ್ಲಿನ ವೆಲ್ಲಯಂಬಲಂನಲ್ಲಿ ಶುಕ್ರವಾರ ಮಹಾತ್ಮ ಅಯ್ಯನಕಾಲಿಯ ಪ್ರತಿಮೆಗೆ ಮಾಲಾರ್ಪಣೆ ಮಾಡಿದರು. ಪ್ರವಾಸೋದ್ಯಮ ಸಚಿವ ಕಡಕಂಪಲ್ಲಿ ಸುರೇಂದ್ರನ್, ಉಪಸಭಾಪತಿ ವಿ.ರಾಮಕೃಷ್ಣನ್, ಶಾಸಕರು, ರಾಜಕೀಯ ಮತ್ತು ಸಾಂಸ್ಕೃತಿಕ ಮುಖಂಡರು ಮತ್ತು ಸಾಮಾಜಿಕ ಕಾರ್ಯಕರ್ತರು ಉಪಸ್ಥಿತರಿದ್ದರು.