ಕೊಚ್ಚಿ: ಪೂಂಜಾರ್ ಶಾಸಕ ಪಿಸಿ ಜಾರ್ಜ್ ಮುಸ್ಲಿಮರ ವಿರುದ್ಧ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಮುಸ್ಲಿಂ ಸಮುದಾಯವು ಉನ್ನತ ಶಿಕ್ಷಣ ಇಲಾಖೆ ಸೇರಿದಂತೆ ಕೇರಳದಲ್ಲಿ ಉನ್ನತ ಹುದ್ದೆಗಳನ್ನು ಕಸಿದುಕೊಳ್ಳುತ್ತಿದೆ ಎಂದು ಪಿಸಿ ಜಾರ್ಜ್ ಆರೋಪಿಸಿದ್ದಾರೆ.
ಪಿಸಿ ಜಾರ್ಜ್ ಅವರು ಕೇರಳದ ಏಳು ಜಿಲ್ಲೆಗಳ ಜಿಲ್ಲಾಧಿಕಾರಿಗಳು ಒಂದೇ ಸಮುದಾಯಕ್ಕೆ ಸೇರಿದವರು ಮತ್ತು ಇದು ಹೇಗೆ ಸಂಭವಿಸಿತು ಎಂಬುದರ ಕುರಿತು ನಾವು ಯೋಚಿಸಬೇಕಾಗಿದೆ ಎಂದು ಹೇಳಿದರು. ಪಿಎಸ್‍ಸಿಯಲ್ಲಿನ ಕಾನೂನು ಸಮಸ್ಯೆಗಳು ಮತ್ತು ಫಾ. ಸ್ಟಾನ್ ಸ್ವಾಮಿಯ ಬಂಧನದ ವಿರುದ್ಧ ಪ್ರತಿಭಟಿಸಲು ಎರಾಟ್ಟುಪೆಟ್ಟಾದ ಅರುವಿಟ್ಟುರಾದಲ್ಲಿ ಸಿರೋ ಮಲಬಾರ್ ಯುವ ಚಳವಳಿ ಆಯೋಜಿಸಿದ್ದ ಸಮಾರಂಭದಲ್ಲಿ ಜಾರ್ಜ್ ಅವರು ಈ ಹೇಳಿಕೆ ನೀಡಿದ್ದಾರೆ.
ರಾಜ್ಯದ ಶೇಕಡಾ 70 ರಷ್ಟು ಶಿಕ್ಷಣ ಸಂಸ್ಥೆಗಳನ್ನು ಕ್ಯಾಥೊಲಿಕ್ ಪುರೋಹಿತರು ಪ್ರಾರಂಭಿಸಿರುವುದಾಗಿದೆ. ಆದರೆ ಪ್ರಸ್ತುತ ಸ್ಥಿತಿ ಏನು? ಐಎಎಸ್, ಐಇಎಸ್ ಮತ್ತು ಐಎಫ್ ಎಸ್ ಕೋರ್ಸ್‍ಗಳನ್ನು ಕಲಿಯುವವರು ಎಲ್ಲಿ ಹೋದರು. ನಮ್ಮ ಮಕ್ಕಳು ಯಾಕಿಷ್ಟು ಕೆಳಗಿದ್ದಾರೆ. ಇದು ಚರ್ಚ್ ಚರ್ಚಿಸಬೇಕಾದ ವಿಷಯ" ಎಂದು ಸೂಚನೆ ನೀಡಿದರು.
"ಚಿನ್ನ ಕಳ್ಳಸಾಗಣಿಕೆ ಸಂಬಂಧ ಆಪಾದಿತರಾಗಿರುವ ಸಚಿವರು ಉನ್ನತ ಶಿಕ್ಷಣ ಇಲಾಖೆಯಲ್ಲಿ ತಮ್ಮದೇ ಜನರನ್ನು ಇರಿಸಿದಿದ್ದಾರೆ ಎಂದು ಜಾರ್ಜ್ ಆರೋಪಿಸಿದ್ದಾರೆ. ಪ್ರಸ್ತುತ ಕ್ಯಾಬಿನೆಟ್ನಲ್ಲಿರುವ ಕ್ಯಾಥೊಲಿಕ್ ಮಂತ್ರಿಗಳು ತಮ್ಮ ವಿಭಾಗದಲ್ಲಿ ಸಾಕಷ್ಟು ಕ್ಯಾಥೊಲಿಕ್ ಜನರನ್ನು ಸೇರಿಸಿಕೊಳ್ಳಬೇಕು" ಎಂದು ಅವರು ಹೇಳಿದರು.
"ಎಂಜಿ ವಿಶ್ವವಿದ್ಯಾಲಯದಲ್ಲಿ ಉಪಕುಲಪತಿ ಸ್ಥಾನಕ್ಕೆ ಇಕ್ಬಾಲ್ ನಾಮನಿರ್ದೇಶನಗೊಂಡಾಗ, ಅವರನ್ನು ಸಿರಿಯಾಕ್ ಥಾಮಸ್ ಅವರು ನೇಮಕ ಮಾಡಿದರು. ಏಕೆಂದರೆ ಅವರಿಗೆ ಇಕ್ಬಾಲ್ ರನ್ನು ನೇಮಿಸಲು ಒತ್ತಡಗಳಿತ್ತು. ಕ್ರಿಶ್ಚಿಯನ್ನರು ಹೊರತುಪಡಿಸಿ ಎಲ್ಲರೂ ಸ್ವಾತಂತ್ರ್ಯದ ನಂತರ ಬೆಳೆದಿದ್ದಾರೆ ಎಂದು ಬೊಟ್ಟುಮಾಡಿದರು.
ಪಾಕಿಸ್ತಾನದಲ್ಲಿ ಎಲ್ಲರನ್ನೂ ಮುಸ್ಲಿಮರನ್ನಾಗಿ ಮಾಡಲಾಯಿತು. ಮಸೀದಿಗಳು ಮತ್ತು ದೇವಾಲಯಗಳನ್ನು ಮಸೀದಿಗಳಾಗಿ ಪರಿವರ್ತಿಸಲಾಯಿತು. ಹಿಂದೂ ದೇವಾಲಯಗಳನ್ನು ನೆಲಸಮ ಮಾಡಲಾಗಿದೆ ಮತ್ತು ಆ ದೇವಾಲಯಗಳಲ್ಲಿ ಹಿಂದೂಗಳಿಲ್ಲ. ಚರ್ಚುಗಳದ್ದೂ ಅದೇ ಸ್ಥಿತಿಯಾಗಿದೆ ಎಂದು ಜಾರ್ಜ್ ಆರೋಪಿಸಿದ್ದಾರೆ.
DOCTYPE html>
