ಕಂದಾಯ ಅಧಿಕಾರಿಯ ಸೋಗಿನಲ್ಲಿ ಪರಿಶೀಲನೆ- ಬೆದರಿಸಿ ಹಣ ವಸೂಲಿ-ಉದ್ಯೋಗದಿಂದ ವಜಾ

                    

           ಕಾಸರಗೋಡು: ಕಂದಾಯ ಅಧಿಕಾರಿಯಂತೆ ನಟಿಸಿ ಅಧಿಕೃತ ವಾಹನದಲ್ಲಿ ತೆರಳಿ ಪರಿಶೀಲನೆಯ ನಾಟಕವಾಡಿ ಅಲ್ಲಿ ಮಣ್ಣು ಲೋಡ್ ಮಾಡುತ್ತಿದ್ದವರನ್ನು ಬೆದರಿಸಿ ಹಣ ಪೀಕಿಸಲು ಯತ್ನಿಸುತ್ತಿದ್ದ ಯುವಕನೋರ್ವನನ್ನು ಪೋಲೀಸರು ಸೆರೆಹಿಡಿದ ಘಟನೆ ನಡೆದಿದೆ. ಘಟನೆ ಭಾರೀ ಕೋಲಾಹಲ ಸೃಷ್ಟಿಸಿದ್ದರಿಂದ ವೆಳ್ಳರಿಕುಂಡು ತಾಲೂಕು ಕಾರ್ಯಾಲಯದ ಚಾಲಕನಾದ ಪರಪ್ಪ ಮೂಲದ ಜೆರಾಲ್ಡ್ ಜಾರ್ಜ್ (35) ಎಂಬವನನ್ನು ವಜಾ ಮಾಡಲಾಗಿದೆ. ಪರಪ್ಪ ಮೂಲದ ಯುವಕನ ವಿರುದ್ಧ ಜಮೀಲಾ ಎಂಬ ಗೃಹಿಣಿ ಪೆÇಲೀಸರಿಗೆ ದೂರು ನೀಡಿದ್ದರ ಪರಿಣಾಮ ತಹಶೀಲ್ದಾರರ ವಾಹನ ಬಳಸಿ ನಡೆಸುತ್ತಿದ್ದ ವಂಚನೆ ಬಹಿರಂಗಗೊಂಡಿರುವುದು. 

         ಒಂದು ವಾರದ ಹಿಂದೆ ಉಪ ತಹಶೀಲ್ದಾರ್ ಅವರೊಂದಿಗೆ ಅಧಿಕೃತ ವಾಹನದಲ್ಲಿ ತೆರಳಿ ಪರಪ್ಪದಲ್ಲಿನ ಒಂದು ಕುಟುಂಬದ ಮನೆ ನಿರ್ಮಾಣದ ಮಣ್ಣು ತೆಗೆಯುವ ಕೆಲಸವನ್ನು ಬಲವಂತವಾಗಿ ನಿಲ್ಲಿಸಿ ಅವರಿಂದ ಭೂವಿಜ್ಞಾನ ದಾಖಲೆ ಪುಸ್ತಕವನ್ನು ವಶಪಡಿಸಿದ್ದರು. ಕಂದಾಯ ಅಧಿಕಾರಿಯ ಸೋಗಿನಲ್ಲಿ ಈ ಧಾಳಿ, ಪರಿಶೋಧನೆ ನಡೆಸಲಾಗಿತ್ತು.  ಚಾಲಕನ ಹಠಾತ್ ಕ್ರಮದಿಂದಾಗಿ ಪ್ರಜ್ಞೆ ಕಳೆದುಕೊಂಡಿದ್ದರಿಂದ ಸ್ಥಳೀಯರು ಗೃಹಿಣಿಯನ್ನು ಆಸ್ಪತ್ರೆಗೆ ಸಾಗಿಸಿದ್ದರು. ಬಳಿಕ ಜಮೀಲಾ ಎಂಬ ಗೃಹಿಣಿ ಪೆÇಲೀಸರಿಗೆ ದೂರು ನೀಡಿದ್ದಾಳೆ. ಉಪ ತಹಶೀಲ್ದಾರ್ ರಜೆ ನೀಡಿದ ದಿನದಂದು ಈ ಪರಾಕ್ರಮ ನಡೆದಿತ್ತೆಂದು ಬಳಿಕ ತಿಳಿದುಬಂದಿದೆ. ಗಂಭೀರ ಕಾನೂನು ಉಲ್ಲಂಘನೆ ನಡೆದಿದೆ ಎಂದು ಆರೋಪಿಸಿ ಉಪ ತಹಶೀಲ್ದಾರ್ ಸುಜಾ ಕೂಡ ಪೆÇಲೀಸರಿಗೆ ದೂರು ನೀಡಿದ್ದರು.

         ಪ್ರಾಥಮಿಕ ತನಿಖೆಯ ಸಮಯದಲ್ಲಿ ಗೃಹಿಣಿಯರ ದೂರು ಮಾನ್ಯವಾಗಿದೆ ಎಂದು ವೆಲ್ಲರಿಕುಂಡು ಸಿಐಕೆ ಪ್ರೇಮ್ ಸದನನ್, ಆರ್‍ಡಿಒ ಮತ್ತು ವೆಲ್ಲರಿಕುಂಡು ತಹಶೀಲ್ದಾರ್‍ಗೆ ಮಾಹಿತಿ ನೀಡಿದ್ದರು. ಘಟನೆಯ ಬಗ್ಗೆ ಜಿಲ್ಲಾಧಿಕಾರಿಗಳು ಚಾಲಕನ ವಾಹನ ತಪಾಸಣೆ ಬಗ್ಗೆ ತಿಳಿದು ಅವರು ತಹಶೀಲ್ದಾರ್‍ನಿಂದ ವರದಿ ಕೋರಿದರು. ತಾತ್ಕಾಲಿಕ ಚಾಲಕ ತನ್ನ ಸೂಚನೆಯಂತೆ ಉಪ ತಹಶೀಲ್ದಾರನ ವಾಹನದೊಂದಿಗೆ ತಪಾಸಣೆಗೆ ಹೋಗಿರಲಿಲ್ಲ ಎಂದು ವೆಳ್ಳರಿಕುಂಡು  ತಹಶೀಲ್ದಾರ್ ಜಿಲ್ಲಾಧಿಕಾರಿಗಳಿಗೆ  ತಿಳಿಸಿದರು. ಟಿಪ್ಪರ್ ಲಾರಿ ಚಾಲಕರು, ಮನೆ ಕೆಲಸಕ್ಕಾಗಿ ಅಗೆಯುವವರು ಮತ್ತು ವಾಹನ ತಪಾಸಣೆಯ ಹೆಸರಿನಲ್ಲಿ ಗ್ರಾನೈಟ್ ಕ್ವಾರಿ ಮಾಲೀಕರಿಂದ ಹಣ ವಸೂಲಿ ಮಾಡಿದ್ದಾರೆ ಎಂಬ ಆರೋಪವೂ ಯುವಕರ ಮೇಲಿತ್ತು. ವಿವಾದದ ಹಿನ್ನೆಲೆಯಲ್ಲಿ ಚಾಲಕನನ್ನು ವಜಾ ಮಾಡುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

        ಪರಪ್ಪ ಮೂಲದ ಜೆರಾಲ್ಡ್ ನಾಲ್ಕು ವರ್ಷಗಳ ಹಿಂದೆ ತಾತ್ಕಾಲಿಕ ಚಾಲಕನಾಗಿ ಕಂದಾಯ ಇಲಾಖೆಗೆ ಸೇರಿದ್ದನು. ಸಿಪಿಐ ಪಕ್ಷದ ಕೈವಾಡದಿಂದ ಈ ಕೆಲಸವನ್ನು ನೀಡಲಾಗಿತ್ತು. ಆದರೆ ಘಟನೆಯ ಬಳಿಕ ಅದೇ ಪಕ್ಷ ಮಧ್ಯಪ್ರವೇಶಿಸಿ ಚಾಲಕನ್ನು ವಜಾಗೊಳಿಸುವಂತೆ ಕೇಳಿಕೊಂಡಿದೆ. ಏತನ್ಮಧ್ಯೆ, ಯುವಕನ ವಿರುದ್ಧ ದೂರು ನೀಡಲು ಯಾರೂ ಮುಂದೆ ಬಂದಿರಲಿಲ್ಲ. ಚಾಲಕನನ್ನು ವಜಾಗೊಳಿಸಲು ಇಲಾಖೆ ನಿರ್ಧರಿಸಿದ ಬಳಿಕ ಗೃಹಿಣಿ ಕೂಡ ತನ್ನ ದೂರನ್ನು ಹಿಂತೆಗೆದುಕೊಂಡಿದ್ದಾರೆ. ಚಾಲಕನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಪೆÇಲೀಸರು ತಿಳಿಸಿದ್ದಾರೆ.