ಪಿ.ಎಸ್.ಸಿ ನಡೆಸುವ ಸಾಮಾನ್ಯ ಪ್ರಾಥಮಿಕ ಪರೀಕ್ಷೆಯ ದಿನಾಂಕ ಪ್ರಕಟ

              ತಿರುವನಂತಪುರ: ಎಸ್.ಎಸ್.ಎಲ್.ಸಿ ವರೆಗಿನ ಶೈಕ್ಷಣಿಕ ಅರ್ಹತೆ ಹೊಂದಿರುವ ಹುದ್ದೆಗಳಿಗೆ ಸಾಮಾನ್ಯ ಪ್ರಾಥಮಿಕ ಪರೀಕ್ಷೆಯ ದಿನಾಂಕವನ್ನು ಪಿಎಸ್‍ಸಿ ನಿಗದಿಪಡಿಸಿದೆ.

        ಪರೀಕ್ಷೆಯನ್ನು ನಾಲ್ಕು ಹಂತಗಳಲ್ಲಿ ನಡೆಸಲಾಗುತ್ತದೆ. ಪರೀಕ್ಷೆಗಳು ಫೆಬ್ರವರಿ 20, 25 ಮತ್ತು ಮಾರ್ಚ್ 6 ಮತ್ತು 13 ರಂದು ನಡೆಯಲಿದೆ. ಫೆಬ್ರವರಿ 10 ರಿಂದ ಅಭ್ಯರ್ಥಿಗಳು ತಮ್ಮ ಪೆÇ್ರಫೈಲ್‍ನಿಂದ ಪ್ರವೇಶ ಟಿಕೆಟ್‍ಗಳನ್ನು ಡೌನ್‍ಲೋಡ್ ಮಾಡಿಕೊಳ್ಳಬಹುದು.

          ಪ್ರವೇಶ ಟಿಕೆಟ್‍ನಲ್ಲಿ ಪರೀಕ್ಷೆಯ ದಿನಾಂಕ, ಪರೀಕ್ಷೆಯ ಸಮಯ ಮತ್ತು ಪರೀಕ್ಷಾ ಕೇಂದ್ರದ ವಿವರಗಳು ಇರುತ್ತವೆ. ಈ ಮೊದಲು ಪರೀಕ್ಷೆಯ ಪಠ್ಯಕ್ರಮವನ್ನು ಪಿಎಸ್‍ಸಿ ಪ್ರಕಟಿಸಿತ್ತು. ಈ ಸಾಮಾನ್ಯ ಪ್ರಾಥಮಿಕ ಪರೀಕ್ಷೆಯಲ್ಲಿ 2020 ರಲ್ಲಿ ಅಧಿಸೂಚನೆ ಪಡೆದ ಅದೇ ಅರ್ಹತೆಯೊಂದಿಗೆ ಹುದ್ದೆಗಳು ಒಳಗೊಂಡಿರುತ್ತವೆ.