ಮಂಜೇಶ್ವರ ಪೊಲೀಸರ ಮೇಲೆ ಗುಂಡಿನ ದಾಳಿ ಪ್ರಕರಣ: ಕೇರಳದ ಡ್ರಗ್ ಗ್ಯಾಂಗ್ ನಿಂದ ಕೃತ್ಯ, ಮಾದಕ ವಸ್ತು ಪತ್ತೆ!

          ಕಾಸರಗೋಡ: ತಪಾಸಣೆ ವೇಳೆ ಕರ್ನಾಟಕ ಪೊಲೀಸರ ಮೇಲೆ ಗುಂಡಿನ ದಾಳಿ ನಡೆಸಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲವರನ್ನು ಬಂಧಿಸಿರುವ ಪೊಲೀಸರು ತನಿಖೆ ಚುರುಗೊಳಿಸಿದ್ದಾರೆ. ಈ ವೇಳೆ ಇದು ಕೇರಳದ ಡ್ರಗ್ ಗ್ಯಾಂಗ್ ನ ಕೃತ್ಯ ಎಂಬುದು ಪತ್ತೆಯಾಗಿದ್ದು ಅಪಾರ ಪ್ರಮಾಣದ ಮಾದಕ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.

        ನಾವು ಕಳೆದ 24 ಗಂಟೆಗಳಲ್ಲಿ ನಮ್ಮ ಜೀವವನ್ನು ಪಣಕ್ಕಿಟ್ಟಿದ್ದೇವೆ ತನಿಖೆ ನಡೆಸುತ್ತಿದ್ದೇವೆ ಎಂದು ಕಾಸರಗೋಡು ಉಪ ಪೊಲೀಸ್ ವರಿಷ್ಠಾಧಿಕಾರಿ ಪಿ ಪಿ ಸದಾನಂದನ್ ಹೇಳಿದರು. ಇದು ಇನ್ನೂ ಮುಗಿದಿಲ್ಲ. ಮಿಯಾಪಾದವ್‌ನ ರಹೀಮ್ ನೇತೃತ್ವದ ಮೂವರು ದರೋಡೆಕೋರರನ್ನು ನಾವು ಇನ್ನೂ ಹುಡುಕುತ್ತಿದ್ದೇವೆ ಎಂದು ಅವರು ಹೇಳಿದರು.

       ಕರ್ನಾಟಕ ಪೊಲೀಸರು ತನಿಖೆ ವೇಳೆ ಮೂವರು ಶಂಕಿತರನ್ನು ಬಂಧಿಸಿದ್ದು ಪಿಸ್ತೂಲು ಮತ್ತು ಜೀವಂತ ಗುಂಡುಗಳನ್ನು ವಶಪಡಿಸಿಕೊಂಡಿದ್ದಾರೆ ಎಂದರು.

         ಐದು ದಿನಗಳ ಹಿಂದೆ ವಿಶೇಷ ಪೊಲೀಸ್ ತಂಡ ವರ್ಕಾಡಿಯ ಮನೆಯೊಂದರ ಮೇಲೆ ದಾಳಿ ನಡೆಸಿ ಡ್ರಗ್ ಗ್ಯಾಂಗ್‌ನ ಐವರು ಶಂಕಿತ ಸದಸ್ಯರನ್ನು ಬಂಧಿಸಿ ಪೈವಲೈಕೆ ಎಂಬಲ್ಲಿ ಪಿಸ್ತೂಲ್ ಮತ್ತು ಕಾರನ್ನು ವಶಪಡಿಸಿಕೊಂಡಿದೆ ಎಂದು ಸದಾನಂದನ್ ಹೇಳಿದ್ದಾರೆ. ಪಿಸ್ತೂಲ್ ಮೇಡ್ ಇನ್ ಲಂಡನ್ ಎಂದು ಹೇಳಿದ್ದಾರೆ.

           ಕಳೆದ 24 ಗಂಟೆಯಲ್ಲಿ ಕೇರಳ ಪೊಲೀಸರು ಸುಮಾರು 140 ಕೆಜಿ ಡ್ರಗ್ಸ್ ಅನ್ನು ವಶಪಡಿಸಿಕೊಂಡಿದ್ದು ಮೀಯಪದವು ನಿವಾಸಿ ರಿಕ್ಷಾ ಚಾಲಕ ಅಬ್ದುಲ್ ನೌಫಲ್ ಎಂಬಾತನ್ನು ಬಂಧಿಸಿದ್ದೇವೆ ಎಂದರು.