ಪುತ್ರ ಮತ್ತು ಸೊಸೆಗೆ ಕೊರೋನಾ:ಸಚಿವೆ ಕೆ.ಕೆ. ಶೈಲಾಜಾ ಸಂಪರ್ಕತಡೆಗೆ

 

       ತಿರುವನಂತಪುರ: ಮಗ ಮತ್ತು ಸೊಸೆಗೆ ಕೊರೋನಾ ದೃಢಪಟ್ಟ ಹಿನ್ನೆಲೆಯಲ್ಲಿ ಆರೋಗ್ಯ ಸಚಿವೆ ಕೆ.ಕೆ.  ಶೈಲಾಜಾ ಸಂಪರ್ಕತಡೆಗೆ ಒಳಗಾಗಿರುವರು.  ಸಚಿವರೇ ಈ ಬಗ್ಗೆ ಫೇಸ್‌ಬುಕ್ ಮೂಲಕ ಮಾಹಿತಿ ನೀಡಿದ್ದು,  ತನಗೆ ಯಾವುದೇ ಸೋಂಕು ಲಕ್ಷಣಗಳಿಲ್ಲ ಮತ್ತು ಕೊರೋನಾ ತಡೆಗಟ್ಟುವ ಚಟುವಟಿಕೆಗಳನ್ನು ಆನ್‌ಲೈನ್‌ನಲ್ಲಿ ಸಂಯೋಜಿಸುವುದಾಗಿ  ಹೇಳಿದರು.

       ಈ ಹಿಂದೆ  ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಪುತ್ರಿ ವೀಣಾ ಅವರಿಗೆ ಸೋಂಕು ದೃಢಪಟ್ಟಿದ್ದ ಸಂದರ್ಭ ಮಗಳ ಜೊತೆಗೇ ಇದ್ದ ಸಿ.ಎಂ. ಬಳಿಕ ಮತಗಟ್ಟೆಗೆ ಆಗಮಿಸಿ ಮತ ಚಲಾಯಿಸಿ ತೆರಳಿದ್ದರು.  ನಂತರ  ಮುಖ್ಯಮಂತ್ರಿಗಳಿಗೆ ಸೋಂಕು  ದೃಢಪಟ್ಟಿತು.  ಏಳು ದಿನಗಳ ಚಿಕಿತ್ಸೆಯ ನಂತರ ಆಸ್ಪತ್ರೆಯಿಂದ  ಬಿಡುಗಡೆಗೊಂಡಿದ್ದರು.

      ಆದರೆ ಮುಖ್ಯಮಂತ್ರಿಗಳ ಇಂತಹ ಬೇಜವಾಬ್ದಾರಿತನದ ಬಗ್ಗೆ ಬಳಿಕ  ವಿವಾದ ಹುಟ್ಟಿಕೊಂಡು ನಂತರ, ಇದರ ವಿರುದ್ಧ ತೀವ್ರ ಪ್ರತಿಭಟನೆ ನಡೆಯಿತು.  ಸಾರ್ವಜನಿಕರ ಆರೋಗ್ಯವನ್ನು ಪರಿಗಣಿಸದೆ ವರ್ತಿಸಿದ್ದಕ್ಕಾಗಿ ಮುಖ್ಯಮಂತ್ರಿ ವಿರುದ್ಧ ಪ್ರಕರಣ ದಾಖಲಿಸಬೇಕು ಎಂಬ ದೂರು ಕೂಡ ಬಂದಿದೆ.