ಸ್ತ್ರೀಯರ ಮುಟ್ಟಿಗೆ ಐದು ದಿನಗಳ ಮೊದಲು ಅಥವಾ ನಂತರ ಲಸಿಕೆ ನೀಡಬಾರದು ಎಂಬ ಸಂದೇಶ ನಕಲಿ: ನಕಲಿ ಸುದ್ದಿಗಳಿಗೆ ವೈದ್ಯರ ಪ್ರತಿಕ್ರಿಯೆ

             

               ತಿರುವನಂತಪುರ: ಮುಟ್ಟಿನ ಐದು ದಿನಗಳ ಮೊದಲು ಅಥವಾ ಐದು ದಿನಗಳ ನಂತರ ಮಹಿಳೆಯರು ಕೋವಿಡ್ -19 ಲಸಿಕೆ ಪಡೆಯಬಾರದು ಎಂಬ ನಕಲಿ ಪ್ರಚಾರ ಕೇಳಿಬರುತ್ತಿದೆ. ಈ ದಿನಗಳಲ್ಲಿ ಮಹಿಳೆಯರು ಕಡಿಮೆ ರೋಗ ನಿರೋಧಕ ಶಕ್ತಿ ಹೊಂದಿದ್ದಾರೆ ಮತ್ತು ಆದ್ದರಿಂದ ಲಸಿಕೆ ತೆಗೆದುಕೊಳ್ಳಬಾರದು ಎಂದು ವಾಟ್ಸಾಪ್ ಮತ್ತು ಫೇಸ್‍ಬುಕ್ ಸೇರಿದಂತೆ ಸಾಮಾಜಿಕ ಮಾಧ್ಯಮಗಳ ಮೂಲಕ ಹರಡಲಾಗುತ್ತಿದೆ. 

              ಆದರೆ ಅಂತಹ ಪ್ರಚಾರದಿಂದ ತಲೆ ಕೆಡಿಸಬೇಕಿಲ್ಲ ಮತ್ತು ಮುಟ್ಟಿನ ದಿನಾಂಕಗಳು ಮತ್ತು ವ್ಯಾಕ್ಸಿನೇಷನ್‍ಗಳ ನಡುವೆ ಯಾವುದೇ ಸಂಬಂಧವಿಲ್ಲ ಎಂದು ತಜ್ಞರು ಸ್ಪಷ್ಟಪಡಿಸಿದ್ದಾರೆ. 

                          ತಜ್ಞ ವೈದ್ಯೆ  ಡಾ.ಶಿಮ್ನಾ ಅಜೀಜ್ ಅವರೆನ್ನುವಂತೆ ಇತ್ತೀಚಿಗೆ ‘ವಾಟ್ಸಾಪ್ ಗಳಲ್ಲಿ "ಯೂನಿವರ್ಸಿಟಿ ಸ್ಟಡೀಸ್’ ಎಂಬ ಹೆಸರಲ್ಲಿ ಕೋವಿಡ್‍ಗೆ ಐದು ದಿನಗಳ ಮೊದಲು ಅಥವಾ ನಂತರ ಲಸಿಕೆ ನೀಡಬಾರದು ಎಂದು ಸೂಚಿಸುತ್ತದೆ. ಆ ದಿನಗಳಲ್ಲಿ ಮಹಿಳೆಯರಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರುತ್ತದೆ ಎಂದು ಸಂದೇಶಗಳು ಹರಡಲಾಗಿದೆ. 

                       ಹಾಗಾದರೆ ಇದು ನಿಜವಲ್ಲವೇ?:

        ನಿಜವಲ್ಲ. ನೆನಪಿಡಿ, ಮೊದಲ ವ್ಯಾಕ್ಸಿನೇಷನ್ ನ್ನು ಆರೋಗ್ಯ ಕಾರ್ಯಕರ್ತರಿಗೆ ನೀಡಲಾಯಿತು. ಅವರಲ್ಲಿ ಎಲ್ಲಾ ವಯಸ್ಸಿನ ಪುರುಷರು ಮತ್ತು ಮಹಿಳೆಯರು ಇದ್ದರು. ಸಹಜವಾಗಿ, ಮುಟ್ಟಿನ ಮಹಿಳೆಯರು ಅವರಲ್ಲಿದ್ದಾರೆ. ಮುಟ್ಟಿನಿಂದ ರೋಗನಿರೋಧಕ ಶಕ್ತಿ ಕಡಿಮೆಯಾಗಿದ್ದರೆ, ಈ ಆರೋಗ್ಯ ಕಾರ್ಯಕರ್ತರಿಗೆ ವ್ಯಾಕ್ಸಿನೇಷನ್ ನಿಂದ ಜೀವಕ್ಕೆ ದೊಡ್ಡ ಅಪಾಯ ಉಂಟಾಗುತ್ತಿತ್ತು. 

            ವೈರಸ್ ನೊಂದಿಗೆ ನೇರ ಸಂಪರ್ಕವಿಲ್ಲದ ಸಾರ್ವಜನಿಕರನ್ನು ತಿಂಗಳ ಮುಟ್ಟಿನ ಹೆಸರಲ್ಲಿ ಕನಿಷ್ಠ ಹದಿನೈದು ದಿನಗಳವರೆಗೆ ಲಸಿಕೆಯಿಂದ ದೂರವಿಡುವುದು ಈ ಸಂದೇಶದ ಉದ್ದೇಶ. ಕ್ಷಮಿಸಿ, ದುರುದ್ದೇಶಪೂರಿತ ಉದ್ದೇಶ.

               ವದಂತಿಗಳಿಂದ ಮೋಸಹೋಗಬೇಡಿ. ವ್ಯಾಕ್ಸಿನೇಷನ್ ನಿಮ್ಮ ಮುಟ್ಟಿನ ದಿನಾಂಕಗಳೊಂದಿಗೆ ಯಾವುದೇ ಸಂಬಂಧವನ್ನು ಹೊಂದಿಲ್ಲ. ಕೋವಿಡ್ ಲಸಿಕೆಯನ್ನು ಸಮಯೋಚಿತವಾಗಿ ಪಡೆಯಿರಿ, ಮಾಸ್ಕ್  ಸರಿಯಾಗಿ ಧರಿಸಿ, ದೈಹಿಕ ಅಂತರ ಕಾಪಾಡಿಕೊಳ್ಳಿ ಮತ್ತು ಕೈಗಳನ್ನು ಆಗಾಗ್ಗೆ ಸ್ವಚ್ಚಗೊಳಿಸಿ. ಆಧಾರರಹಿತ ಸಾಮಾಜಿಕ ಮಾಧ್ಯಮ ಪ್ರಚಾರದ ವಿರುದ್ಧ ರಕ್ಷಣೆ ಪಡೆಯಿರಿ.