ಸೋಂಕಿತ ಪ್ರಾಣಿಯ ದೇಹದ ದ್ರವಗಳೊಂದಿಗೆ ಸಂಪರ್ಕಕ್ಕೆ ಬರುವ ಮಾನವರಿಗೆ ಸಾಂಕ್ರಾಮಿಕ ರೋಗಗಳು ನೇರವಾಗಿ ಹರಡುವ ಸಾಧ್ಯತೆ ಹೆಚ್ಚು; ಆಹಾರ ಮಾರುಕಟ್ಟೆಗಳಲ್ಲಿ ಜೀವಂತ ಪ್ರಾಣಿಗಳ ಮಾರಾಟ ನಿಷೇಧಕ್ಕೆ WHO ಕರೆ!

         ಜಿನೀವಾ: ಮಾಂಸಾಹಾರ ಮಾರುಕಟ್ಟೆಗಳಲ್ಲಿ ಜೀವಂತ ಪ್ರಾಣಿಗಳ ಮಾರಾಟಕ್ಕೆ ನಿಷೇಧ ಹೇರಲು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಕರೆ ನೀಡಿದೆ.

       ಕೋವಿಡ್ ನಂತಹ 70 ಪ್ರತಿಶತ ವೈರಲ್ ರೋಗಗಳಿಗೆ ವನ್ಯಜೀವಿ ಮೂಲವಾಗಿದೆ.  ಸೋಂಕಿತ ಪ್ರಾಣಿಗಳ ದೇಹದ ದ್ರವಗಳ ಸಂಪರ್ಕದಿಂದ ಸಾಂಕ್ರಾಮಿಕ ರೋಗಗಳು ನೇರವಾಗಿ ಪ್ರಾಣಿಗಳಿಂದ ಮನುಷ್ಯರಿಗೆ ಹರಡುವ ವರದಿಗಳನ್ನು ಉಲ್ಲೇಖಿಸಿ ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ವಿಶ್ವದ ದೇಶಗಳಿಗೆ ತಮ್ಮ ಮಾರುಕಟ್ಟೆಗಳನ್ನು ತಾತ್ಕಾಲಿಕವಾಗಿ ಮುಚ್ಚುವಂತೆ ಕರೆ ನೀಡಿದೆ.

      ಪ್ರಾಣಿಗಳೊಂದಿಗಿನ ಸಂವಹನವು 'ಹೆಚ್ಚುವರಿ ಅಪಾಯ'.  ಅಂತಹ ಮಾರುಕಟ್ಟೆಗಳನ್ನು ಮುಚ್ಚುವುದರಿಂದ ಅಲ್ಲಿ ಕೆಲಸ ಮಾಡುವವರ ಮತ್ತು ಅಲ್ಲಿಗೆ ಬರುವವರ ಜೀವ ಉಳಿಸಬಹುದು ಎಂದು ಸಂಸ್ಥೆ ಹೇಳಿದೆ.