ಮಾಸ್ಕೋ: ಸೂಕ್ಷ್ಮದರ್ಶಕದಲ್ಲಿ ಮಾತ್ರ ಪತ್ತೆಯಾಗುವ ಸೂಕ್ಷ್ಮಾಣು ಜೀವಿಯೊಂದು ಉತ್ತರ ರಷ್ಯಾದ ಸೈಬಿರಿಯಾದ ಯಕುಟಿಯಾ ಬಳಿಯ ಅಲೆಜಿಯಾ ನದಿಯ ಆಳದಲ್ಲಿ ವಿಜ್ಞಾನಿಗಳು ಪತ್ತೆಯಾಗಿದ್ದು, 24,000 ವರ್ಷಗಳ ನಂತರ ಜೀವ ಪಡೆದಿದೆ.
ಅತ್ಯಂತ ಶುದ್ಧವಾದ ನೀರಿನಲ್ಲಿ ಬದುಕಬಲ್ಲ ಈ ಜೀವಿಗೆ ಬೆಡ್ಲೊಯ್ಡ್ ರೋಟಿಫಿಯರ್ ಎಂದು ವಿಜ್ಫಾನಿಗಳು ಹೆಸರಿಟ್ಟಿದ್ದು, ಇದು ಅತಿಯಾದ ಚಳಿಯಲ್ಲೂ ಜೀವಿಸಬಲ್ಲದು.
ಈ ಹಿಂದೆ ನಡೆಸಿದ ಸಂಶೋಧನೆಯಲ್ಲಿ ಮೈನಸ್ 20 ಡಿಗ್ರಿಯಲ್ಲಿ ವಾಸಿಸುವ ಈ ಜೀವಿ ಕೆಲವು ದಶಕಗಳ ಹಿಂದಿನದು ಎಂದು ಭಾವಿಸಲಾಗಿತ್ತು. ಆದರೆ ಇದೀಗ ಈ ಜೀವಿ 24 ಸಾವಿರ ವರ್ಷಗಳಷ್ಟು ಪುರಾತನ ಕಾಲದ್ದು ಎಂದು ತಿಳಿದು ಬಂದಿದೆ.
ಅತ್ಯಂತ ಚಳಿಯ ನಡುವೆಯೂ ಅತ್ಯಂತ ದೀರ್ಘಕಾಲದಿಂದ ಬದುಕುಳಿದ ಜೀವಿ ಎಂದು ಇದನ್ನು ಕರೆಯಲಾಗಿದ್ದು, ಈ ಜೀವಿಯ ಬಗ್ಗೆ ಮತ್ತಷ್ಟು ಸಂಶೋಧನೆ ನಡೆದಿದೆ.
DOCTYPE html>
