ತಿರುವನಂತಪುರ: 45 ವರ್ಷಕ್ಕಿಂತ ಮೇಲ್ಪಟ್ಟ ಹಾಸಿಗೆ ಹಿಡಿದಿರುವ ರೋಗಿಗಳಿಗೆ ಲಸಿಕೆ ಹಾಕಲು ಆರೋಗ್ಯ ಇಲಾಖೆ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಅಂತಹ ಮನೆಗೆ ತೆರಳಿ ಒಳರೋಗಿಗಳಿಗೆ ಲಸಿಕೆ ಹಾಕುವ ನಿರ್ಧಾರವು ಕೊರೋನಾದಿಂದ ರಕ್ಷಣೆ ಪಡೆಯುವ ಸರ್ಕಾರದ ನಿರ್ಧಾರದ ಪ್ರಮುಖ ಭಾಗವಾಗಿದೆ. ಅವರ ವ್ಯಾಕ್ಸಿನೇಷನ್ ಪ್ರಕ್ರಿಯೆಯನ್ನು ಏಕೀಕರಿಸಲು ಮಾರ್ಗಸೂಚಿಯನ್ನು ನೀಡಲಾಯಿತು. 45 ವರ್ಷದೊಳಗಿನ ಒಳರೋಗಿಗಳನ್ನು ಈ ಹಿಂದೆ ವ್ಯಾಕ್ಸಿನೇಷನ್ ಆದ್ಯತೆಯ ಪಟ್ಟಿಯಲ್ಲಿ ಸೇರಿಸಲಾಗಿತ್ತು. ಅದೇ ಮಾರ್ಗಸೂಚಿಗಳ ಅಡಿಯಲ್ಲಿ ಅವರಿಗೆ ಲಸಿಕೆ ನೀಡಲಾಗುವುದು ಎಂದು ಇಲಾಖೆ ತಿಳಿಸಿದೆ.
ಪ್ರತಿ ಆರೋಗ್ಯ ಕೇಂದ್ರಗಳಲ್ಲಿ ನೋಂದಾಯಿಸಲ್ಪಟ್ಟ 45 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲಾ ಒಳರೋಗಿಗಳ ಪಟ್ಟಿಯನ್ನು ರಚಿಸಿ ಅವರು ವ್ಯಾಕ್ಸಿನೇಷನ್ ಮಾಡಲು ಸಿದ್ಧರಿರಿರುವರೇ ಎಂಬುದನ್ನು ಖಾತ್ರಿಪಡಿಸಬೇಕು. ವ್ಯಾಕ್ಸಿನೇಷನ್ ಮಾಡಲು ಪ್ರತಿ ರೋಗಿಯಿಂದ ಒಪ್ಪಿಗೆ ಪಡೆಯಬೇಕು. ದೈನಂದಿನ ಮನೆ ಆರೈಕೆ ಕಾರ್ಯಕ್ರಮದಲ್ಲಿ ಅವರನ್ನು ಸೇರಿಸುವ ಮೂಲಕ ಅವರ ಭಾಗವಹಿಸುವಿಕೆಯನ್ನು ಖಚಿತಪಡಿಸಿಕೊಳ್ಳಬೇಕು.
ಅಗತ್ಯವಿದ್ದರೆ ಸ್ಥಳೀಯಾಡಳಿತ ಸಂಸ್ಥೆಗಳು, ಎನ್ಜಿಒ / ಸಿಬಿಒಎಸ್ ಗಳ ಪಾಲ್ಗೊಳ್ಳುವಿಕೆಯನ್ನು ಖಚಿತಪಡಿಸಿಕೊಳ್ಳಬಹುದು. ಎಫ್.ಎಚ್.ಸಿ, ಪಿಎಚ್.ಸಿ. ನೌಕರರು ಸಿಎಚ್ಸಿ ಮತ್ತು ತಾಲ್ಲೂಕು ಆಸ್ಪತ್ರೆಯ ಸಿಬ್ಬಂದಿಯ ಸಹಾಯವನ್ನೂ ಪಡೆಯಬಹುದು. ಸರ್ಕಾರಿ ಮಾನ್ಯತೆ ಪಡೆದ ನಸಿರ್ಂಗ್ ಅರ್ಹತೆ ಇಲ್ಲದ ಮತ್ತು ನೋಂದಾಯಿಸದ ನೌಕರರರು ಲಸಿಕೆಗಳನ್ನು ನೀಡಬಾರದು. ಆದಾಗ್ಯೂ, ವ್ಯಾಕ್ಸಿನೇಷನ್ ಚಟುವಟಿಕೆಗಳನ್ನು ಸಮುದಾಯ ದಾದಿಯ ಮಾರ್ಗದರ್ಶನದಲ್ಲಿ ಯೋಜಿಸಬಹುದು.
ಎಲ್ಲಾ ವ್ಯಾಕ್ಸಿನೇಷನ್ ತಂಡದ ಸದಸ್ಯರು ಕೊರೋನಾ ಪೆÇ್ರೀಟೋಕಾಲ್ ಮತ್ತು ಪಿಪಿಇ ಕಿಟ್ ಗಳನ್ನು ಧರಿಸಿರಬೇಕು. ಸುರಕ್ಷತಾ ಕ್ರಮಗಳನ್ನು ಸಹ ಅನುಸರಿಸಬೇಕು. ಲಸಿಕೆ ನೀಡಿದ ನಂತರ ರೋಗಿಯನ್ನು ಅರ್ಧ ಘಂಟೆಯವರೆಗೆ ಮೇಲ್ವಿಚಾರಣೆ ಮಾಡಬೇಕು. ವ್ಯಾಕ್ಸಿನೇಷನ್ ಸಮಯದಲ್ಲಿ ಯಾವುದೇ ತುರ್ತು ಅಗತ್ಯಗಳಿಗೆ ಸರ್ಕಾರಿ ಮತ್ತು ಖಾಸಗಿ ಆಸ್ಪತ್ರೆ ವೈದ್ಯರನ್ನು ಸಲಹೆಗಾಗಿ ಸಂಪರ್ಕಿಸಬೇಕು. ನೀವು ಇ-ಸಂಜೀವನಿ ವ್ಯವಸ್ಥೆಗಳನ್ನು ಸಹ ಬಳಸಬಹುದು. ವ್ಯಾಕ್ಸಿನೇಷನ್ಗಾಗಿ ಇತರ ಎಲ್ಲಾ ಪೆÇ್ರೀಟೋಕಾಲ್ಗಳನ್ನು ಸರಿಯಾಗಿ ಅನುಸರಿಸಬೇಕು ಎಂದು ಆರೋಗ್ಯ ಇಲಾಖೆ ಹೇಳಿದೆ.
DOCTYPE html>
.png)
