ಕೆ.ಎಸ್.ಆರ್.ಟಿ.ಸಿ. ಮತ್ತು ಜಲ ಸಾರಿಗೆ ಇಲಾಖೆ ದೋಣಿಗಳಿಂದ ಸೀಮಿತ ಸೇವೆ ಮಾತ್ರ: ಸಾರಿಗೆ ಸಚಿವ

                                         

               ತಿರುವನಂತಪುರ: ಕೆ.ಎಸ್.ಆರ್,ಟಿ,ಸಿ, ರಾಜ್ಯದಾದ್ಯಂತ ಸೀಮಿತ ಸೇವೆಗಳನ್ನು ಒದಗಿಸಲಿದೆ ಮತ್ತು ಪ್ರಯಾಣಿಕರ ಬೇಡಿಕೆಯಂತೆ 50 ಶೇ ದೋಣಿಗಳನ್ನು ಜಲ ಸಾರಿಗೆ ಇಲಾಖೆಯಿಂದ ನಿರ್ವಹಿಸಲಾಗುವುದು ಎಂದು ಸಾರಿಗೆ ಸಚಿವ ಆಂಟನಿ ರಾಜು ಹೇಳಿದ್ದಾರೆ. 

                     ಕೋವಿಡ್ ಪೆÇ್ರೀಟೋಕಾಲ್ ಅನುಸಾರವಾಗಿ ಸೇವೆಯನ್ನು ನಡೆಸಲಾಗುವುದು. ಸ್ಥಳೀಯ ಸರ್ಕಾರಗಳು ಸಿ ಮತ್ತು ಡಿ ವರ್ಗದ ಪ್ರದೇಶಗಳಲ್ಲಿ ನಿಲ್ದಾಣಗಳನ್ನು ಅನುಮತಿಸುವುದಿಲ್ಲ (ಅಲ್ಲಿ ಪರೀಕ್ಷಾ ಸಕಾರಾತ್ಮಕತೆ ದರವು 20 ಶೇ. ಕ್ಕಿಂತ ಹೆಚ್ಚಿದೆ). ಹೆಚ್ಚು ಪ್ರಯಾಣಿಕರಿರುವ ಸ್ಥಳಗಳಿಗೆ ಸೇವೆಗಳನ್ನು ನಡೆಸಲಾಗುತ್ತದೆ. ಪ್ರಯಾಣಿಕರ ಅಗತ್ಯಕ್ಕೆ ಅನುಗುಣವಾಗಿ ಸಾಮಾನ್ಯ ಬಸ್ಸುಗಳು 12 ಗಂಟೆಗಳ ಕಾಲ ಸಂಚರಿಸಲಿವೆ. ಸೋಮವಾರ ಮತ್ತು ಶುಕ್ರವಾರ ಪ್ರಯಾಣಿಕರ ದಟ್ಟಣೆಯ ಕಾರಣ ಹೆಚ್ಚಿನ ಸೇವೆಗಳನ್ನು ಹೊಂದಿರಲಿವೆ. 

                    ಪೂರ್ಣ ಲಾಕ್‍ಡೌನ್ ಘೋಷಿಸಿರುವ  ಶನಿವಾರ ಮತ್ತು ಭಾನುವಾರ ಅಗತ್ಯ ಸೇವೆಗಳನ್ನು ಹೊರತುಪಡಿಸಿ ಸಾಮಾನ್ಯ ವಾಹನ ಸಾರಿಗೆ ಇರುವುದಿಲ್ಲ. ದೂರದ ಪ್ರಯಾಣ ಭಾನುವಾರ ಮಧ್ಯಾಹ್ನ ಪುನರಾರಂಭಗೊಳ್ಳಲಿದೆ.

               50 ರಷ್ಟು ವೇಳಾಪಟ್ಟಿಯಲ್ಲಿ ರಾಜ್ಯ ಜಲ ಸಾರಿಗೆ ಇಲಾಖೆಯ ದೋಣಿಗಳು ಪ್ರತಿ ನಿಲ್ದಾಣದಲ್ಲಿ ಬೆಳಿಗ್ಗೆ 7 ರಿಂದ ಸಂಜೆ 7 ರವರೆಗೆ ಸೇವೆಯಲ್ಲಿರುತ್ತವೆ ಎಂದು ಸಚಿವರು ಹೇಳಿದರು.