ರಾಜ್ಯದಲ್ಲಿ ಕೊರೋನಾ ಮರಣವನ್ನು ವರದಿ ಮಾಡುವ ತಂತ್ರಾಂಶ: ಮುಖ್ಯಮಂತ್ರಿ

            ತಿರುವನಂತಪುರ: ಹೆಚ್ಚಿನ ಪರೀಕ್ಷಾ ಸಕಾರಾತ್ಮಕ ದರ ಹೊಂದಿರುವ ಪ್ರದೇಶಗಳಲ್ಲಿ ನಿಯಂತ್ರಣವನ್ನು ಬಿಗಿಗೊಳಿಸಲಾಗುವುದು ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ. ವಿವಾಹ ಸಮಾರಂಭಗಳಿಗೆ  ಹಾಜರಾಗುವ ಜನರ ಸಂಖ್ಯೆಯನ್ನು ಕಟ್ಟುನಿಟ್ಟಾಗಿ ನಿಯಂತ್ರಿಸಲಾಗುತ್ತದೆ. ವ್ಯಾಕ್ಸಿನೇಷನ್‍ನಲ್ಲಿ ಪ್ರಗತಿ ಸಾಧಿಸಲಾಗಿದೆ ಮತ್ತು ಅಗತ್ಯ ಪ್ರಮಾಣದ  ಲಸಿಕೆ ನೀಡುವಂತೆ ಆರೋಗ್ಯ ಇಲಾಖೆ ಖಚಿತಪಡಿಸಿಕೊಳ್ಳಬೇಕು ಎಂದು ಸಿಎಂ ಹೇಳಿರುವರು. ನಿನ್ನೆಯ ಕೊರೋನಾ ಪರಿಶೀಲನಾ ಸಭೆಯಲ್ಲಿ ಅವರು ಈ ಘೋಷಣೆ ಮಾಡಿದ್ದಾರೆ.

                  ತಂತ್ರಾಂಶ(ಸಾಫ್ಟ್ ವೇರ್) ಸಹಾಯದಿಂದ ಜೂನ್ 15 ರೊಳಗೆ ಕೊರೋನಾ ಸಾವುಗಳ ನಿಖರ ಅಂಕಿಅಂಶ ವರದಿಯಾಗಲಿದೆ. ಸಾವಿನ ಕಾರಣವನ್ನು ಗರಿಷ್ಠ ಮೂರು ದಿನಗಳಲ್ಲಿ ಖಚಿತಪಡಿಸಲಾಗುತ್ತದೆ ಮತ್ತು ಕುಟುಂಬಕ್ಕೆ ತಿಳಿಸಲಾಗುವುದು. ಪ್ರತ್ಯೇಕ ಸೌಲಭ್ಯವಿಲ್ಲದ ಮನೆಗಳಲ್ಲಿ ಕೊರೋನಾ ವರದಿಯಾದರೆ, ರೋಗಿಯನ್ನು ಕೊರೋನಾ ಚಿಕಿತ್ಸಾ ಕೇಂದ್ರಕ್ಕೆ ವರ್ಗಾಯಿಸಲಾಗುತ್ತದೆ ಎಂದು ಪಿಣರಾಯಿ ವಿಜಯನ್ ಸ್ಪಷ್ಟಪಡಿಸಿದರು.

                      ಕೆಲವು ಖಾಸಗಿ ಅನುದಾನರಹಿತ ಶಾಲೆಗಳು ಹೆಚ್ಚಿನ ಶುಲ್ಕ ವಿಧಿಸುತ್ತಿರುವ ಬಗ್ಗೆ ದೂರುಗಳು ಕೇಳಿಬಂದಿವೆ ಎಂದು ಮುಖ್ಯಮಂತ್ರಿ ಹೇಳಿದರು. ಶುಲ್ಕ ಪಾವತಿಸದ ವಿದ್ಯಾರ್ಥಿಗಳು ಆನ್‍ಲೈನ್ ತರಗತಿಗಳಿಗೆ ಹಾಜರಾಗುತ್ತಿಲ್ಲ ಎಂಬ ದೂರುಗಳು ಬಂದಿವೆ. ಮಕ್ಕಳ ಶಿಕ್ಷಣವನ್ನು ನಿರಾಕರಿಸುವ ರೀತಿಗಳನ್ನು ಅನುಮತಿಸಲಾಗುವುದಿಲ್ಲ. ಈ ಬಗ್ಗೆ ಪರಿಶೀಲನೆ ನಡೆಸಿ ಕಠಿಣ ಕ್ರಮ ಕೈಗೊಳ್ಳುವಂತೆ ಸಿಎಂ ನಿರ್ದೇಶನ ನೀಡಿದರು. ಶನಿವಾರ ಮತ್ತು ಭಾನುವಾರದಂದು ಹೋಟೆಲ್‍ಗಳಲ್ಲಿ ಟೇಕ್-ಅವೇ  ವ್ಯವಸ್ಥೆಯನ್ನು ಅನುಮತಿಸಲಾಗುವುದಿಲ್ಲ, ಮತ್ತು ಮನೆ ವಿತರಣೆಗೆ ಮಾತ್ರ ಮಾಡಲಾಗುವುದು ಎಂದು ಸಿಎಂ ಗಮನಸೆಳೆದರು.