ಶ್ಯಾವಿಗೆ, ತುಪ್ಪ ಮತ್ತು ಮಕ್ಕಳಿಗೆ ಕ್ರೀಂ ಬಿಸ್ಕೆಟ್ ಸೇರಿದಂತೆ 17 ಭಕ್ಷ್ಯಗಳು; ಆಗಸ್ಟ್ 1 ರಿಂದ ಓಣಂ ಕಿಟ್ ವಿತರಣೆ: ಸರ್ಕಾರದಿಂದ ಘೋಷಣೆ

                 ತಿರುವನಂತಪುರ: ರಾಜ್ಯದಲ್ಲಿ ಓಣಂ ಕಿಟ್‍ಗಳ ವಿತರಣೆ ಆಗಸ್ಟ್ 1 ರಿಂದ ಪ್ರಾರಂಭವಾಗಲಿದೆ ಎಂದು ಸರ್ಕಾರ ಪ್ರಕಟಿಸಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಮತ್ತು ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವ ಜಿ.ಆರ್ ಅನಿಲ್ ನಡುವಿನ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.ಓಣಂ ಕಿಟ್ ಸಪ್ಲೈಕೊ ಮೂಲಕ ಸಾರ್ವಜನಿಕರಿಗೆ ಲಭ್ಯವಾಗಲಿದೆ.

                    ಮಕ್ಕಳ ಕೋರಿಕೆಯನ್ನು ಪರಿಗಣಿಸಿ ಕಿಟ್‍ನಲ್ಲಿ ಕ್ರೀಮ್ ಬಿಸ್ಕಟ್‍ಗಳನ್ನು ಸೇರಿಸಲು ಆಹಾರ ಸಚಿವರು ಸೂಚಿಸಿದ್ದಾರೆ. ಕಿಟ್‍ನಲ್ಲಿ ಬೀಜಗಳು, ಏಲಕ್ಕಿ, ಶ್ಯಾವಿಗೆ,/ ಚೀಸ್ / ಒಣ ದ್ರಾಕ್ಷೆ, ಮತ್ತು ತುಪ್ಪ ಕೂಡ ಇದೆ. ವಿಶೇಷ ಕಿಟ್‍ನಲ್ಲಿ ಸಕ್ಕರೆ, ತೆಂಗಿನ ಎಣ್ಣೆ ಮತ್ತು ಬೀಜಗಳು ಸೇರಿದಂತೆ 17 ವಸ್ತುಗಳು ಸೇರಿವೆ.

                  ಆಗಸ್ಟ್ 18 ರೊಳಗೆ ರಾಜ್ಯದಲ್ಲಿ ಉಚಿತ ಕಿಟ್‍ಗಳ ವಿತರಣೆ ಪೂರ್ಣಗೊಳ್ಳಲಿದೆ. 86 ಲಕ್ಷ ಪಡಿತರ ಚೀಟಿ ಹೊಂದಿರುವವರಿಗೆ ಕಿಟ್ ಲಭ್ಯವಾಗಲಿದೆ. ಕಿಟ್‍ನ ನಿರೀಕ್ಷಿತ ವೆಚ್ಚ 469.70 ರೂ.ಆಗಿದ್ದು,  ಒಟ್ಟು ವೆಚ್ಚ 408 ಕೋಟಿ ರೂ.ಆಗಿದೆ.