ತಿರುವನಂತಪುರ: ರಾಜ್ಯದಲ್ಲಿ ಕೋವಿಡ್ ಎರಡನೇ ಅಲೆಯ ಹಿನ್ನೆಲೆಯಲ್ಲಿ ಲಾಕ್ ಡೌನ್ ಹೇರಿ ಇಂದಿಗೆ 72 ದಿನಗಳೇ ಕಳೆದು ಹೋಯಿತು. ಮುಂದುವರಿದಿರುವ ಲಾಕ್ಡೌನ್ ಬಳಿಕವೂ ಸಾಮಾನ್ಯ ಜನರ ಸಂಕಷ್ಟ ಅತೀವ ಸಂಕಷ್ಟದಲ್ಲಿ ಮುಂದುವರಿಯುವಂತಾಗಿ ಕಳವಳಕ್ಕೀಡುಮಾಡಿದೆ. ಕಳೆದ ಕೆಲವು ವಾರಗಳಿಂದ ಟಿಪಿಆರ್ (ಟೆಸ್ಟ್ ಪಾಸಿಟಿವಿಟಿ ರೇಟ್) 10 ಕ್ಕಿಂತ ಹೆಚ್ಚಿರುವುದರಿಂದ ಲಾಕ್ಡೌನ್ ಹಿಂತೆಗೆಯಲು ಸಾಧ್ಯವಿಲ್ಲ ಎಂದು ಸರ್ಕಾರ ಹೇಳುತ್ತಿದೆ. ಅದರ ಜೊತೆಗೆ ಇನ್ನೂ ಲಾಕ್ ಡೌನ್ ಅನಿರ್ಧಿಷ್ಟ ಅವಧಿಗೆ ಮುಂದುವರಿಸುವಂತೆಯೂ ಇಲ್ಲವೆಂದೂ ಹೇಳಲಾಗಿದೆ.
ಆದಾಗ್ಯೂ, ಕೋವಿಡ್ ಮೊದಲ ತರಂಗದ ವೇಳೆ ಟಿಪಿಆರ್ 10 ರೇಟ್ ಇದ್ದಾಗ ಇಷ್ಟೊಂದು ದೀರ್ಘ ಅವಧಿಯ ಲಾಕ್ ಡೌನ್ ಹೇರಿರಲಿಲ್ಲ ಆದರೆ ಇದೀಗ ಲಾಕ್ ಡೌನ್ ಮುಂದುವರಿಯುತ್ತಿರುವುದು ಹೇಗೆಂಬುದೂ ಪ್ರಶ್ನಾರ್ಹವಾಗಿದೆ.
ಪ್ರತಿ ವಾರ ಕೋವಿಡ್ ಪರಿಶೀಲನಾ ಸಭೆಯಲ್ಲಿ ಕೋವಿಡ್ ನಿಯಂತ್ರಣ ಹಿಂಪಡೆಯುವ ಬಗ್ಗೆ ಸರ್ಕಾರ ಯಾವ ಮಾತುಗಳನ್ನೂ ಆಡಯುತ್ತಿಲ್ಲ. ಬದಲು, ಎಲ್ಲೆಲ್ಲಿ, ಹೇಗೆ ನಿಯಂತ್ರಣ ಬಲಗೊಳಿಸಬಹುದೆಂಬುದನ್ನಷ್ಟೇ ಅವಲೋಕನ ನಡೆಸಲಾಗುತ್ತಿದೆ. ಅನ್ಲಾಕ್ ಪ್ರಕ್ರಿಯೆಯನ್ನು ಸ್ಥಳೀಯವಾಗಿ ನಿಗದಿಪಡಿಸಲಾಗಿದೆ. ಆದರೆ ಟಿಪಿಆರ್ ನ್ನು ಕಡಿಮೆ ಮಾಡುವ ಕ್ರಮಗಳು ಸಮರ್ಪಕವಾಗಿಲ್ಲ.
ಟಿಪಿಆರ್ ಕಡಿಮೆಯಾಗಿದ್ದರೆ ಮತ್ತು ತಡೆಗಟ್ಟುವ ಕ್ರಮಗಳನ್ನು ಮುಂದುವರಿಸಿದರೆ, ಕೋವಿಡ್ ಸಾವಿಗಿಂತಲೂ ಹೆಚ್ಚು ಆತ್ಮಹತ್ಯೆಗಳು ಸಂಭವಿಸಲಿದೆ ಎಂದು ತಜ್ಞರು ಹೇಳುತ್ತಾರೆ.
ಪ್ರಸ್ತುತ, ಎಲ್ಲಾ ವ್ಯವಹಾರಗಳನ್ನು ಪರ್ಯಾಯ ದಿನಗಳಲ್ಲಿ ತೆರೆಯಲು ಅನುಮತಿಸಲಾಗಿದೆ. ಈ ದಿನಗಳಲ್ಲಿ ಭಾರೀ ಜನದಟ್ಟಣೆಯ ವ್ಯಾಪಾರ ವ್ಯವಹಾರಗಳು ಕಂಡುಬಂದಿವೆ. ಜನರು ಅಂಗಡಿಗಳ ಮುಂದೆ ಗುಂಪುಸೇರುತ್ತಿರುವುದು ಸಾಮಾನ್ಯವಾಗಿದೆ. ಇದು ಸೋಂಕು ಹರಡುವಿಕೆಗೆ ಕಾರಣವಾಗುತ್ತದೆ ಎಂದು ಯಾವುದೇ ತಜ್ಞರು ನಿರ್ದಿಷ್ಟವಾಗಿ ಅರ್ಥೈಸಿದಂತಿಲ್ಲ!.
ವಾರದಲ್ಲಿ ಎರಡು ದಿನಗಳು (ಶನಿವಾರ ಮತ್ತು ಭಾನುವಾರ) ಸಂಪೂರ್ಣ ಲಾಕ್ಡೌನ್ ಜಾರಿಗೆ ಬಂದರೂ, ಮುಂದಿನ ಕೆಲವು ದಿನಗಳು ಈ ಎರಡು ದಿನಗಳಿಗಿಂತ ಹೆಚ್ಚು ವೇಗವಾಗಿ ಜನದಟ್ಟಣೆಗಳಿಂದ ಕಾರ್ಯನಿರತವಾಗಿವೆ. ಇದನ್ನು ಸೋಮವಾರ ಮತ್ತು ಶುಕ್ರವಾರದಂದು ಕಾಣಬಹುದಾಗಿದೆ. ಬ್ಯಾಂಕುಗಳು ಸೇರಿದಂತೆ ಹಣಕಾಸು ಸಂಸ್ಥೆಗಳ ಪರಿಸ್ಥಿತಿಯೂ ಭಿನ್ನವಾಗಿಲ್ಲ.
ಪ್ರಾರಂಭದ ದಿನಗಳಲ್ಲಿ ಬ್ಯಾಂಕುಗಳ ಒಳಗೆ ನಿಲ್ಲಲು ಸಾಧ್ಯವಾಗದ ಸ್ಥಿತಿ ಇದೆ. ಬದಲಾಗಿ, ಭಾನುವಾರ ಸೇರಿದಂತೆ ಎಲ್ಲಾ ದಿನಗಳಲ್ಲಿ ಎಲ್ಲಾ ಸಂಸ್ಥೆಗಳಿಗೆ ಗರಿಷ್ಠ ಸಮಯದವರೆಗೆ ತೆರೆದಿರಲು ಅವಕಾಶ ನೀಡಿದರೆ, ಈ ಸಂಸ್ಥೆಗಳಲ್ಲಿ ದಟ್ಟಣೆ ಕಡಿಮೆಯಾಗುತ್ತದೆ. ಆದರೆ ಅದು ಸಾಕಾರವಾಗುವುದೇ.
ಸಾಮಾಜಿಕ ಅಂತರ ಒಳಗೊಂಡಂತೆ ಕೋವಿಡ್ ಪೆÇ್ರೀಟೋಕಾಲ್ ಎಲ್ಲೆಲ್ಲಿ ಉಲ್ಲಂಘನೆಯಾದರೂ, ಮುಲಾಜಿಲ್ಲದೆ ಕ್ರಮ ತೆಗೆದುಕೊಳ್ಳಬೇಕು. ಬ್ಯಾಂಕುಗಳು ಸೇರಿದಂತೆ ಅಂಗಡಿಗಳು ಅಥವಾ ಕಚೇರಿಗಳಿಂದ ಒಂದು ಮೀಟರ್ ದೂರವನ್ನು ಕಾಯ್ದುಕೊಳ್ಳಲು ವಿಫಲವಾದರೆ, ಸಂಸ್ಥೆಯ ಮಾಲೀಕರು ಮತ್ತು ಉದ್ಯೋಗಿಗಳ ವಿರುದ್ಧ ತಕ್ಷಣದ ದಂಡ ವಿಧಿಸುವಂತಾಗಬೇಕು.
ಇದೇ ವೇಳೆ, ಭಾರೀ ಪ್ರಮಾಣದಲ್ಲಿದ್ದರೆ ಮಾತ್ರ ಕಾರ್ಯಗತಗೊಳಿಸಬೇಕಾದ ಲಾಕ್ಡೌನ್, ಅದರ ನಂತರವೂ ಮುಂದುವರಿಯುತ್ತಿದೆ. ಇದು ಸಾಮಾನ್ಯ ಜನರ ಜೀವನದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ. ಎಲ್ಲ ಕ್ಷೇತ್ರಗಳಲ್ಲೂ ಬಿಕ್ಕಟ್ಟು ತೀವ್ರಗೊಂಡಿದೆ. ಉದ್ಯೋಗ ಕಳೆದುಕೊಂಡ ಅನೇಕರು ಏನು ಮಾಡಬೇಕೆಂದು ತಿಳಿಯದೆ ದಿಕ್ಕೆಟ್ಟಿದ್ದಾರೆ.
ಸರ್ಕಾರವು ತಪಾಸಣೆಗಳನ್ನು ಹೆಚ್ಚಿಸಬೇಕು ಮತ್ತು ಟಿಪಿಆರ್ ನ್ನು ಕಡಿಮೆ ಮಾಡಬೇಕು. ವ್ಯಾಪಾರಿಗಳು ಮತ್ತು ಇತರರು ಅಂಗಡಿ ಮುಗಟ್ಟು ಗಳನ್ನು ತೆರೆಯಲು ಸಿದ್ಧರಾಗಿರಬೇಕು ಎಂದು ಹೇಳುತ್ತಾರೆ. ಆದರೆ..................ಸಂಗತಿಯೆಂದರೆ, ಸರ್ಕಾರಿ ಕಿಟ್ಗಳು ಮಾತ್ರ ಸಾಕಾಗುವುದಿಲ್ಲ ಎಂಬ ಅಂಶ ಅಧಿಕಾರಿಗಳಿಗೆ ಇನ್ನೂ ಅರ್ಥವಾಗುತ್ತಿಲ್ಲ.
DOCTYPE html>
.png)
