ಕೊಚ್ಚಿ: ಶಾಲೆಯಲ್ಲಿ ಓದುವಾಗ ಆಕಸ್ಮಿಕವಾಗಿ ನುಂಗಿದ ಪೆನ್ನಿನ ಭಾಗವನ್ನು 18 ವರ್ಷಗಳ ಬಳಿಕ ಹೊರತೆಗೆಯಲಾಯಿತು. ಪೆನ್ನಿನ ಭಾಗ ಯುವಕನ ಶ್ವಾಸಕೋಶದಲ್ಲಿ ಸಿಲುಕಿಕೊಂಡಿತ್ತು. ಪೆನ್ನಿನ ಭಾಗವು ಆಲುವಾ ಪೆÇೀಯ್ಕಟ್ಟುಶೇರಿ ಮೂಲದ ಸೂರಜ್ ನ ಶ್ವಾಸಕೋಶದಲ್ಲಿ ಈ ರೀತಿ ವಿಶೇಷವಾಗಿ ಪತ್ತೆಯಾಯಿತು. ಸೂರಜ್ ಒಂಬತ್ತನೇ ತರಗತಿಯಲ್ಲಿದ್ದಾಗ ಪೆನ್ನಿನ ನಿಬ್ಬನ್ನು ನುಂಗಿದ್ದ.
ಪೆನ್ನಿನಿಂದ ಶಿಳ್ಳೆ ಹೊಡೆಯಲು ಪ್ರಯತ್ನಿಸುತ್ತಿರುವಾಗ ಈ ಘಟನೆ ಸಂಭವಿಸಿದೆ. ಅದೇ ದಿನ ಅವರನ್ನು ಕೊಚ್ಚಿಯ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು ಮತ್ತು ಎಕ್ಸ್-ರೇ ಪರೀಕ್ಷೆಯಲ್ಲಿ ಆತನ ಶ್ವಾಸಕೋಶದಲ್ಲಿ ಏನನ್ನೂ ಗುರುತಿಸಲಾಗಲಿಲ್ಲ. ಆದರೆ ಸ್ವಲ್ಪ ಸಮಯದ ಬಳಿಕÀ, ಸೂರಜ್ ದೀರ್ಘಕಾಲದ ಕೆಮ್ಮು, ಉಸಿರಾಟದ ತೊಂದರೆ ಅನುಭವಿಸಲು ಪ್ರಾರಂಭಿಸಿದರು. ಅವರು ಇದನ್ನು ಅಸ್ತಮಾ ಎಂದು ಭಾವಿಸಿ ಹತ್ತಿರದ ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆದರು. ನಾನು ಕಳೆದ 18 ವರ್ಷಗಳಿಂದ ಆಸ್ತಮಾ ಔಷಧಿಗಳನ್ನು ತೆಗೆದುಕೊಳ್ಳುತ್ತಿದ್ದೇನೆ ಎಂದು ಮಾಹಿತಿ ನೀಡಿರುವರು.
ಕಳೆದ ವರ್ಷ ಡಿಸೆಂಬರ್ನಲ್ಲಿ ಅಪೊಲೊ ಆಸ್ಪತ್ರೆಯ ಶ್ವಾಸಕೋಶ ತಜ್ಞ ಡಾ.ಅಜೀಜ್ ಅವರ ನಿರ್ದೇಶನದಂತೆ ಸಿಟಿ ಸ್ಕ್ಯಾನ್ ನಡೆಸಲಾಯಿತು. ಸ್ಕ್ಯಾನ್ ಮಾಡಿದಾಗ ಶ್ವಾಸಕೋಶದಲ್ಲಿ ಏನೋ ಸಿಲುಕಿಕೊಂಡಿರುವುದು ತಿಳಿದುಬಂದಿದೆ. ನಂತರ ತಜ್ಞರ ಪರೀಕ್ಷೆಗಾಗಿ ಡಾ. ಅಜೀಜ್ ಸೂಚನೆ ಮೇರೆಗೆ ಸೂರಜ್ ನನ್ನು ಅಮೃತ ಆಸ್ಪತ್ರೆಗೆ ಕರೆದೊಯ್ಯಲಾಯಿತು.
ತುಲನಾತ್ಮಕವಾಗಿ ಸಂಕೀರ್ಣವಾದ ಕಠಿಣ ಬ್ರಾಂಕೋಸ್ಕೋಪಿಯಿಂದ ಪೆನ್ನಿನ ಭಾಗವನ್ನು ತೆಗೆಯಲಾಯಿತು. ಪೆನ್ ನ ಭಾಗವನ್ನು ಶಸ್ತ್ರಚಿಕಿತ್ಸೆ ಮಾಡದೆ ತೆಗೆಯಲಾಗಿದೆ. ಆಸ್ತಮಾದ ಲಕ್ಷಣಗಳಾದ ಉಸಿರಾಟದ ತೊಂದರೆ, ದೀರ್ಘಕಾಲದ ಕೆಮ್ಮು ಯಾವಾಗಲೂ ಆಸ್ತಮಾ ಆಗಿರುವುದಿಲ್ಲ ಎಂದು ವೈದ್ಯರು ತಿಳಿಸುತ್ತಾರೆ. ಸೂರಜ್ ಸದ್ಯ ಕಣ್ಗಾವಲಿನಲ್ಲಿದ್ದಾರೆ.
DOCTYPE html>
