ಮಕ್ಕಳಿಗೆ ಕಲಿಕಾ ಸಾಮಗ್ರಿಗಳನ್ನು ಖರೀದಿಸಲು ಶೈಕ್ಷಣಿಕ ಸಬಲೀಕರಣ ನಿಧಿಯನ್ನು ಸ್ಥಾಪಿಸಲಾಗುವುದು; ವಿದ್ಯಾಕಿರಣಂ ಯಶಸ್ವಿಗೊಳಿಸಲು ಸಹಕರಿಸಿ: ಮುಖ್ಯಮಂತ್ರಿ

               ತಿರುವನಂತಪುರ: ವಿದ್ಯಾರ್ಥಿಗಳಿಗೆ ಡಿಜಿಟಲ್ ಶಿಕ್ಷಣ ನೀಡಲು ಆರಂಭಿಸಿರುವ ವಿದ್ಯಾಕಿರಣಂ ಯೋಜನೆಯ ಭಾಗವಾಗಿ ಮುಖ್ಯಮಂತ್ರಿಗಳ ವಿಕೋಪ ಪರಿಹಾರ ನಿಧಿಯಂತೆಯೇ ಮುಖ್ಯಮಂತ್ರಿಗಳ ಶೈಕ್ಷಣಿಕ ಸಬಲೀಕರಣ ನಿಧಿಯನ್ನು ಸ್ಥಾಪಿಸಲಾಗುವುದು ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ. ಅವರು ವಿದ್ಯಾಕಿರಣಂ ಯೋಜನೆ ಮತ್ತು ಅದರ ಭಾಗವಾಗಿ ಸ್ಥಾಪಿಸಲಾದ ವೆಬ್‍ಸೈಟ್ ನ್ನು ಉದ್ಘಾಟಿಸಿದರು.

                ಹಣವನ್ನು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರ ಬಳಸಲಾಗುವುದು. ವಿದ್ಯಾಕಿರಣಂ ಯೋಜನೆಯ ಭಾಗವಾಗಿ ಆರಂಭಿಸಿರುವ ವೆಬ್ ಪೋರ್ಟಲ್ ಮೂಲಕ ಹಣ ವಿತರಿಸುವ ವ್ಯವಸ್ಥೆಯನ್ನು ಮಾಡಲಾಗಿದೆ ಎಂದು ಸಿಎಂ ಹೇಳಿದರು. ಸ್ಥಳೀಯ ಸಂಸ್ಥೆಗಳ ಮೂಲಕ ಪ್ರತಿ ಪ್ರದೇಶದಲ್ಲಿ ವಿದ್ಯಾಕಿರಣಂ ಯೋಜನೆಯನ್ನು ಅನುಷ್ಠಾನಗೊಳಿಸಲಾಗುತ್ತಿದೆ. ದೇಶ ಮತ್ತು ಅವರ ಮಕ್ಕಳ ಶಿಕ್ಷಣದ ಬಗ್ಗೆ ಆಸಕ್ತಿ ಹೊಂದಿರುವ ಎಲ್ಲರೂ ಅದಕ್ಕೆ ಸಹಕಾರ ನೀಡುತ್ತಾರೆ ಎಂಬ ವಿಶ್ವಾಸವನ್ನು ಸರ್ಕಾರ ಹೊಂದಿದೆ. ಪ್ರತಿಕ್ರಿಯೆ ಈಗಾಗಲೇ ಅತ್ಯುತ್ತಮವಾಗಿದೆ. ಶಿಕ್ಷಣವು ರಾಜ್ಯದ  ಭವಿಷ್ಯವನ್ನು ಸುಧಾರಿಸಲು ಸಹಾಯ ಮಾಡುವ ಒಂದು ಯೋಜನೆಯಾಗಿ ಪರಿಣಮಿಸುತ್ತದೆ, ವಿಶೇಷವಾಗಿ ಶಿಕ್ಷಣದ ಸಾಮಾನ್ಯ ಗುಣಮಟ್ಟ ಉನ್ನತಿಗೇರಿಸುವ ಉದ್ದೇಶ ಹೊಂದಿದೆ.

                  ಪುಸ್ತಕ, ಪೆನ್ಸಿಲ್ ಮತ್ತು ಪೆನ್ನುಗಳಂತಹ ಮಗುವಿನ ಶಿಕ್ಷಣಕ್ಕೆ ಬೇಕಾದ ಕಲಿಕಾ ಸಾಧನಗಳಷ್ಟೇ ಡಿಜಿಟಲ್ ಸಾಧನಗಳೂ ಮುಖ್ಯ ಎಂಬ ದೃಷ್ಟಿಕೋನದಿಂದ ಸರ್ಕಾರ ಮುಂದುವರಿಯುತ್ತಿದೆ. ಈ ವಿಷಯದಲ್ಲಿ ಸಹಾಯ ಮಾಡಲು ಅನೇಕ ಕ್ಷೇತ್ರಗಳಲ್ಲಿನ ರಕ್ಷಕ-ಶಿಕ್ಷಕ ಸಮಿತಿಗಳು ವಿವಿಧ ಕ್ಷೇತ್ರಗಳ ಜನರನ್ನು ಸಂಪರ್ಕಿಸಿವೆ. ಸಿ ಐ. ನನ್ನಂತಹ ಉದ್ಯಮ ಸಂಸ್ಥೆಗಳು ಸಹ ಸಹಾಯವನ್ನು ನೀಡಿವೆ. ನಮ್ಮ ಜೊತೆಯಲ್ಲಿರುವ ವಲಸಿಗ ಸಹೋದರರು ಕೇರಳದ ಎಲ್ಲಾ ಸಮಸ್ಯೆಗಳಲ್ಲಿ ನಮಗೆ ಸಹಾಯ ಮಾಡಲು ಮುಂದೆ ಬಂದಿದ್ದಾರೆ. ಪ್ರಸ್ತುತ ಸನ್ನಿವೇಶದಲ್ಲಿ, ಎಲ್ಲಾ ವಿದ್ಯಾರ್ಥಿಗಳು ಒಂದೇ ಕಲಿಕೆಯ ಅವಕಾಶವನ್ನು ಹೊಂದಬೇಕಾದರೆ ಡಿಜಿಟಲ್ ಪರಿಕರಗಳು ಅತ್ಯಗತ್ಯ. ವಿದ್ಯಾಕಿರಣಂ ಯೋಜನೆ ಇವುಗಳನ್ನು ಪಡೆಯಲು ಸಾಧ್ಯವಾಗದ ಮಕ್ಕಳಿಗೆ ಸಹಾಯ ಮಾಡುವ ಗುರಿಯನ್ನು ಹೊಂದಿದೆ.

                ಕೇರಳದ ಶಿಕ್ಷಣ ವ್ಯವಸ್ಥೆಯನ್ನು ವಿಶ್ವ ಮಟ್ಟಕ್ಕೆ ಏರಿಸುವ ಪ್ರಯತ್ನಗಳಿಗೆ ಕೊರೊನಾ ಸವಾಲು ಹಾಕಿದೆ. ಈ ಹಿನ್ನೆಲೆಯಲ್ಲಿ ಸರ್ಕಾರ ನೆರವಿಗೆ ಮುಂದಾಗಿದೆ. ಮನೆಯಿಂದ ಶಿಕ್ಷಣ ಪಡೆಯುವಾಗ ಸಂಪರ್ಕವೂ ಮುಖ್ಯ. ಸಂಪರ್ಕ ಸಮಸ್ಯೆಗಳನ್ನು ಪರಿಹರಿಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಲು ಸಂಪರ್ಕ ಪೂರೈಕೆದಾರರ ಪ್ರತಿನಿಧಿಗಳೊಂದಿಗೆ ಚರ್ಚೆಗಳನ್ನು ನಡೆಸಲಾಗಿದೆ. ತೊಂದರೆಗಳಿರುವ ಸ್ಥಳಗಳನ್ನು ಹೊರತುಪಡಿಸಿ ಎಲ್ಲೆಡೆ ಸಂಪರ್ಕವನ್ನು ಖಾತ್ರಿಪಡಿಸಬಹುದು ಎಂದು ಚರ್ಚೆಯ ಸಮಯದಲ್ಲಿ ಒಪ್ಪಿಕೊಳ್ಳಲಾಯಿತು. ಉಳಿದ ಪ್ರದೇಶಗಳಲ್ಲಿ ಪರಿಹಾರ ಕಂಡುಕೊಳ್ಳಲು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಸಿಎಂ ಹೇಳಿದರು.