ಮ್ಯೂಚ್ಯುವಲ್ ಫಂಡ್ ಹೂಡಿಕೆದಾರರಿಗೆ ಉತ್ತಮ ಸೇವಾ ಅನುಭವವನ್ನು ನೀಡಲು ಡಿಜಿಟಲ್ ವಿಧಾನ ಎಂ.ಎಫ್ ಸೆಂಟ್ರಲ್ ವ್ಯವಸ್ಥೆಗೆ ಚಾಲನೆ

                                                             

                  ಕೊಚ್ಚಿ: ಮ್ಯೂಚುವಲ್ ಫಂಡ್ ಹೂಡಿಕೆದಾರರಿಗೆ ಉತ್ತಮ ಸೇವಾ ಅನುಭವವನ್ನು ಒದಗಿಸುವ ಡಿಜಿಟಲ್ ಸಿಸ್ಟಮ್ ಎಂ.ಎಫ್ ಸೆಂಟ್ರಲ್ ನ್ನು ಕೆಫೀನ್ ಟೆಕ್ನಾಲಜೀಸ್ ಮತ್ತು ಕ್ಯಾಮ್ಸ್ ಆರಂಭಿಸಿದೆ. ಇದನ್ನು ಕೆಫಿಂಟೆಕ್, ಕಾಮ್ಸ್ ಮತ್ತು ಮ್ಯೂಚುಯಲ್ ಫಂಡ್ ರಿಜಿಸ್ಟರ್ ಹಾಗೂ ಟ್ರಾನ್ಸ್‍ಫರ್ ಏಜೆಂಟ್‍ಗಳು ಆಂಫಿ ಸಹಯೋಗದೊಂದಿಗೆ ಅನುಷ್ಠಾನಗೊಳಿಸುತ್ತಿದ್ದಾರೆ.

                   ಈ ವ್ಯವಸ್ಥೆಯು ಮ್ಯೂಚುವಲ್ ಫಂಡ್ ಸೇವೆಗಳನ್ನು ಸರಳಗೊಳಿಸುತ್ತದೆ ಮತ್ತು ಅವುಗಳಿಗೆ ಬೇಕಾದ ಸಮಯವನ್ನು ಕಡಿಮೆ ಮಾಡುತ್ತದೆ ಎಂದು ಕಾಮ್ಸ್ ನ ವ್ಯವಸ್ಥಾಪಕ ನಿರ್ದೇಶಕ ಅನುಜ್ ಕುಮಾರ್ ಹೇಳಿದ್ದಾರೆ. ಎಲ್ಲಾ ಮ್ಯೂಚುವಲ್ ಫಂಡ್‍ಗಳಿಗೆ ತಡೆರಹಿತ ಸೇವೆಗಳನ್ನು ಒದಗಿಸಲು ಡಿಜಿಟಲ್ ಸೌಲಭ್ಯಗಳನ್ನು ಬಳಸಲಾಗುವುದು ಎಂದು ಅವರು ಹೇಳಿದರು.

                    ಭಾರತೀಯ ಮ್ಯೂಚುವಲ್ ಫಂಡ್ ಉದ್ಯಮದಲ್ಲಿ ಎಂಎಫ್ ಸೆಂಟ್ರಲ್ ಆರಂಭವು ಒಂದು ಮೈಲಿಗಲ್ಲು. ಇದು ಹೂಡಿಕೆದಾರರು, ಮಧ್ಯವರ್ತಿಗಳು ಮತ್ತು ಸ್ವತ್ತು ನಿರ್ವಹಣಾ ಕಂಪನಿಗಳಿಗೆ ಸುಲಭವಾಗಿ ಮುನ್ನಡೆಯಲು ಸಹಾಯ ಮಾಡುತ್ತದೆ ಎಂದು ಕೆಫಿಂಟೆಕ್ ಸಿಇಒ ಶ್ರೀಕಾಂತ್ ನಾಡೆಲ್ಲಾ ಹೇಳಿರುವರು.

                       ಮೂರು ಹಂತಗಳಲ್ಲಿ ಸಂಪೂರ್ಣ ಕಾರ್ಯ ನಿರ್ವಹಿಸಲಿರುವ ಈ ವ್ಯವಸ್ಥೆಯ ಮೊದಲ ಹಂತವು ಹಣಕಾಸೇತರ ವಹಿವಾಟು, ಠೇವಣಿ ಪರಿಶೀಲನೆ ಮತ್ತು ಸಮಗ್ರ ಖಾತೆ ಹೇಳಿಕೆಯಂತಹ ಸೇವೆಗಳನ್ನು ಒದಗಿಸುತ್ತದೆ. ಮುಂದಿನ ಎರಡು ಹಂತಗಳು ಚಲನಶೀಲತೆ ವೇದಿಕೆ, ಆರ್ಥಿಕ ವಹಿವಾಟುಗಳು ಮತ್ತು ಹಲವಾರು ಮೌಲ್ಯವರ್ಧಿತ ಸೇವೆಗಳಿಗಾಗಿ ಪರಿಸರ ವ್ಯವಸ್ಥೆಯ ಪಾಲುದಾರರೊಂದಿಗೆ ಏಕೀಕರಣವನ್ನು ಆರಂಭಿಸುತ್ತದೆ.