'ನಾರ್ಕೋಟಿಕ್ ಜಿಹಾದ್' ಶಬ್ದ ಕೇಳುತ್ತಿರುವುದು ಇದೇ ಮೊದಲು: ಬಿಷಪ್ ಹೇಳಿಕೆಯನ್ನು ತಿರಸ್ಕರಿಸಿದ ಮುಖ್ಯಮಂತ್ರಿ

                      ತಿರುವನಂತಪುರಂ: ಕೇರಳದಲ್ಲಿ ಲವ್ ಜಿಹಾದ್ ಜೊತೆಗೆ ಮಾದಕವಸ್ತು ಜಿಹಾದ್ ನಡೆಯುತ್ತಿದೆ ಎಂದು ಪಾಲ ಬಿಷಪ್ ಮಾರ್ ಜೋಸೆಫ್ ಕಲ್ಲರಂಗದ್ ಹೇಳಿಕೆಯನ್ನು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ತಿರಸ್ಕರಿಸಿದ್ದಾರೆ. ಜವಾಬ್ದಾರಿಯುತ ಸ್ಥಾನದಲ್ಲಿರುವವರು ಇಂತಹ ಸಮಸ್ಯೆಯ ಬಗ್ಗೆ ಹೇಳಿಕೆ ನೀಡುವಾಗ ಜಾಗರೂಕರಾಗಿರಬೇಕು. ಯಾವುದೇ ರೀತಿಯ ಧಾರ್ಮಿಕ ತಾರತಮ್ಯ ಸೃಷ್ಟಿಸದಂತೆ ಮತ್ತು ಅನಗತ್ಯ ಕೊಳಕು ಗೊಂದಲÀಗಳನ್ನು ಸೃಷ್ಟಿಸದಂತೆ ಎಚ್ಚರಿಕೆ ವಹಿಸಬೇಕು ಎಂದು ಸಿಎಂ ಹೇಳಿದರು.

                    ಮಾದಕದ್ರವ್ಯ ಜಿಹಾದ್ ಎಂಬ ಪದವನ್ನು ಕೇಳಿದ್ದು ಇದೇ ಮೊದಲು. ಗೌರವಾನ್ವಿತ ವಿದ್ವಾಂಸ ಮತ್ತು ಸಮಾಜದಲ್ಲಿ ಪ್ರಭಾವಿ ವ್ಯಕ್ತಿಯಾಗಿ ಇಂತಹ ಹೇಳಿಕೆಗಳನ್ನು ನೀಡುವಾಗ ಜಾಗರೂಕರಾಗಿರಬೇಕು. ಅವರು ನೀಡಿರುವ ಹೇಳಿಕೆಯ ಉದ್ದೇಶವೇನೆಂದು ತಿಳಿದಿಲ್ಲ. ಮಾದಕದ್ರವ್ಯ ಎಂಬ ಪದಕ್ಕೆ ಯಾವುದೇ ಧರ್ಮವಾಗಲಿ,  ಬಣ್ಣಕ್ಕಾಗಲಿ ಯಾವುದೇ ಸಂಬಂಧವಿಲ್ಲ. ಇದರ ಬಣ್ಣ ಸಮಾಜ ವಿರೋಧಿ. ಮಾದಕದ್ರವ್ಯಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಕೇವಲ ಒಂದು ನಿರ್ದಿಷ್ಟ ಸಮುದಾಯದ ಮೇಲೆ ಮಾತ್ರ ಪರಿಣಾಮ ಬೀರುವುದಿಲ್ಲ ಎಂದು ಸಿಎಂ ಹೇಳಿದರು.

                    ಯಾವುದೇ ಧರ್ಮವು ಮಾದಕ ಪದಾರ್ಥಗಳನ್ನು ಉತ್ತೇಜಿಸುವುದಿಲ್ಲ. ಸಾಮಾನ್ಯವಾಗಿ ನಾವು ಆ ಬಗ್ಗೆ ದೃಢತೆ ತೆಗೆದುಕೊಳ್ಳಬೇಕು. ಇಡೀ ಸಮಾಜದ ಮೇಲೆ ಮಾದಕದ್ರವ್ಯ ಪರಿಣಾಮ ಬೀರುವ ಸಮಸ್ಯೆಯಾಗಿ ನಾವೆಲ್ಲರೂ ಅದರ ಬಗ್ಗೆ ಕಾಳಜಿ ವಹಿಸುತ್ತೇವೆ. ಸಾಧ್ಯವಾದಷ್ಟು ತಡೆಯಲು ಕೈಗೊಳ್ಳಲಾಗುವುದು ಎಂದು ಮುಖ್ಯಮಂತ್ರಿ ನಿನ್ನೆಯ ಕೋವಿಡ್ ಪರಿಶೀಲನಾ ಸಭೆಯ ನಂತರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು. 

                     ಕೇರಳದ ಕ್ಯಾಥೊಲಿಕ್ ಯುವತಿಯರು ಮತ್ತು ಯುವಕರನ್ನು ಗುರಿಯಾಗಿಸಿಕೊಂಡು ಲವ್ ಜಿಹಾದ್ ಜೊತೆಗೆ ಮಾದಕವಸ್ತು ಜಿಹಾದ್ ನಡೆಸಲಾಗುತ್ತಿದೆ ಎಂದು ಪಾಲ ಬಿಷಪ್ ಜೋಸೆಫದ  ು ಹೇಳಿಕೆ ನೀಡಿದ್ದರು. ಅವರ ಹೇಳಿಕೆಯ ವಿರುದ್ಧ ಮುಸ್ಲಿಂ ಸಮನ್ವಯ ಸಮಿತಿಯು ಪ್ರತಿಭಟನೆ ವ್ಯಕ್ತಪಡಿಸಿ ಪಾಲಾ ಬಿಷಪ್ ಹೌಸ್‍ಗೆ ತೆರಳಲು ಯತ್ನಿಸಿದ್ದು,  ಅವರನ್ನು ಪೋಲೀಸರು ತಡೆದರು. ಬಿಷಪ್ ಹೇಳಿಕೆಯು ಕೋಮು ಏಕತೆಯನ್ನು ನಾಶ ಮಾಡುತ್ತದೆ ಮತ್ತು ಜಾತ್ಯತೀತ ಸಮುದಾಯವನ್ನು ವಿಭಜಿಸುತ್ತದೆ ಎಂದು ಆರೋಪಿಸಿ ಮುಸ್ಲಿಂ ಐಕ್ಯ ಚಳುವಳಿ ಕೊಟ್ಟಾಯಂ ಜಿಲ್ಲಾ ಪೋಲೀಸ್ ಮುಖ್ಯಸ್ಥರಿಗೆ ದೂರು ನೀಡಿದೆ. ಇತರ ಜಿಲ್ಲೆಗಳಲ್ಲಿ, ಮುಸ್ಲಿಂ ಸಂಘಟನೆಗಳು ಪೋಲೀಸರಿಗೆ ದೂರು ನೀಡುವುದು ಸೇರಿದಂತೆ ಕಾನೂನು ಕ್ರಮ ಕೈಗೊಳ್ಳುತ್ತಿವೆ.

                          ಪಾಲಾ ಬಿಷಪ್ ವಿರುದ್ಧ ಪ್ರಬಲ ಭಾವನೆಯೊಂದಿಗೆ ವಿವಾದಾತ್ಮಕ ಹೇಳಿಕೆಗೆ ಬಿಜೆಪಿ ಬೆಂಬಲ ನೀಡಿದೆ. ಬಿಜೆಪಿ ರಾಷ್ಟ್ರೀಯ ಕಾರ್ಯಕಾರಿ ಸಮಿತಿ ಸದಸ್ಯ ಪಿ.ಕೆ.ಕೃಷ್ಣದಾಸ್ ಮಾತನಾಡಿ, ಸತ್ಯ ಮಾತನಾಡುವ ಬಿಷಪ್ ಮೇಲೆ ಹಲ್ಲೆಗೆ ಅವಕಾಶ ನೀಡುವುದಿಲ್ಲ. ಏತನ್ಮಧ್ಯೆ, ಇರಿಂಞಲಕುಡ ಬಿಷಪ್ ಪೌಲಿ ಕಣ್ಣುಕ್ಕದನ್ ಕಲ್ಲರಂಗದ ಹೇಳಿಕೆಯನ್ನು ಬೆಂಬಲಿಸಿದರು. ಲವ್ ಜಿಹಾದ್ ಮತ್ತು ಮಾದಕ ವಸ್ತುಗಳ ಜಿಹಾದ್ ವಿರುದ್ಧ ಎಚ್ಚರಿಕೆ ವಹಿಸಬೇಕು. ಈ ನಿಟ್ಟಿನಲ್ಲಿ ಪೋಷಕರು ಹೆಚ್ಚು ಜಾಗರೂಕರಾಗಿರಬೇಕು ಎಂದು ಅವರು ಹೇಳಿದರು.

                  ಪಾಲಾದ ಬಿಷಪ್ ಲವ್ ಜಿಹಾದ್ ಮತ್ತು ಮಾದಕದ್ರವ್ಯ ಜಿಹಾದ್ ನ್ನು ಶಸ್ತ್ರಾಸ್ತ್ರಗಳನ್ನು ಬಳಸಲಾಗದ ಸ್ಥಳಗಳಲ್ಲಿ ಬಳಸುತ್ತಿರುವ ಪರಿಸ್ಥಿತಿ ಇದೆ ಎಂದು ಹೇಳಿದರು. "ಕ್ಯಾಥೊಲಿಕ್ ಯುವಕರಲ್ಲಿ ಮಾದಕವಸ್ತು ಬಳಕೆಯನ್ನು ಹರಡಲು ಸಂಚು ನಡೆಯುತ್ತಿದೆ, ಮತ್ತು ಕ್ಯಾಥೊಲಿಕ್ ಕುಟುಂಬಗಳು ಇದರ ಬಗ್ಗೆ ಜಾಗರೂಕರಾಗಿರಬೇಕು. ಧಾರ್ಮಿಕೇತರ ಯುವತಿಯರು ಇಸ್ಲಾಮಿಕ್ ಸ್ಟೇಟ್ (ಐಎಸ್) ಶಿಬಿರಕ್ಕೆ ಹೇಗೆ ಬಂದರು ಎಂದು ನೀವು ನೋಡಿದರೆ, ವಿಶೇಷವಿದೆ.  ಕ್ಯಾಥೊಲಿಕ್ ಯುವಜನರನ್ನು ಮಾದಕ ವ್ಯಸನಕ್ಕೆ ಗುಲಾಮರನ್ನಾಗಿಸುವ ಮೂಲಕ ಅವರ ಮಾದಕದ್ರವ್ಯದ ಬಳಕೆಯನ್ನು ಹೆಚ್ಚಿಸುವ ಪ್ರಯತ್ನ ನಡೆಯುತ್ತಿದೆ. ಬೆಳೆಯುತ್ತಿರುವ ಗಾಂಜಾ ಮತ್ತು ಮಾದಕವಸ್ತು ವ್ಯಾಪಾರದಿಂದ ಡ್ರಗ್ ಜಿಹಾದ್ ಎಂದು ಕರೆಯಲ್ಪಡುತ್ತಿದೆ ಎಂದಿದ್ದರು.