ನಿಫಾ ವೈರಸ್ ಸೋಂಕು; ರಕ್ಷಣಾ ಚಟುವಟಿಕೆಗಳನ್ನು ಬಲಪಡಿಸಲಾಗಿದೆ: ಮುಖ್ಯಮಂತ್ರಿ

                                                  

                    ತಿರುವನಂತಪುರಂ: ರಾಜ್ಯದಲ್ಲಿ ಮತ್ತೆ ನಿಫಾ ವೈರಸ್ ವರದಿಯಾಗುವುದರೊಂದಿಗೆ ತಡೆಗಟ್ಟುವ ಕ್ರಮಗಳನ್ನು ಬಲಪಡಿಸಲಾಗಿದೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿರುವರು. ಆರೋಗ್ಯ ಸಚಿವೆ ವೀಣಾ ಜಾರ್ಜ್ ನೇತೃತ್ವದಲ್ಲಿ, ಸಚಿವರಾದ ಎ.ಕೆ. ಶಶೀಂದ್ರನ್, ಪಿ.ಎ. ಮೊಹಮ್ಮದ್ ರಿಯಾಜ್ ಮತ್ತು ಅಹ್ಮದ್ ದೇವರಕೋವಿಲ್ ಅವರು ಚಟುವಟಿಕೆಗಳನ್ನು ಸಂಘಟಿಸಲು ಕೋಝಿಕೋಡ್‍ನಲ್ಲಿದ್ದಾರೆ. ಕೋಯಿಕ್ಕೋಡ್ ಆರೋಗ್ಯ ಇಲಾಖೆಯ ನೇತೃತ್ವದಲ್ಲಿ ಸಂಘಟಿತ ಚಟುವಟಿಕೆಗಳನ್ನು ನಡೆಸುತ್ತಿದೆ ಎಂದು ಪಿಣರಾಯಿ ವಿಜಯನ್ ಹೇಳಿದ್ದಾರೆ.

                       ವೈರಸ್ ತೀವ್ರತೆಯ ಕುರಿತು ಚರ್ಚಿಸಲು ಮತ್ತು ಕ್ರಿಯಾ ಯೋಜನೆಯನ್ನು ರೂಪಿಸಲು ಶನಿವಾರ ರಾತ್ರಿ ತುರ್ತು ಸಭೆ ನಡೆದಿತ್ತು. ಇದರ ಆಧಾರದ ಮೇಲೆ 16 ಸಮಿತಿಗಳನ್ನು ರಚಿಸಲಾಯಿತು. ಸಂಪರ್ಕ ಪತ್ತೆಹಚ್ಚುವಿಕೆ, ಸಮುದಾಯ ಕಣ್ಗಾವಲು ಮತ್ತು ಡೇಟಾ ವಿಶ್ಲೇಷಣೆಯೊಂದಿಗೆ ಸಮಿತಿಗಳನ್ನು ನೇಮಿಸಲಾಗಿದೆ.

                        ವೈದ್ಯಕೀಯ ಕಾಲೇಜಿನ ಪೇ ವಾರ್ಡ್ ಬ್ಲಾಕ್ ನ್ನು ನಿಪ್ಪಾ ಚಿಕಿತ್ಸೆ ಮತ್ತು ನಿರ್ವಹಣೆಗೆ ವ್ಯವಸ್ಥೆಗೊಳಿಸಲಾಗಿದೆ. ನಿಫಾ ಬಾಧಿತರಿಗೆ ಮಾತ್ರ ಐಸೋಲೇಶನ್ ಘಟಕ ಸ್ಥಾಪಿಸಲಾಗಿದೆ. 188 ಜನರ ಸಂಪರ್ಕ ಪಟ್ಟಿಯನ್ನು ತಯಾರಿಸಲಾಗಿದೆ. ಅವುಗಳಲ್ಲಿ 20 ಹೆಚ್ಚಿನ ಅಪಾಯವನ್ನು ಹೊಂದಿವೆ. ಇದರೊಂದಿಗೆ ಮಾರ್ಗ ನಕ್ಷೆಯನ್ನು ತಯಾರಿಸಲಾಗಿದೆ. ಹೆಚ್ಚಿನ ಅಪಾಯದಲ್ಲಿರುವವರನ್ನು ವೈದ್ಯಕೀಯ ಕಾಲೇಜು ಪ್ರತ್ಯೇಕ ವಾರ್ಡ್‍ಗೆ ಸ್ಥಳಾಂತರಿಸಲಾಗಿದೆ ಎಂದು ಸಿಎಂ ಹೇಳಿದರು.

                ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿನಲ್ಲಿಯೇ ನಿಪ್ಪಾ ಪರೀಕ್ಷೆಗೆ ಅನುಕೂಲವಾಗುವಂತೆ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ. ಎನ್‍ಐವಿ ಪುಣೆಯ ಸಹಯೋಗದೊಂದಿಗೆ ಪಾಯಿಂಟ್ ಆಫ್ ಕೇರ್ ಪರೀಕ್ಷೆಯನ್ನು ಅಲ್ಲಿ ನಡೆಸಲಾಗುತ್ತದೆ. ಮತ್ತೊಮ್ಮೆ ದೃಢೀಕರಿಸಲು ಮಾದರಿಗಳನ್ನು ಪುಣೆಗೆ ಕಳುಹಿಸಲಾಗುವುದು. ಪರೀಕ್ಷಾ ಫಲಿತಾಂಶಗಳನ್ನು 12 ಗಂಟೆಗಳಲ್ಲಿ ತಿಳಿಸಲಾಗುವುದು.

                     ಔಷಧ ಲಭ್ಯತೆ ಮತ್ತು ಸುರಕ್ಷತಾ ಸಾಧನಗಳನ್ನು ಖಾತ್ರಿಪಡಿಸಲಾಗಿದೆ. ಮೊನೊಕ್ಲೋನಲ್ ಆಂಟಿಬಾಡಿ ಆಸ್ಟ್ರೇಲಿಯಾದಿಂದ ಐಸಿಎಂಆರ್‍ಗೆ ಏಳು ದಿನಗಳಲ್ಲಿ ತಲಪುವ ನಿರೀಕ್ಷೆ  ಇದೆ.

               ವೈರಸ್‍ನ ಮೂಲವನ್ನು ಪತ್ತೆಹಚ್ಚಲು ಪ್ರಯತ್ನಿಸಲಾಗುತ್ತಿದೆ. ಖಾಸಗಿ ಆಸ್ಪತ್ರೆಗಳೊಂದಿಗೂ ಚರ್ಚೆ ನಡೆಸಲಾಗಿದೆ. ಯಾವುದೇ ಅಸಾಮಾನ್ಯ ಜ್ವರ ಮತ್ತು ಸಾವುಗಳನ್ನು ತಕ್ಷಣವೇ ವರದಿ ಮಾಡುವಂತೆ ಎಲ್ಲ ಆಸ್ಪತ್ರೆಗಳಿಗೆ ಸೂಚಿಸಲಾಗಿದೆ. ಡೇಟಾವನ್ನು ತ್ವರಿತವಾಗಿ ವರ್ಗಾಯಿಸಲು ವಿಶೇಷ ವ್ಯವಸ್ಥೆಯನ್ನು ಸ್ಥಾಪಿಸಲಾಗಿದೆ ಎಂದು ಪಿಣರಾಯಿ ವಿಜಯನ್ ಹೇಳಿದರು.