ಕೋಯಿಕ್ಕೋಡ್: ಚಾತ್ತಮಂಗಲಂ ಪ್ರದೇಶದಲ್ಲಿ ನಿಪ್ಪಾ ವೈರಸ್ ಮೂಲವನ್ನು ಪರೀಕ್ಷಿಸಿದ ಹಣ್ಣುಗಳಲ್ಲಿ ವೈರಸ್ ಇರುವಿಕೆಯನ್ನು ಪತ್ತೆ ಮಾಡಲಾಗಲಿಲ್ಲ. ರಾಂಬುಟಾನ್ ನಿಂದ ವೈರಸ್ ಹಬ್ಬಿರಬಹುದೇ ಎಂಬ ಸಂಶಯದಿಂದ ತಜ್ಞರ ತಪಾಸಣೆ ನಡೆಸಲಾಯಿತು. ನಿಪ್ಪಾದಿಂದ ಮೃತಪಟ್ಟ 12 ವರ್ಷದ ಬಾಲಕನ ಹಿತ್ತಲಿನಿಂದ ಹಣ್ಣುಗಳನ್ನು ಸಂಗ್ರಹಿಸಲಾಗಿತ್ತು. ಪರೀಕ್ಷೆಯನ್ನು ಪುಣೆಯ ವೈರಾಲಜಿ ಸಂಸ್ಥೆಯಲ್ಲಿ ನಡೆಸಲಾಗಿತ್ತು.
ಪಶು ಸಂಗೋಪನಾ ಇಲಾಖೆಯ ನೇತೃತ್ವದಲ್ಲಿ ಭೋಪಾಲ್‍ನಲ್ಲಿನ ಪ್ರಯೋಗಾಲಯಕ್ಕೆ ಕಳುಹಿಸಲಾದ ಹಂದಿಗಳು ಮತ್ತು ಬಾವಲಿಗಳ ಪರೀಕ್ಷಾ ಫಲಿತಾಂಶಗಳು ಸಹ ನಕಾರಾತ್ಮಕವಾಗಿವೆ. ಪಶು ಸಂಗೋಪನಾ ಇಲಾಖೆ, ಅರಣ್ಯ ಇಲಾಖೆಯ ನೆರವಿನಿಂದ ನಿಪ್ಪಾದಿಂದ ಮೃತಪಟ್ಟ ಮಗುವಿನ ಮನೆಯ ಬಳಿ ಹಂದಿ ಮತ್ತು ಬಾವಲಿಯನ್ನು ಹಿಡಿಯಲಾಗಿತ್ತು.
ಈ ಹಿಂದೆ, ಚಾತ್ತಮಂಗಲದಲ್ಲಿ ಬಾವಲಿಗಳ ಸಾವುಗಳು ಮತ್ತು ಮೃತ ಮಗುವಿನ ಮನೆಯಲ್ಲಿ ಒಂದು ಮೇಕೆಯನ್ನು ಪರೀಕ್ಷಿಸಲಾಯಿತು. ಆದರೆ, ಇವುಗಳಲ್ಲಿ ವೈರಸ್ ಪತ್ತೆಯಾಗಲಿಲ್ಲ.
DOCTYPE html>
