ಮುಖ್ಯಮಂತ್ರಿಗೆ ಕೆಲಸದ ಒತ್ತಡ:ಇಂದು ನಿಗದಿಯಾಗಿದ್ದ ಕೊರೋನಾ ಪರಿಶೀಲನಾ ಸಭೆ ನಾಳೆಗೆ ಮುಂದೂಡಿಕೆ

           ತಿರುವನಂತಪುರಂ: ಇಂದು ನಡೆಯಬೇಕಿದ್ದ ಕೊರೊನಾ ಪರಿಶೀಲನಾ ಸಭೆಯನ್ನು ನಾಳೆಗೆ ಮುಂದೂಡಲಾಗಿದೆ. ಮುಖ್ಯಮಂತ್ರಿ ಮತ್ತು ಇತರರ ಬಿಡುವಿಲ್ಲದ ವೇಳಾಪಟ್ಟಿಯಿಂದಾಗಿ ಪರಿಶೀಲನಾ ಸಭೆಯನ್ನು ಬುಧವಾರಕ್ಕೆ ಮುಂದೂಡಲಾಯಿತು.

          ಪರಿಶೀಲನಾ ಸಭೆಯನ್ನು ಮುಂದೂಡುವುದು ಇದೇ ಮೊದಲು.  ಸಾಪ್ತಾಹಿಕ ಪರಿಶೀಲನಾ ಸಭೆ ಸಾಮಾನ್ಯವಾಗಿ ಪ್ರತಿ ಮಂಗಳವಾರ ನಡೆಯುತ್ತದೆ.  ಬುಧವಾರದ ಸಭೆಯಲ್ಲಿ ಕೋವಿಡ್ ಸ್ಥಿತಿಗತಿಗಳ ಅವಲೋಕನ ನಡೆಸಿ, ನಿಯಂತ್ರಣಗಳ ಕುರಿತು ಅಂತಿಮ ನಿರ್ಧಾರ ತೆಗೆದುಕೊಳ್ಳುವುದು ವಾಡಿಕೆ.

       ಏತನ್ಮಧ್ಯೆ, ರಾಜ್ಯದ ವಸ್ತುಸಂಗ್ರಹಾಲಯಗಳು ಮತ್ತು ಮೃಗಾಲಯಗಳು ಇಂದಿನಿಂದ ಸಂದರ್ಶಕರಿಗೆ ತೆರೆದಿರುತ್ತವೆ.  ತಿರುವನಂತಪುರ ಮ್ಯೂಸಿಯಂ ನ್ನು ಬೆಳಗ್ಗೆ  ತೆರೆಯಲಾಗಿದೆ.  ಬೆಳಿಗ್ಗೆ ಮತ್ತು ಸಂಜೆಯ ವಾಕಿಂಗ್‌ಗಾಗಿ ಬಂದವರಿಗಾಗಿ ಮ್ಯೂಸಿಯಂ ತೆರೆಯಲು ಸರ್ಕಾರ ನಿನ್ನೆ ಸೂಚಿಸಿತ್ತು.