'ಇ-ಸೇವೆ' ಸಮಗ್ರ ಪೋರ್ಟಲ್ ಪ್ರಾರಂಭ: ಮೊದಲ ಹಂತದಲ್ಲಿ, ವಿವಿಧ ಇಲಾಖೆಗಳ 500 ಕ್ಕೂ ಹೆಚ್ಚು ಸೇವೆಗಳು ಲಭ್ಯ

                                                                                  ತಿರುವನಂತಪುರಂ: ಏಕೀಕೃತ ಪೋರ್ಟಲ್ 'ಇ-ಸೇವೆ' (https://www.services.kerala.gov.in/) ನಿನ್ನೆಯಿಂದ ಪ್ರಾರಂಭವಾಗಿದ್ದು, ಎಲ್ಲಾ ಇಲಾಖೆಗಳ ಆನ್‍ಲೈನ್ ಸೇವೆಗಳನ್ನು ಒಳಗೊಂಡಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ನಿನ್ನೆ ಉದ್ಘಾಟಿಸಿದರು.

                 ಮೊದಲ ಹಂತದಲ್ಲಿ, ವಿವಿಧ ಇಲಾಖೆಗಳ 500 ಕ್ಕೂ ಹೆಚ್ಚು ಸೇವೆಗಳು ಇ-ಸೇವೆಯ ಮೂಲಕ ಲಭ್ಯವಿರುತ್ತವೆ. ಪೋರ್ಟಲ್ ಸೇವೆಗಳನ್ನು ವಿಭಾಗ ಮತ್ತು ಗ್ರಾಹಕ ವಿಭಾಗದ ಆಧಾರದ ಮೇಲೆ ಎರಡು ವರ್ಗಗಳಾಗಿ ವಿಂಗಡಿಸುತ್ತದೆ.

               ಗ್ರಾಹಕರು, ವಿದ್ಯಾರ್ಥಿಗಳು, ಮಹಿಳೆಯರು, ಮಕ್ಕಳು, ಯುವಕರು, ಕೌಶಲ್ಯ ಅಭಿವೃದ್ಧಿ, ಸಾಮಾಜಿಕ ಭದ್ರತಾ ಪಿಂಚಣಿ, ಸಾರ್ವಜನಿಕ ಉಪಯುಕ್ತತೆ ಸೇವೆಗಳು ಮತ್ತು ಇತರ ಸೇವೆಗಳು ಗ್ರಾಹಕರ ವಿಭಾಗಗಳನ್ನು ಆಧರಿಸಿ ಒಂಬತ್ತು ವರ್ಗಗಳಾಗಿ ವಿಂಗಡಿಸಲಾಗಿದೆ. ಇದರ ಜೊತೆಗೆ, ವಿವಿಧ ಇಲಾಖೆಗಳ ಸೇವೆಗಳು ವರ್ಣಮಾಲೆ ಕ್ರಮದಲ್ಲಿ  ಲಭ್ಯವಿದೆ.

                ಇದರ ಜೊತೆಗೆ, ಎಮ್ ಸರ್ವಿಸ್ ಎಂಬ ಮೊಬೈಲ್ ಆಪ್, ಇದರಲ್ಲಿ 450 ಸೇವೆಗಳು ಸೇರಿವೆ. ಆಂಡ್ರಾಯ್ಡ್ ಮತ್ತು ಐಒಎಸ್ ಪ್ಲಾಟ್‍ಫಾರ್ಮ್‍ಗಳಲ್ಲಿ ಆಪ್ ಲಭ್ಯವಿರುತ್ತದೆ. ಕೋವಿಡ್‍ನ ಸಂದರ್ಭದಲ್ಲಿ, ಈ ಸಮಗ್ರ ವ್ಯವಸ್ಥೆಯು ಸರ್ಕಾರಿ ಕಚೇರಿಗಳಲ್ಲಿನ ದಟ್ಟಣೆಯನ್ನು ನಿರ್ವಹಿಸಲು ಮತ್ತು ಜನರಿಗೆ ಸುಲಭವಾಗಿ ಮತ್ತು ಪರಿಣಾಮಕಾರಿಯಾಗಿ ಸೇವೆಗಳನ್ನು ತಲುಪಿಸಲು ಸಹಾಯ ಮಾಡುತ್ತದೆ.

                 ಇದರ ಜೊತೆಗೆ, ಕೇರಳ ಸರ್ಕಾರದ ವೆಬ್ ಪೆÇೀರ್ಟಲ್ https://kerala.gov.in/ ಅನ್ನು ಮೇಲ್ದರ್ಜೆಗೇರಿಸಲಾಗಿದೆ. ವಿವಿಧ ಇಲಾಖೆಗಳು ಜಾರಿಗೆ ತಂದಿರುವ ಆನ್‍ಲೈನ್ ಸೇವೆಗಳ ಅಂಕಿಅಂಶಗಳನ್ನು ಒದಗಿಸಲು ಸೇವಾ ಡ್ಯಾಶ್‍ಬೋರ್ಡ್ (http://dashboard.kerala.gov.in/) ಅನ್ನು ಸಹ ಅಭಿವೃದ್ಧಿಪಡಿಸಲಾಗಿದೆ. ಇದು ಪೋರ್ಟಲ್‍ನಲ್ಲಿ ಪ್ರತಿ ಇಲಾಖೆಯ ಸೇವಾ ವಿತರಣೆಯ ಮಾಹಿತಿಯನ್ನು ಒದಗಿಸುತ್ತದೆ.

                    ಕೇರಳ ರಾಜ್ಯ ಪೋರ್ಟಲ್‍ನ ಭಾಗವಾಗಿ, ಡಾಕ್ಯುಮೆಂಟ್ ರೆಪೆÇಸಿಟರಿ ಪೋರ್ಟಲ್ ನ್ನು ಅಭಿವೃದ್ಧಿಪಡಿಸಲಾಗಿದ್ದು, ಇದು ಸರ್ಕಾರದ ವಿವಿಧ ಇಲಾಖೆಗಳಿಂದ ಹೊರಡಿಸಲಾಗಿರುವ ಸುತ್ತೋಲೆಗಳು, ಆದೇಶಗಳು, ಅಧಿಸೂಚನೆಗಳು, ಮಾಹಿತಿಗಳು ಮತ್ತು ಟೆಂಡರ್‍ಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುತ್ತದೆ.