ಶಿಕ್ಷಣ ಸಚಿವರ ಫೇಸ್ ಬುಕ್ ಪೋಸ್ಟ್ : ಪ್ಲಸ್ ಒನ್ ಹಂಚಿಕೆ ಬಗ್ಗೆ ದೂರುಗಳ ಸರಮಾಲೆ: ಪೂರ್ಣ ಎ ಪ್ಲಸ್ ಪಡೆದ ವಿದ್ಯಾರ್ಥಿಗಳಿಗೂ ಸೀಟುಗಳಿಲ್ಲ

                ತಿರುವನಂತಪುರಂ: ಶಿಕ್ಷಣ ಸಚಿವ ವಿ.ಶಿವಂ ಕುಟ್ಟಿಯವರು ತಮ್ಮ ಪೇಸ್ ಬುಕ್ ಪೋಸ್ಟ್ ಪ್ಲಸ್ ವನ್ ಸೀಟು ಹಂಚಿಕೆ ಸಂಬಂಧ ಯಾವುದೇ ಗೊಂದಲಗಳು ಬೇಡವೆಂದು ಹಾಕಿರುವ ಪೋಸ್ಟ್ ಬಗ್ಗೆ ಭಾರೀ ದೂರುಗಳು ವ್ಯಕ್ತವಾಗುತ್ತಿವೆ. ಉತ್ತಮ ಅ|ಂಕಗಳಲ್ಲಿ ತೇರ್ಗಡೆಗೊಂಡಿದ್ದರೂ  ಸೀಟು ಸಿಗುತ್ತಿಲ್ಲ ಎಂಬ ದೂರುಗಳು ಎದ್ದಿವೆ.

                 ಪೂರ್ಣ ಎ ಪ್ಲಸ್ ಹೊಂದಿದ್ದರೂ, ಅವರಿಗೆ ಎಲ್ಲೂ ಸೀಟು ಲಭ್ಯವಾಗುತ್ತಿಲ್ಲ ಮತ್ತು ವಾಣಿಜ್ಯ ಗುಂಪಿಗೆ ಸೇರಲು ಮಾತ್ರ ಅವಕಾಶವಿದೆ ಎಂಬ ದೂರುಗಳಿವೆ. ಹೆಚ್ಚು ಮಕ್ಕಳು ಸೇರಲು ಬಯಸುವ ವಿಜ್ಞಾನ ಕೋರ್ಸ್‍ಗೆ ಹೆಚ್ಚಿನ ಸೀಟುಗಳನ್ನು ಮಂಜೂರು ಮಾಡಬೇಕೆಂದು ಜನರು ಒತ್ತಾಯಿಸುತ್ತಿದ್ದಾರೆ. ಅನೇಕರು ಒನ್-ಸ್ಟಾಪ್ ಶಾಪ್ ವ್ಯವಸ್ಥೆಯ ನ್ಯೂನತೆಗಳನ್ನು ಪರಿಹರಿಸಲು ಬಯಸುತ್ತಾರೆ.

                   ಪ್ಲಸ್ ಒನ್ ಹಂಚಿಕೆಯ ನಂತರ ಹೆಚ್ಚುವರಿ ಸೀಟುಗಳು ಇರುತ್ತವೆ ಎಂದು ಶಿಕ್ಷಣ ಸಚಿವರು ಹೇಳಿಕೊಂಡಿದ್ದರು. ಅರ್ಜಿ ಸಲ್ಲಿಸಿದ ಎಲ್ಲರಿಗೂ ಸೀಟುಗಳನ್ನು ಒದಗಿಸಲು 1,31,996 ಸೀಟುಗಳು ಅಗತ್ಯವಿದೆ. ಅಷ್ಟು ಅವಕಾಶಗಳಿಲ್ಲ. ಆದರೆ, ಪಾಲಿಟೆಕ್ನಿಕ್ ಮತ್ತು ವೊಕೇಶನಲ್ ಹೈಯರ್ ಸೆಕೆಂಡರಿಯಲ್ಲಿ ಸಾಕಷ್ಟು ಸೀಟುಗಳಿವೆ ಎಂದು ಸಚಿವ ಶಿವಂಕುಟ್ಟಿ ಹೇಳಿದ್ದರು.

                   ಆದಾಗ್ಯೂ, ಎಲ್ಲಾ ವಿಷಯಗಳಲ್ಲಿ ಎ + ಪಡೆದ ವಿದ್ಯಾರ್ಥಿಗಳು ಕೂಡ ಪ್ರಸ್ತುತ ಕೇರಳದಲ್ಲಿ ಬಯಸಿದ ವಿಷಯವನ್ನು ಅಧ್ಯಯನ ಮಾಡಲು ಸಾಧ್ಯವಾಗುತ್ತಿಲ್ಲ. ಎರಡನೇ ಹಂತದ ಹಂಚಿಕೆ ಪಟ್ಟಿ ಬಂದಾಗ ಕೇವಲ 655 ಮೆರಿಟ್ ಸೀಟುಗಳು ಮಾತ್ರ ಉಳಿದಿವೆ. ಇದರ ವಿರುದ್ಧ ಅನೇಕ ಜನರು ದೂರು ವ್ಯಕ್ತಪಡಿಸಿದ್ದಾರೆ.