ಬಲವಂತವಾಗಿ ವಶಪಡಿಸಿದ ದೇವಾಲಯಗಳನ್ನು ಭಕ್ತರಿಗೆ ಹಿಂತಿರುಗಿಸಬೇಕು: ಮಲಬಾರ್ ದೇವಸ್ವಂ ಮಂಡಳಿ ಕಚೇರಿಗೆ ಹಿಂದೂ ಐಕ್ಯವೇದಿಯಿಂದ ಮುತ್ತಿಗೆ

          ಕಣ್ಣೂರು: ಅಕ್ರಮವಾಗಿ ಒತ್ತುವರಿ ಮಾಡಿಕೊಂಡಿರುವ ದೇವಸ್ಥಾನಗಳನ್ನು ಭಕ್ತರಿಗೆ ಹಸ್ತಾಂತರಿಸುವಂತೆ ಆಗ್ರಹಿಸಿ ಹಿಂದೂ ಐಕ್ಯವೇದಿ ಮಲಬಾರ್ ದೇವಸ್ವಂ ಮಂಡಳಿ ಕಚೇರಿಯನ್ನು ಸಾಂಕೇತಿಕವಾಗಿ ಜಪ್ತಿ ಮಾಡಿತು.  ಪ್ರತಿಭಟನೆಯ ನೇತೃತ್ವವನ್ನು ಹಿಂದೂ ಐಕ್ಯವೇದಿ ರಾಜ್ಯ ಕಾರ್ಯಾಧ್ಯಕ್ಷ ವತ್ಸನ್ ತಿಲ್ಲಂಗೇರಿ ವಹಿಸಿದ್ದರು.  ನಿರ್ಧಾರವನ್ನು ಮರುಪರಿಶೀಲಿಸುವುದಾಗಿ ದೇವಸ್ವಂ ಆಯುಕ್ತರು ಲಿಖಿತ ಭರವಸೆ ನೀಡಿದ ಹಿನ್ನೆಲೆಯಲ್ಲಿ ಮಹಿಳೆಯರು ಸೇರಿದಂತೆ ಭಕ್ತರು ಧರಣಿ ನಡೆಸಿ ಹಿಂತಿರುಗಿದರು.

             ಪೊಯ್ಲೂರು ಮುತ್ತಪ್ಪನ ಮಡಪ್ಪುರ ದೇವಸ್ಥಾನ ಸೇರಿದಂತೆ ಕೆಲವು ಆಲಯಗಳನ್ನು ದೇವಸ್ವಂ ಅಧಿಕಾರಿಗಳು ಇತ್ತೀಚೆಗೆ ಬಲವಂತವಾಗಿ ವಶಪಡಿಸಿಕೊಂಡಿದ್ದರು. ಈ ಹಿಂದೆ

 ಗುರುವಾಯೂರು ಪಾರ್ಥಸಾರಥಿ ದೇವಸ್ಥಾನ, ವಲಂಚೇರಿ ವೈಲತ್ತೂರ್ ದೇವಸ್ಥಾನ ಮತ್ತು ಮಟ್ಟನ್ನೂರು ಮಹಾದೇವ ದೇವಸ್ಥಾನಗಳನ್ನು ಮಲಬಾರ್ ದೇವಸ್ವಂ ಮಂಡಳಿಯು ಅಕ್ರಮವಾಗಿ ಸ್ವಾಧೀನಪಡಿಸಿಕೊಂಡಿದೆ.  ಈ ಕ್ರಮದ ವಿರುದ್ಧ ಪ್ರತ್ಯೇಕ ಧರಣಿ ನಡೆಯಿತು.

         ದೇವಸ್ವಂ ಮಂಡಳಿ ಕೇಂದ್ರ ಕಚೇರಿಗೆ ಮುತ್ತಿಗೆ ಹಾಕಿದ ಭಕ್ತರು, ಹಿಂದೂ ಐಕ್ಯವೇದಿ ಮುಖಂಡರು ದೇವಸ್ವಂ ಆಯುಕ್ತ ಎ.ಎನ್.ನೀಲಕಂಠನ್ ಅವರಿಗೆ ಮುತ್ತಿಗೆ ಹಾಕಿದರು.  ಬೇಡಿಕೆಗಳನ್ನು ಅಂಗೀಕರಿಸದಿದ್ದಲ್ಲಿ ಧರಣಿ ತೀವ್ರಗೊಳಿಸುವುದಾಗಿ ಎಚ್ಚರಿಸಿದರು.  ಬೇಡಿಕೆಗಳನ್ನು ಪರಿಗಣಿಸಲಾಗಿದೆ ಎಂದು ದೇವಸ್ವಂ ಮಂಡಳಿ ಆಯುಕ್ತರು ಲಿಖಿತವಾಗಿ ಬರೆದ ನಂತರ ಎರಡೂವರೆ ಗಂಟೆಗಳ ಕಾಲ ನಡೆದ ಮುತ್ತಿಗೆ ಅಂತ್ಯಗೊಂಡಿತು.

         ಸ್ವಾಧೀನಪಡಿಸಿಕೊಂಡ ದೇವಾಲಯಗಳ ಸಮಿತಿಗಳನ್ನು ಮರಳಿ ಕರೆಯಬೇಕು, ಭಕ್ತ ಸಮಿತಿಗೆ ಆಡಳಿತ ನೀಡಬೇಕು ಎಂಬಿತ್ಯಾದಿ ಬೇಡಿಕೆ ಮೊಳಗಿಸಲಾಯಿತು.

         ಸರಕಾರ ತನ್ನ ಹಿಂದೂ ವಿರೋಧಿ ನಡೆಗಳಿಂದ ಹಿಂದೆ ಸರಿಯದಿದ್ದರೆ ಮುಷ್ಕರವನ್ನು ತೀವ್ರಗೊಳಿಸುವುದಾಗಿ ಹಿಂದೂ ಐಕ್ಯ ವೇದಿಕೆ ಸರಕಾರಕ್ಕೆ ಎಚ್ಚರಿಕೆ ನೀಡಿದೆ.