ಗುರುವಾಯೂರಪ್ಪನ ಥಾರ್ ಜೀಪು ವಿವಾದ ಅಂತ್ಯ: ಅಮಲ್ ಮುಹಮ್ಮದಲಿ ಒಡೆತನಕ್ಕೆ ಹರಾಜು ಅನುಮೋದನೆ

                                                     

                      ತ್ರಿಶೂರ್: ಗುರುವಾಯೂರ್ ದೇವಸ್ಥಾನಕ್ಕೆ ಕೊಡುಗೆಯಾಗಿ ನೀಡಲ್ಪಟ್ಟ ಥಾರ್ ಜೀಪ್ ನ ಹರಾಜಿನ ವಿವಾದ ಅಂತ್ಯಗೊಂಡಿದೆ. ಥಾರ್ ಈಗ ಅಮಲ್ ಮುಹಮ್ಮದಲಿ ಒಡೆತನದಲ್ಲಿದೆ. ನಿನ್ನೆ ನಡೆದ ಸಭೆಯಲ್ಲಿ ಹರಾಜಿಗೆ ಅನುಮೋದನೆ ನೀಡಲಾಯಿತು.

                    ಇದೇ ತಿಂಗಳ 18ರಂದು ನಡೆದ ಹರಾಜು ವಿವಾದಕ್ಕೀಡಾಗಿತ್ತು. ಹರಾಜಿನಲ್ಲಿ ನಿರೀಕ್ಷಿತ ಮೊತ್ತ ಸಿಕ್ಕಿಲ್ಲ ಎಂದು ಆಡಳಿತ ಸಮಿತಿ ಅಧ್ಯಕ್ಷರು ಪ್ರತಿಕ್ರಿಯೆ ನೀಡಿರುವುದು ವಿವಾದಕ್ಕೀಡಾಯಿತು. ಹರಾಜಿಗೆ ಆಡಳಿತ ಮಂಡಳಿ ಒಪ್ಪಿಗೆ ನೀಡದೆ ತಾತ್ಕಾಲಿಕವಾಗಿ ಹರಾಜು ನಿಗದಿ ಮಾಡಲಾಗಿದೆ ಎಂದು ಅಧ್ಯಕ್ಷರು ಸ್ಪಷ್ಟಪಡಿಸಿದರು.ನಂತರ ಹರಾಜು ವಿವಾದಕ್ಕೀಡಾಗಿದ್ದು, ದೇವಸ್ಥಾನದ ಆಡಳಿತ ಮಂಡಳಿ ಸಭೆ ನಡೆಸಿತು.

                 ಎರ್ನಾಕುಳಂ ನಿವಾಸಿ ಅಮಲ್ ಮೊಹಮ್ಮದ್ 15 ಲಕ್ಷ 10 ಸಾವಿರ ರೂ.ಗೆ ವಾಹನವನ್ನು ಹರಾಜಿನಲ್ಲಿ ಪಡೆದಿದ್ದರು. ಬಹ್ರೇನ್‍ನಲ್ಲಿರುವ ಅನಿವಾಸಿ ಉದ್ಯಮಿ ಅಮಲ್ ಮೊಹಮ್ಮದ್ ಅಲಿ ಅವರು ವಾಹನಕ್ಕೆ ಮೂಲ ಬೆಲೆ 15 ಲಕ್ಷ ರೂ.ಆಗಿದ್ದು ಅದನ್ನು ಪಾವತಿಸಿರುವೆ ಎಂದಿದ್ದಾರೆ.